?>
Елм вә Технолоҝија

Сепаһ “Нура” адлы корона әлејһинә пејвәндини дә тәгдим етди

Сепаһ “Нура” адлы корона әлејһинә пејвәндини дә тәгдим етди

“Нора” корона әлејһинә пејвәнд лајиһәсинин мүдири доктор Әмани, “Нора” пејвәндинин рекомбинант ДНА нөвү олдуғуну билдирәрәк дејиб: “Өлдүрүлмүш вируслардан дүзәлдилән пејвәндләрдән фәргли олараг, Нора пејвәнди чох тәсирли вә асанлыгла күтләви истеһсал едилә биләр.”

Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, 27 Ијун 2021 тарихдә Багијаталлаһ Тибб Елмләри Университетиндә Сепаһын ихтира етдији рекомбинант пејвәндинин тәгдимат мәрасими кечирилиб. Мәрасимә Ислам Ингилабы Кешикчиләри Корпусу -Сепаһын Баш Команданы Ҝенерал-мајор Һүсејин Салами, Ислам Республикасынын Сәһијјә Назири Сәид Намаки дә дахил олмагла бир сыра дөвләт рәсмиләри дә гатылыблар.

Багијаталлаһ (ә) Тибб Елмләри Университетинин командири Һүсејн Әбүлгасими, Нора пејвәндини Имам Һүсејн (ә) Университетинин иштиракы илә истеһсал олунан "јерли вә милли" бир мәһсул адландырыб.

“Нора” корона әлејһинә пејвәнд лајиһәсинин мүдири доктор Әмани, “Нора” пејвәндинин рекомбинант ДНА нөвү олдуғуну билдирәрәк дејиб: “Өлдүрүлмүш вируслардан дүзәлдилән пејвәндләрдән фәргли олараг, Нора пејвәнди чох тәсирли вә асанлыгла күтләви истеһсал едилә биләр.

О дејиб: “Иншаллаһ бу пејвәндин клиник сынагларындан сонра ону асанлыгла Иранда күтләви шәкилдә истеһсал едә биләрик, өлкәдә бунун үчүн јахшы бир инфраструктур вар вә бу уғур јерли алимләрин етибарыны вә јерли истеһсала олан инамы ҝөстәрир.”

Гејд едәк ки, сөзү ҝедән пејвәнд Имам Һүсејн (ә) вә Багијјаталлаһ (ә) университети тәдгигатчыларынын 16 ајлыг ишинин мәһсулудур. Пејвәнд протеин тәркибли "рекомбинантдыр" вә һеч бир јан тәсири јохдур.

 

 

Диггәт: Хәбәрдән Истифадә Етдикдә Мәнбәјә Истинад Лазымдыр!


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*