Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән,Сәуд вәһһаби режими Ајәтуллаһ НИмр ә даһа 46 Шиә активистини 02.01. 2015 тарихдә едам етмәклә Јахын Шәргдәки дурумуну вә һабелә дүнја мигјасындакы вәзијјәтини даһа да ҝәрҝинләшдирди.
Белә ки, Алманија һөкумәти Сәудијјә Әрәбистанында Ајәтуллаһ Нимр ән-Нимринин едам едилмәсиндән нараһатлыг ифадә едән бәјанат јајараг һесаб едир ки, бу едам Јахын Шәргдә ситуасијаны даһа да ҝәрҝинләшдирәҹәк.
“Нимр ән-Нимрәнин едамы реҝионда ҝәрҝинлијин артмасы вә парчаланма сарыдан бизим нараһатлығымызы ҝүҹләндирир” – Алманија ХИН-ин рәсми нүмајәндәси билдириб.
Инҝилтәрә һөкумәти дә, өз нөвбәсиндә Ајәтуллаһ Нимрин едамыны кәскин писләјиб. Өлкәнин Хариҹи Ишләр Назирлији Сәудијјә Әрәбистанынын нүфузлу Шиә Алими Ајәтуллаһ Шејх Нимр Багир ән-Нимрин едам едилмәсини писләјиб.
Инҝилтәрә ХИН рәсмиси Һиллари Бен билдириб ки, Сәудијјә режиминин кәскин тәнгидчиси вә ифадә азадлығына ҝөрә һәбс едилмиш Шејх Нимрин едам едилмәси ганунсуздур.
"Сәудијјә Әрәбистаны Ајәтуллаһ Нимри едам етмәклә чох бөјүк сәһв етди. Бу едам вә үмумиликдә мәһкәмә просеси барәдә бизим дәрин нараһатчылығымыз вар иди", - дејә Инҝилтәрә падшаһлығынын ХИН рәсмиси билдириб.
Инҝилтәрә Либерал-Демократлар Партијасынын лидери Тим Фаррон исә Инҝилтәрә падшаһлыг режимини диктатор Сәудијјә режими илә әлагәләри кәсмәјә чағырыб.
Ејни заманда 02.01.2015 тарихдә Лондонда јүзләрлә инсанын иштиракы илә Ајәтуллаһ Нимрин едамына етираз аксијалары кечирилиб. Сәудијјә режиминин гаршысында топлашан етиразчылар Инҝилтәрә падшаһлыг режиминдән Сәудијјә режиминә бу вәһшиликләрә ҝөрә тәзјигләри артырмағы тәләб едиб.
Иран Ислам Республикасынын Ислам Шурасы Мәҹлисинин Спикери ҹәнаб Әли Лариҹани вәһһаби режиминин бу вәһшилијини мәһкум едәрәк билдириб: "Сәудијјә Әрәбистанынын нүфузлу алими шејх Нимр Багир ән-Нимрин едам едилмәси барәдә аҹы хәбәр реҝионда тәһлүкәсизликлә бағлы проблемләрин хејли артмасына сәбәб олаҹаг. Сәудијјә режими бөјүк алими гәтлә јетирмәклә өзүнү салдығы бөјүк бир батаглыгдан чыха билмәјәҹәк.”
Әли Лариҹани һәмчинин вурғулајыб ки, империалист өлкәләрин дәстәји илә реҝионун бәзи дөвләтләри бу реҝионда сабитлијин олмамасына сәбәб олублар.
Бөјүк Фаҹиә илә бағлы мәсәләјә гәти сүрәтдә етираз етдјини билдирән Ираг һөкүмәтинин рәсмиси ҹәнаб Нури әл-Малики билдириб: "Муһәммәд Багир Сәдрин едамы Сәддамын сонуну ҝәтирдији кими, бу гәтл дә Сәуд режиминин сонуну ҝәтирәҹәк"
Ираг витсе-президенти Нури әл-Малики билдириб: "Биз гәти шәкилдә Сәудијјә режиминин бу ијрәнҹ ҹинајәтини писләјирик вә бәјан едирик ки, Ајәтуллаһ Нимрә гаршы төрәдилмиш бу ҹинајәт Сәудијјә режиминин сонуну ҝәтирәҹәк, неҹә ки, Муһәммәд Багир әл-Сәдрин едам едилмәси Сәддам Һүсејн режиминин сонуну ҝәтирди.”
Хатырладаг ки, Сәудијјә режиминин гәрары илә бу ҝүн Сәудијјәнин бөјүк Әһли Бејт (әлејһимус сәлам) алими Шејх Багир Нимр едам едилиб.
Диггәт: Хәбәрдән истифадә етдикдә мәнбәјә истинад лазымдыр
