?>
Гәрби Асија Хәбәрләри - Әфганыстан

Әфганыстан Гадынлар Елми Һөвзәсинин профессору Мәрзијә Казими: Талибан гадынлар барәдә сосиал әдаләтә һөрмәт етмәлидир

Әфганыстан Гадынлар Елми Һөвзәсинин профессору Мәрзијә Казими: Талибан гадынлар барәдә сосиал әдаләтә һөрмәт етмәлидир

Әфганыстан Гадынлар Елми Һөвзәсинин профессору деди: "“Јени һөкумәтдә Шиә мәзһәбинин танынмасы, гадынлара һөрмәтлә јанашылмасы вә гадынларын елми, сијаси, игтисади вә сосиал һүгугларынын реаллашдырылмасы нәзәрә алынмалыдыр; Чүнки гадынлар индики вә ҝәләҹәк нәсилләри тәрбијә едир вә ҹәмијјәти тәкамүлә доғру ирәлиләтмәји баҹарырлар.”

Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, профессор ханым "Мәрзијә Казими" Әфганыстан Гадынлар Елми Һөвзәсинин нүмајәндәси кими Әфганыстан Шиә Алимләри Шурасынын мәшвәрәт топлантысында чыхыш едәрәк дејиб: "Гуран тәлимләринә ҝөрә, гадынлар кишиләр кими инсан ләјагәтинә маликдирләр, “و لقد کرمنا بنی آدم” – “ Һәгигәтән Биз, Адәм өвладыны шәрәфли вә һөрмәтли еләдик... (Исра сүрәси, ајә 70).

О, Әфганыстан гадынлары адындан данышараг әлавә етди: "Исламын илк ҝүнләриндә Исламын бөјүмәсиндә вә инкишафында гадынларын чох бөјүк ролу олуб. Бу ҝүн дә гадынлар өлкәнин ҝәләҹәк талејинә тәсир ҝөстәрмәли вә гәрарларда иштирак етмәлидирләр.”

Профессор М. Казими сөзүнә давам едәрәк вурғулајыб: “Гадынлара Ислам гајдасына вә сосиал әдаләтә ујғун давранылмалыдыр. Гурани -Кәримин етдији хитаблар һәм кишиләр вә гадынлар үчүндүр (мүслим- мүсәлман киши вә мүслимә- мүсәлман гадын, мөмин- мөмин киши вә мөминә- мөмин гадын). Гадын иҹтимаијјәтин ајрылмаз бир һиссәсидир. Гадын синфи арасында хејли сајда танынмыш сијаси, елми, мәдәни вә игтисади чеһрәләр вардыр. Ҝәләҹәк һакимијјәтдә мүтләг гадынларын сијаси, елми, мәдәни вә игтисади һүгуглары тәмин едилмәлидир.”

О вурғулујараг билдириб: “Јени һөкумәтдә Шиә мәзһәбинин танынмасы, гадынлара һөрмәтлә јанашылмасы вә гадынларын елми, сијаси, игтисади вә сосиал һүгугларынын реаллашдырылмасы нәзәрә алынмалыдыр; Чүнки гадынлар индики вә ҝәләҹәк нәсилләри тәрбијә едир вә ҹәмијјәти тәкамүлә доғру ирәлиләтмәји баҹарырлар.”

Ханым Казими хатырлајараг дејиб: "Талибан һәракаты вә ҝәләҹәк һөкумәтин тәләбләримизә хүсуси диггәт јетирмәсини вә гадынлара Ислам өлчүләри илә јанашмасыны, ајры-сечкилик етмәмәсини вә өлкәнин ҝәләҹәјинин тәјин олунмасына төһфә вермәсини истәјирик."

 

...........................

Хәбәрин сону / 268

 

 

 

Диггәт: Хәбәрдән Истифадә Етдикдә Мәнбәјә Истинад Лазымдыр!


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*