Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Гафгаз Мүсәлманлары Идарәсинин сәдри Шеjхүлислам Аллаһшүкүр Пашазадә иjунун 10-да Тәртәрә сәфәр едиб.
Јерли мәнбәләрдән алдығымыз мәлумата ҝөрә, Шеjх Тәртәрә тәк ҝетмәjиб, ону Дини Гурумларла Иш үзрә Дөвләт Комитәсинин сәдри Мүбариз Гурбанлы, еләҹә дә ГМИ вә ГДИДК сәдрләринин мүавинләри, танынмыш шәргшүнас-алим Васим Мәммәдәлиjев мүшаjиәт едиб. О да билдирилир ки, Шеjхүлислам Тәртәрә һеликоптерлә ҝәлиб.
Тәртәрдә jерли иҹра башчысы илә ҝөрүшән Шеjхүлислам даһа сонра руһаниләрлә бир араjа ҝәлиб вә Тәртәр Ҹүмә мәсҹидинә баш чәкиб. Бизә верилән мәлумата ҝөрә, Шеjх бахымсыз галан мәсҹиддә ҝүнорта намазы гылыб, даһа сонра мәсҹидин отагларына бахыш кечириб, бинанын учулуб дағылмасындан нараһатлығыны билдириб. Шеjх билдириб ки, өз шәхси һесабындан Тәртәр мәсҹидинин тәмиринә 10 мин манат аjырыр. Еjни заманда ДГИДК сәдринә дөвләтин мүвафиг фондундан пул аjырмағы тәклиф едиб. М.Гурбанлы Шеjхин тәклифини дәстәкләjиб, Тәртәр мәсҹидинин тәмиринә jардым едиләҹәjини билдириб. Мәнбә билдирир ки, Шеjх Тәртәрдә ҝөрүшләрдән сонра Бәрдәjә jола дүшүб.
Геjд едәк ки, Тәртәр раjонундан сон илләрдә чохлу саjда сакин Суриjаjа ҝедәрәк радикал груплара гошулуб. Мәтбуатын jаздығына ҝөрә, сон 3 илдә раjондан бир нечә нәфәр Суриjада ҝедән дөjүшләрдә өлдүрүлүб, jахуд да jараланараг Түркиjәjә апарылыб. Һазырда Суриjада ҝедән дөjүшләрдә онларла раjон сакининин олдуғу ҝүман едилир. Тәртәрдә 90-ҹы илләрдә вәһһабилик ҝениш jаjылыб вә jерли әһали арасында тәрәфдар топлаjа билиб. Сонракы илләрдә дә раjонда вәһһабиләр, радикал исламчылар хеjли фәал олублар. Анҹаг Суриjада башлаjан ич саваш вә бу савашда чохлу саjда азәрбаjҹанлыларын өлдүрүлмәсиндән сонра һакимиjjәт органларынын республика сәвиjjәли тәдбирләри Тәртәрдә дә һәjата кечирилиб. Һүгуг-мүһафизә органлары Тәртәрдә радикал групларын үзвү олан бир нечә нәфәри һәбс едиб, еjни заманда раjонда радикал груплары дәстәкләjән, онлара jардым едән шәхсләр сон аjларда нәзарәтә ҝөтүрүлүб. Мәһз бу ҹүр хәбәрләрин jаjылмасындан сонра Шеjхүлисламын Тәртәрә сәфәр етмәси раjонла бағлы һакимиjjәтин нараһатлығынын һәлә дә галдығыны ҝөстәрир.
Раjондан верилән мәлумата ҝөрә, сон бир илдә һүгуг-мүһафизә органлары Тәртәрдә радикал групларын үзвләри, онлара малиjjә дәстәjи верән, һимаjә едән шәхсләри нәзарәтә алыб. Мәтбуатда һәтта һакимиjjәт органларында тәмсил олунан бәзи шәхсләрин белә груплары дәстәкләмәси илә бағлы хәбәрләрин jаjылмасындан сонра һакимиjjәт органлары раjонда фәал вәһһабиләр вә онларын нүфузлу һимаjәдарларыны нәзарәтә ҝөтүрүб.
Ҝөрүнүр ки, Шеjхин сәфәри дини вәзиjjәтлә jериндә таныш олмаг, дини иҹмаларын, руһаниләрин проблемләрини динләмәк вә мүвафиг аддымлары планламаг мәгсәдли олуб. ДГИДК сәдринин дә Шеjхи мүшаjиәт етмәси бунунла әлагәләндирилир. Бу исә ону демәjә әсас верир ки, jахын заманларда һакимиjjәт органлары Тәртәрдә радикал групларын даjагларыны мәһв етмәк үчүн ҝенишмигjаслы фәалиjjәтә кечәҹәк.
Диггәт: Хәбәрдән истифадә етдикдә мәнбәjә истинад лазымдыр
