?>

Мејмунчичәји вирусу сучичәји илә ејни хүсусијјәтләрими дашыјыр?

Мејмунчичәји вирусу сучичәји илә ејни хүсусијјәтләрими дашыјыр?

Сучичәји вирусуна јолухма илә бағлы сон вәзијјәт неҹәдир?

Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Сучичәји вирусуна јолухма һаллары азалмаға доғру ҝедир.

Бу барәдә Сәһијјә Назирлијинин Республика Ҝиҝијена вә Епидемиолоҝија Мәркәзиндән мәлумат верилиб.

“Сучичәји һава-дамҹы јолу илә јајылан, әсасән пајыз-јаз мөвсүмләриндә ушаглар арасында даһа чох гејдә алынан јолухуҹу хәстәликдир. Бу мөвсүмләрдә хәстәлик сәвијјәсиндә бир гәдәр артымын мүшаһидә олунмасы тәбиидир, чүнки пајыз вә јазда һаваларын гејри-стабил кечмәси илә әлагәдар организмин иммунитети зәифләјир вә јолухуҹу хәстәликләрә гаршы даһа һәссас олур”, - дејә мәркәздән билдирилиб.

Гејд едилиб ки, мејмунчичәји вирусу өлкәдә ашкарланмаса да, сучичәји илә ејни хүсусијјәтләри дашымасы инсанлар арасында нараһатлыг јарадыб. Тибб ишчиләриндән фәргли олараг сырави инсанлар бу ики вирусу бир бириндән неҹә ајырмалыдыр суалына исә белә ҹаваб верилиб:

“Буҝүнкү тарихәдәк өлкә әразисиндә мејмунчичәји вирусуна јолухма һаллары гејд едилмәјиб. Сучичәји вә ја һәр һансы бир јолухуҹу хәстәлијә шүбһә јаранарса, илк нөвбәдә һәкимә мүраҹиәт етмәк лазымдыр. Сучичәји вә мејмунчичәји хәстәликләри һеч дә охшар клиникаја малик дејилдир вә хәстәлијин диагностикасы јалныз һәким тәрәфиндән апарылмалыдыр”.

Мәркәздән чимәрлик мөвсүмүндә мејмунчичәји вирусунун јајылма еһтималынын олмадығыны билдирилиб.

Мәлуматда о да гејд едилиб ки, мејмунчичәји вирусунун инсанлара өтүрүлмәси үчүн ендемик өлкәләрлә әлагәси олан хәстә инсанла узунмүддәтли вә сых тәмасын олмасы ваҹибдир.

 

Көнүл Ҹәфәрли

 

Диггәт: Хәбәрдән Истифадә Етдикдә Мәнбәјә Истинад Лазымдыр!


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*