АБНА24 Хәбәр Верир, бу сөзләри Иран Ислам Шурасы Мәҹлисинин (парламент) бејнәлхалг сијасәт вә милли тәһлүкәсизлик үзрә комитәсинин рәһбәри Мүҹтәба Зоннури Азәрбајҹана етдији сәфәри баша вурдугдан сонра јерли мәтбуата ачыгламасында дејиб. О билдириб ки, Иран Азәрбајҹанын әрази бүтөвлүјүнү таныјыр вә суверенлијинә һөрмәтлә јанашыр. Азәрбајҹанын Гарабағы ишғалдан азад етмәси реҝионда јени вәзијјәтин јаранмасына сәбәб олуб. Бу вәзијјәт ики гоншу вә дост дөвләтин игтисади саһәдә әмәкдашлыг әлагәләринин ҝенишләнмәсинә имкан јарадыб вә бу имкандан истифадә етмәк лазымдыр. Игтисади саһәдә әмәкдашлыг тәрәфләрин халгларынын мәнафејинә ујғундур. М. Зоннуру нәзәрә чатдырыб ки, Бакыда вә Нахчыванда кечирдији ҝөрүшләр чох әһәмијјәтлидир. Парламентләрарасы достлуг групларынын иши интенсив характер алаҹаг ки, бу да гаршылыглы әлагәләрин инкишафына хидмәт едәҹәк. Парламентин үзвү ону да гејд едиб ки, ишғалдан азад олунан Гарабағын бәрпасында Иран ширкәтләри иштирак етмәјә һазырдыр. Бурадакы мәсҹидләрин, тарихи вә дини абидәләрин бәрпасы үчүн Иран ширкәтләри бөјүк тәҹрүбәјә маликдир.

342/