Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Иран Ислам
Республикасынын Силаһлы Гүввәләринин Баш Гәрарҝаһ рәиси, ҝенерал-мајор Мәһәммәд
Багири бу ҝүн “Јени Дүнја Низамы Һәндәсәси” адлы конфрансында дејиб:
“Бир ил әввәл Ислам Ингилабынын Али Мәгамлы Рәһбәри һәзрәт Ајәтуллаһ Хаменеи аналтикләрә бу дүнја дүзәниндә вә ҝәләҹәк низамда баш верән дәјишикликләри арашдырмаг вә бу јени јаранаҹаг дүзәндә өлкәнин мөвгејини мүәјјән етмәк зәрурәтини изаһ етмишдир. Сизин университетиниз исә бу конфрансын кечирилмәси үчүн һеч бир сәјини әсирҝәмәјиб.”
О әлавә едиб:
“Үмумбәшәри низамлары идарә едән һаким гајда мүхтәлиф тарихи дөврләрдә дәјишиб вә һәр һансы бир низамын әбәди сабитлији мүмкүн дејилдир.”
Ҹәнаб Багири давам едиб:
“20-ҹи әсрин әввәлләриндә дүнјада мөвҹуд олан ики блок, Шәрг вә Гәрб, даһа чох мәнфәәт әлдә етмәјә, Гәрби Асија реҝионуна вә онун диҝәр стратежи имканларына һаким олмаға чалышырды. Сонракы һадисәләрдә 40 иллик икигүтблү мүһарибә формасында формалашан сојуг мүһарибә вә коммунизмин глобал тәнликдән силинмәси, ардынҹа АБШ-ын Ираг вә Әфганыстан өлкәләринә вәһшиҹәсинә тәҹавүзү, даһа сонра Сурија вә Ираг һөкумәтләрини девирмәк үчүн гондарма “ИШИД” адлы террор ҹәрәјанынын јарадылмасы, бүтүн бунлар дүнја режимләринин дәјишмәсиндән хәбәр верир.”
Силаһлы Гүввәләрин Баш Гәрарҝаһ рәиси дејиб:
“Сүбутлар ҝөстәрир ки, дүнјада биргүтблү низам һеч вахт өзүнә сабит форма ала билмәјиб вә дүнја јени низамын астанасындадыр. Вә Иранда Ислам Ингилабынын мејдана чыхмасы вә бу ингилабын Илаһи Һакимијјәт јолунда даим артан вә инкишаф етмәкдә олан атылан бир аддым кими дәјәрләндирилмәси јени дүнја низамынын формалашмасы үчүн истисна һесаб олунур. Ислам Ингилабы Американын дүнјаны фәтһ етмәсинин уғурсузлуғунда рол ојнајан мүһүм амилләрдән биридир вә бу һәрәкат давам едәҹәк.”
О билдириб:
“Аллаһын вәдләри ҝөстәрир ки, Аллаһын ирадәси дүнјада тәкәббүрлү системләри алт-үст етмәк вә салеһ системләр гурмагдыр вә Иран Ислам Ингилабы да бу јолдадыр.”
Ҝенерал Багири билдириб:
“АБШ-ын дүнјанын мүтләг лидери олмаг ҹәһди уғурсузлугла гаршыланды, бунун әламәтләрини Американын Ираг вә Әфганыстандан сүрәтлә ҝери чәкилмәсиндә вә Гәрби Асијада Америка һәрби гүввәләринин әһәмијјәтли дәрәҹәдә ихтисара салынмасында, АБШ-ын. Гәрби Асијада, Ҹәнуби Чиндә вә Гәрби Авропада мөһкәмләнмәсиндә дүчар олдуғу чашгынлығында вә диҝәр амилләрдә ҝөрмәк олар. Бу ҝүн Америка кечмишлә мүгајисәдә хејли зәиф вә тәҹрид олунмуш вәзијјәтдәдир.”
ИИР Силаһлы Гүввәләрин Баш Гәрарҝаһ рәиси дејиб:
“Фәләстини гәсб едән, Нил чајындан Фәрат чајына гәдәр олан әразиләри нәзарәтә ҝөтүрмәк хүлјалары илә јашајан, әрәбләрлә мүһарибәдә гәләбә газанан вә һәрби ҝүҹә саһиб олан Исраил, 2006-ҹы илдә Һизбуллаһла 33 ҝүнлүк мүһарибәдә мәғлубијјәтдән сонра мүхтәлиф саһәләрдә бөјүк проблемләрлә үзләшир вә үзүбәри, ашағы енишдәдир. Амма мәзлум Фәләстин халгы вә мүгавимәт ҹәбһәси Фәләстин азадлығы јолунда ҝүҹүн, координасијанын вә артан һәрәкатын зирвәсини фәтһ етмәкдәдир.”
Ҹәнаб Багири билдирибләр:
“Чинин игтисади бахымдан ҝүҹләнмәси вә дүнјанын илк игтисади ҝүҹүнү Америкадан алмасы вә бүтүн Асијаја, Африка вә Авропанын ҝүҹүнүн бир һиссәсинә сәрмајә гојмасы вә һәрби ҝүҹүнү артырмасы дүнја низамынын вә гүдрәтинин һәндәсәсиндәки дәјишиклијин диҝәр мүһүм әламәтидир.”
Силаһлы Гүввәләрин Баш Гәрарҝаһ рәиси сөзүнә давам едиб:
“Русијанын Гәрбә ҝүвәнмәкдән әл чәкмәси вә мүһарибәјә ҝирмәк баһасына олса белә НАТО-нун шәргә доғру ҝенишләнмәсинә гаршы дурмасы, диҝәр тәрәфдән Американын Украјнанын инфраструктуруну мәһв етмәк баһасына олса белә мүһарибәни давам етдирмәкдә исрарлы олмасы, Русијанын буфер зона јаратмагда исрарлы олмасы, буну ҝөстәрир ки, бу мүһарибә һеч дә асанлыгла сона јетмәјәҹәк. Авропаја мал вә енержи нәгли јолларыны бағланмасы Русијанын Шәргә доғру дөнүшүнә сәбәб олаҹагдыр.”
О даһа сонра билдириб:
“Јени елмләрин тәрәггиси јени дүнја дүзәнинин башга бир хүсусијјәтидир вә Америка артыг бу саһәдә дүнја лидери дејил. Америка тәнәззүл јолундадыр вә әҝәр Авропа вә Американын диҝәр мүттәфигләри Американын кор-коранә дәстәји зәнҹирләриндән гуртулмасалар, онунла бирликдә ҝеридә галаҹаглар.”
Даһа сонра ҹәнаб Багири дејиб:
“Асија вә Шәрг Американын зоракы сијасәтләринә гаршы ејни фикирдәдир вә Шанхај мүгавиләсиндә һөкумәтләрин бир араја ҝәлмәси синержи јолундадыр. Дүнјанын бу һиссәси ҝәләҹәкдә мүтләг дүнјанын ән бөјүк ҝүҹү олаҹагдыр.”
Силаһлы Гүввәләрин Баш Гәрарҝаһ рәиси дејиб:
“Иран өлкәси имтијазлы мөвгеји вә ресурслары илә шәрәф вә гүрурла долу бир тарихә вә дүнја ҝүҹ ијерархијасында сычрајыш габилијјәтинин артмасында уникал бир потенсиала маликдир.”
Ҝенерал Багири билдириб:
“Гоншу өлкәләрлә достлуг вә гардашлыг истигамәтиндә һәрбчиләримизин чәкиндириҹи ҝүҹү, Америка зоракылығына гаршы дирәниш ҝөстәрмәси јахшы тәһлүкәсизлик сипәрини јарада билмишдир. Өлкәмизин гоншуларла сүлһ вә достлуғун инкишаф етдирмәсини, онларын торпагларына вә мәнафејинә ҝөз дикмәмәк кими гәти сијасәти дост өлкәләрин Иранын имканларындан фајдаланмасы үчүн лазыми платформаны јаратмышдыр.”
Сәрдар Багири дејиб:
“Иран Силаһлы Гүввәләри, Асија өлкәләринин бөјүк ордуларынын Шанхај пакты чәрчивәсиндә үстүн глобал сүлһмәрамлы ҝүҹ кими формалашдырылмасыны вә тәләб олунан һәрби мәһсулларын бирҝә истеһсалы үчүн синержисини алгышлајыр. Иран бөлҝә өлкәләринин тәһлүкәсизлијини горумагда өз ролуну ојнамаға ҹавабдеһдир.”
Силаһлы Гүввәләрин Баш Гәрарҝаһ рәиси сонда дејиб:
“Биз АБШ вә онун авропалы тәрәфдашларынын һәрби мөвҹудлуғуну реҝионун зәрәринә һесаб едирик вә Фәләстин халгынын суверенлијини таныјыр вә бүтүн ҝүҹүмүзлә она көмәк едирик.”
Диггәт: Хәбәрдән Истифадә Етдикдә Мәнбәјә Истинад Лазымдыр!
