Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Әдлијјә системинин ики танынмыш һакиминин шәһадәтиндән сонра Үмүмдүнја Мүсәлманларынын Али Лидери һәзрәрт Ајәтуллаһ Хаменеи башсағлығы месажы вериб.
Ајәтуллаһ Сејјид Әли Хаменеи һәзрәтләри месажында ики танынмыш мәһкәмә һакими Һәҹҹүл-Ислам, ҹәнаб Разини вә Мәгисәнин шәһадәтә јетишәрәк уҹа зирвәјә уҹалдыглары мүнасибәти илә онларын јахынларыны тәбрик етмиш вә онлары итирдикләри үчүн исә јахынларына тәслијјәт әрз етмишләр.
Ислам Ингилабынын Рәһбәринин месажынын мәтни беләдир:
Мәрһәмәтли вә Рәһмли Аллаһын Ады илә!
Алими-мүҹаһид, Һөҹҹәтүл-Ислам вәл Мүслимин ҹәнаб Һаҹы Шејх Әли Разини вә онун һәмкары, ҹәсур һаким, зати-алиләри ҹәнаб Һаҹы Шејх Мәһәммәд Мәгисәнин (Аллаһ онлардан разы олсун), шәһадәтләрини шәрәфли аилә үзвләринә тәбрик дејир вә онларын итирилмәси илә әлагәдар исә башсағлығы верирәм.
Шәһид Разини кечмишдә дә бәдхаһ үнсүрләрин гәддар ҹәһдләрә мәруз галмыш вә узун илләр ҹанбазлығын-ветеранлығын әзијјәтләринә синә ҝәрмишди. Онун ики әзиз гардашы бундан өнҹә шәһид олмушлар.
Аллаһын рәһмәт вә бәрәкәти онларын һамысына вә онларын бағышлајан вә сәбирли аиләләринә олсун.
Сејид Әли Хаменеи
29 Деј 1403-ҹү ил
Гејд едәк ки, Һөҹҹәтүл-Ислам Вәл Муслимин Разини 39-ҹу Шөбәнин рәһбәри вә Али Мәһкәмәнин 53-ҹү Шөбәсинин рәһбәри Һөҹҹәтүл-Ислам Вәл Муслимин Мәгиси өтән ҝүн ҝүнортадан сонра, 29 Деј 1403-ҹү ил шәнбә ҝүнү террор һадисәси заманы шәһид олдулар.
Теһран вилајәтинин баш һакими вәзифәсиндә чалышан шәһид Разини бундан өнҹә дә 1998-ҹи илин јанварында террорчуларын һәдәфинә чеврилимишдир. Лакин бу террор һадисәсиндән сағ чыхараг бир мүддәт хәстәханада мүалиҹә алмышдыр. Бу заман онун ҝөрүшүнә Имам Хаменеи һәзрәтләри тәшриф ҝәтирмишләр.
Диггәт: Лүтфән Хәбәрдән Истифадә Етдикдә Мәнбәјә Истинад Един!
