?>

“Әбүлфәс Гарајевин һәр шејдән хәбәри олуб”

“Әбүлфәс Гарајевин һәр шејдән хәбәри олуб”

Бакы Ағыр Ҹинајәтләр Мәһкәмәсиндә Мәдәнијјәт Назирлијинин табелијиндә олан Мәдәни Ирсин Горунмасы, Инкишафы вә Бәрпасы үзрә Дөвләт Хидмәтинин кечмиш рәиси Закир Султановун ҹинајәт иши үзрә мәһкәмә просеси давам етдирилиб. Закир Султанов кечмиш назир Әбулфәс Гарајевин диндирилмәсини тәләб едиб.

АБНА24 Хәбәр Верир, һаким Зејнал Ағајевин сәдрлији илә кечирилән просесдә шаһид гисминдә Азәраграртикинти АСҸ-нин филиал мүдири Нүсрәт Өмәров ифадә вериб.

О дејиб ки, Инҹәсәнәт Музејиндәки тәмир ишләринә ҝөрә кечирилән тендердә АСҸ галиб олуб вә Дөвләт Хидмәтиндән онларын ширкәтинә 31 милјон манат пул ајрылыб.

Даһа сонра тәгсирләндирилән шәхс мәһкәмәдән чыхыш үчүн сөз истәјиб. О, кечмиш Мәдәнијјәт назири Әбүлфәс Гарајевин мәһкәмәдә диндирилмәсини тәләб едиб.

З.Султанов билдириб ки, назирликдә һәјата кечирилән бир чох ишләрдән Ә.Гарајевин хәбәри олуб.

Мәһкәмәнин нөвбәти иҹласы сентјабрын 16-на тәјин едилиб.

2020-ҹи ил мајын 8-дә Закир Султанов Дөвләт Тәһлүкәсизлик Хидмәти тәрәфиндән сахланылды. Азәрбајҹан Республикасы халгынын тарихи абидәләрин вә мәдәнијјәт нүмунәләринин горунмасы ишләринә башчылыг едән Закир Султанов бу саһәјә ајрылан дөвләт вәсаитләрини мәнимсәмәкдә иттиһам олунур.

Закир Султанов сахланылдыгдан сонра Азәрбајҹан Республикасы кечмиш мәдәнијјәт назири Әбулфәс Гарајев вәзифәсиндән кәнарлашдырылды. Һәрһансы назирин башчылыг етдији назирликдә баш верән ганунсуз әмәлләрдә мәсулијјәт дашымасына бахмајараг Әбулфәс Гарајев Мәдәнијјәт Назирлијиндәки ҝениш јејинти һаллары илә бағлы ҹинајәт ишинә ҹәлб едилмәјиб вә бу ҹәмијјәтдә ҹидди суаллар доғурур.

342/


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*