Мемфис шәһәриндә 5 полис мәмурунун 29 јашлы ФедЕх ишчиси Тире Николсун гәтлиндә иттиһам олундугдан сонра бу беш мәмурун гарадәрили кишини дөјдүјүнү әкс етдирән видео јајымланыб.
Видеода 5 полисин бу ҝәнҹи вәһшиҹәсинә дөјүлдүјү, ејни заманда һүҹум боју она сөјүшләр јағдырдығы ҝөстәрилир.
Видеонун јајылмасындан сонра АБШ-ын мүхтәлиф шәһәрләри бөјүк нүмајишләрә һазырлашыр. Николсун јахынлары тәрәфдарлары динҹ шәкилдә етираз етмәјә чағырыблар.
Николсун аиләсинин вәкили Антонио Романуҹҹи дејиб: "Она бир вә ја ики нәфәр дејил, беш забит һүҹум едиб".
Романуҹҹи гејд едиб ки, бу забитләр Николсун гәтлинә сәбәб олан ағыр һүҹумда, инсан азадлығынын вә фундаментал һүгугларынын позулмасында бир-бири илә сон дәрәҹә әмәкдашлыг едибләр.
342/
