Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Дахили Ишләр Назирлијинин сөзчүсү Еһсан Заһидов ББҸ Азәрбајҹанҹаја шәрһләриндә, һүгуг мүдафиәчисинин сәсләндирдији фикирләри “онун өз тәхәјјүлүнүн мәһсулу” адландырыб.
ДИН мәтбуат хидмәтинин рәһбәри Еһсан Заһидов гәтијјәтлә Тале Бағыровун сахланылмасынын бүтүн мөвҹуд ганунвериҹилијә мүвафиг апарылдығыны, истинтаг мүддәтиндә һәр һансы ганунсузлуға јол верилмәдијини дә, иддиа едиб.
Дахили Ишләр Назирлијинин мәтбуат хидмәтинин рәһбәри Еһсан Заһидов ДИН-ин Тале Бағыровла бағлы иши һагда садаланан иттиһамларын “башдан ајаға јалан” олдуғуну иддиа едәрәк дејиб: “Тамамилә бош вә әсассыз сөһбәтләрдир. Белә 100 фаиз әминәм ки, вәкил өз чыхышы илә һәм мәтбуаты алдадыр, һәм дә иҹтимаијјәти алдатмаға чох уғурсуз ҹәһд ҝөстәрир”.
Мүттәһимин һазырда һарада сахланылмасы мәсәләси илә бағлы суаллара исә ҹәнаб Заһидов ајдынлыг ҝәтирмәјиб.
Гејд едәк ки, истинтагын апарылдығы Баш Прокурорлуғун мәтбуат хидмәти илә ҝүн әрзиндә дәфәләрлә әлагә сахланылса да, гурум мәсәлә илә бағлы һәр һансы ачыглама вермәјиб.
Диггәт: Хәбәрдән истифадә етдикдә мәнбәјә истинад лазымдыр
