Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Иран Ислам
Республикасы Бирләшмиш Әрәб Әмирликләринә сәфир ҝөндәрир.
ЫСНА хәбәр аҝентлији хәбәр верир ки, ИИР вә БӘӘ арасында әлдә олунан разылашмадан сонра ики өлкә дипломатик мүнасибәтләрини бир даһа сәфирләр сәвијјәсинә јүксәлтмәк гәрарына ҝәлиб.
Бу хүсусда БӘӘ-дән Сејф Мәһәммәд Обаид Әл-Зааби ИИР-дакы сәфир кими Теһрана гајыдыб вә рәсми олараг БӘӘ-нин Иран Ислам Республикасындакы сәфири кими Теһранда фәалијјәтә башлајыб.
Хәбәрә ҝөрә, ИИР-ын БӘӘ-дәки јени сәфири исә Реза Амери олаҹаг. Амери Иран Ислам Республикасынын Хариҹи Ишләр Назирлијиндә Хариҹдәки Иранлылар илә Иш үзрә Идарәнин рәиси вәзифәсиндә чалышыб. О, бундан әввәл Ислам Рспубликасынын Әлҹәзаир, Судан вә Еритрејадакы сәфири олуб.
Билдирилиб ки, Реза Амери ҹәнаблары јахын вахтларда Иран Ислам Республикасынын Әбу-Дабидәки сәфири кими фәалијјәтә башлајаҹаг.
Диггәт: Хәбәрдән Истифадә Етдикдә Мәнбәјә Истинад Лазымдыр!
