Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Ислам Партијасынын һәбсдә олан лидери Мөвсүм Сәмәдов Гүдс ҝүнү илә әлагәдар бәјанат вериб. Аиләсинин ФактХәбәр-ә ҝөндәрдији бәјанатда дејилир:
Мүсәлман өлкәләринин проблемләри вә ишғал нијјәти сырасына һәр ил бири әлавә олунур. Сон 10 илин тарихинә бахдыгда ҝөрүрүк ки, Гәрб дүнјасы һәр вәҹһлә мүсәлман дүнјасынын проблемләринин динмәмәси үчүн әлиндән ҝәләни едир. Јарым әсрдән чох тарихи олан Фәләстин мәсәләсини АБШ-ын Әфганыстан ишғалы изләди. Даһа сонра диктатор Сәддам Һүсејнин ишғалындан хилас олуб АБШ-ын ишғалына туш ҝәлән, инди исә ИШИД террорчулары илә дөјүшән Ираг әлавә олунду. Ардынҹа Сурија ҝәлди. АБШ вә Гәрб гүввәләри реҝионал әлалтылары васитәси илә Суријаја демократија ҝәтирәҹәји бәһанәси илә террорчулара силаһ вериб Әсәд һакимијјәтинин вә Сурија халгынын үстүнә ҝөндәрди. “Халг Әсәди истәмир”, - дедиләр. Амма унутдуглары бир шеј вар иди: Сурија халгы Јахын Шәргдә ән әмин-аманлыгда јашајан халг иди, онларын “демократија”сы ҝәләнә кими. 200 миндән чох инсан гәтлә јетирдиләр вә һәлә дә јетирмәкдәдирләр...
Јәмән халгы доғрудан да Һади һөкумәтини истәмәди вә ајаға галхды. Президент Мәнсур Һади истефа верди вә сонра өлкәдән гачды. Сәудијјәјә сығынды вә демократијадан дәм вуран Гәрбин дәстәји илә өлкәсини, халгыны бомбалатды, бу ҝүн дә бомбаладыр...
Вә ҹанымыз Гарабағ. 25 илдир дүшмән тапдағы алтындадыр. Нә өзләринин ортаја атдығы сүлһ данышыглары илә ҝери гајтармырлар, нә дә өз ҝүҹүмүзлә алмаға иҹазә вермирләр. Иҹазә вермәјәнләр исә бу ҝүн Ирагы, Суријаны, Јәмәни өз нәзарәти алтына кечирмәк истәјәнләрдир. Демократијадан дәм вуруб, мүлки вәтәндашлары бомбалатдыранлардыр, ҝүнаһсыз көрпәләрин гәтлинә ҝөз јуманлардыр.
Һәр шеј өз јеринә гајыдаҹаг. Бир ҝүн Гүдс дә, Гарабағ да өз һәгиги саһибләринә - мүсәлманлара гајыдаҹаг. Бу, бирмәналыдыр. Амма нә вахт гајыдаҹаг? Бу, бизләрдән асылыдыр. Бизләрми шәрәфләнәҹәјик бу јолда, биздән сонракылармы? Биз ҝәрәк үзәримизә дүшән вәзифәләри јеринә јетирәк. Ағылла, дәрракә илә, дүшүнҹә илә, Аллаһа бәндәлијә јөнәлик нәзәрләрлә. Хүсусән дә бу ҝүнүмүздә. Гарабағла бағлы әксәр инсанлар пессимист овгатда оланда, руһ јүксәклији илә, инамла ҝәләҹәјә бахыб, тәклифини иҹра етмәк чох мүһүмдүр.
Ән ағрыдыҹы суал будур ки, бәс неҹә олду Гүдс ишғал олунду, Гарабағ ишғал олунду, диҝәр торпаглар ишғала мәруз галды? Неҹә олду ки, бу зәифлик баш верди? Нәдән вәһдәтдән узаг, камилликдән, үстүн дәјәрләр дашыјыҹылығындан, бәшәријјәтә бир ҹәм олараг ән үстүн нүмунә олмаг дурумундан узаг дүшмүшүк?
Гүдслә Гарабағын һәм тарих бахымындан, һәм дүшмән вә дүшмәнин иддиасы бахымдан олдугҹа јахын вә охшар ҹәһәтләри мөвҹуддур. Әлбәттә, инсанлыға тәҹавүз, һүгугларын позулмасы, зүлмә мәруз галма принсипиндән там ејнидирләр. Буну ҝөрмәмәк олмаз. Бу ҝүн мүсәлманларын илк гибләҝаһы олан Гүдсүн ишғалдан азад олунмасы уғрунда сәјләр, Гарабағын ишғалдан гуртулмасы үчүн мүбаризә апармагдан һеч дә фәргләнмир. Чүнки мәрам да ејнидир, дүшмәнләр дә. Бу бахымдан Гүдсүн ишғалына гаршы ҹүрәт тапыб етираз едә биләнләр, мәһз Гарабағы да ишғалдан азад етмәк игтидарына малик ола биләҹәкләр.
Мән Азәрбајҹан Ислам Партијасынын рәһбәри олараг, һамыны өз илаһи тәклиф вә вәзифәләринә әмәл етмәјә дәвәт едирәм вә өз нөвбәмдә дә бир азәрбајҹанлы кими, Совет Иттифагынын сүгутундан сонра, һәр заман өз дини вә иҹтимаи вәзифәләримә әмәл етмәјә ҹәһд етмишәм.
О ҹүмләдән, һиҹаб мәсәләсиндә дә өз вәзифә вә тәклифимә әмәл етдим. Буна ҝөрә дә, Аллаһ-таалаја һәр заман шүкүр едирәм, һәрчәнд бунун нәтиҹәси тәзјиг вә әзијјәт олса белә, ондан разыјам: ما رائت الا جميلا - Ҝөзәлликдән башга бир шеј ҝөрмәдим.
Вәзифәсинә әмәл едән инсанлар, јалныз өз Пәрвәрдиҝарындан мүкафат, әҹр вә саваб ҝөзләјәр, Аллаһын мәхлугундан һеч бир интизары вә тәмәннасы олмаз.
Өз илаһи тәклифинә әмәл едән инсан, өзүнү унудараг бүтүн гүввәсини диҝәр инсанларын асајиши вә азадлығы үчүн сәфәрбәр едәр.
Әзиз мөминләр, билин ки, вәзифәсинә әмәл едән инсан, һеч вахт ҹилдә ҝириб, өз рәнҝини вә сифәтини дәјишмәз. Әҝәр Аллаһ гәбул едәрсә, бизим бүтүн сәјләримиз дә өз тәклиф вә вәзифәмизи әда етмәк үчүн олуб. Сиз мәни јахшы таныјырсыныз, мәним һансы мөвгедә вә јолда олмағым да сизә јахшы мәлумдур. Үмидварам ки, биз һамымыз һәзрәт Пејғәмбәрин (с) Гурани-Кәримдә вәсф едилмиш ардыҹылларындан оларыг, иншәаллаһ.
Бизим әсас нараһатчылығымыз ҝүнаһсыз мәһбусларын азадлығы дејил, јухарыда да гејд етдијим кими әзиз Вәтәнимизин бир һиссәси олан Дағлыг Гарабағын дүшмән әсарәтиндән азадлығы, милли-мәнәви дәјәрләримизин мөһкәмләндириләрәк јајымланмасы, Мүбариз Ибраһимов вә диҝәр әзиз шәһидләримизин јолуну давам етдирмәк олмалыдыр.
Бу ҝүн, Абҝүл Сүлејманов, Тале Бағыров, Фәрамиз Аббасов, Руһуллаһ Ахундзадә кими бөјүк инсанлар вә диҝәр һиҹаб мәһбуслары шәһидләр сәрвәри Имам Һүсејни (ә) өзләринә нүмунә, үлҝү ҝөтүрмәклә, азадлыг јолуна гәдәм гојмушлар. Бу јолда зәррә гәдәр тәрәддүд етмәдән өз мүбаризәләрини вә мүгавимәтләрини давам етдирирләр!
Диггәт: Хәбәрдән истифадә етдикдә мәнбәјә истинад лазымдыр
