?>

Ишғал олунмуш әразиләрин дәринлији Фәләстин мүгавимәтинин һәдәфиндә

Ишғал олунмуш әразиләрин дәринлији Фәләстин мүгавимәтинин һәдәфиндә

Фәләстин Ислами Ҹиһад Һәрәкатынын јүксәк сәвијјәли лидери Исраил режиминин мүгавимәт лидерләрини террорла һәдәләмәсинә тохунараг дејиб ки, Фәләстин мүгавимәти ишғал олунмуш әразиләрин дәринликләринә зәрбә ендирмәјә гадирдир.

АБНА24 Хәбәр Верир , Ҹүмә ҝүнү сионист режимин бәзи нүмајәндәләри вә кечмиш рәсмиләри, еләҹә дә журналистләри ачыг шәкилдә ҺӘМАС-ын Гәззәдәкы сијаси офисинин рәһбәри Јәһја Әл-Синварын террор едилмәсинә чағырыш едибләр.

Онлар, мүгавимәтин Тәл-Әвивин шәргиндәки "Елад" әмәлијјатларында Әл-Синвары ҝүнаһландырырлар; Ҹүмә ахшамы баш тутан вә 3 сионист мүһаҹирин өлүмү вә бир нечәсинин јараланмасы илә нәтиҹәләнән әмәлијјат.

Әһмәд Әл-Мүдәлләл "Иран Пресс" хәбәр аҝентлијинә мүсаһибәсиндә дејиб: "Исраил режиминин мүгавимәт лидерләрини террорла һәдәләмәси фәләстинлиләри горхуда вә бу режимә гаршы мүгавимәтини дајандыра билмәз".

Фәләстин Ислами Ҹиһад Һәрәкатынын јүксәк сәвијјәли лидери гејд едиб ки, Исраил режими Јәһја Әл-Синвары террор етмәк истәсә, о заман Ислами Ҹиһад Һәрәкатынын ракетләри Исраил мәркәзләрини вурмаг үчүн ҺӘМАС ракетләрини үстәләјәҹәк.

Исраил режиминин Фәләстин мүгавимәти лидерләринин террор едилмәсинә ҝөрә там мәсулијјәт дашыдығыны бәјан едән Әһмәд Әл-Мүдәлләл билдириб ки, сионист режимин ишғалчылығына гаршы мүгавимәт Фәләстин халгынын гануни һаггыдыр.

Әл-Мүдәлләл Исраил режиминин Гүдс вә Мәсҹидүл-Әгсаја гаршы ҹинајәтләри мөвҹуд олдугҹа Фәләстин торпагларынын азад едилмәси уғрунда мүгавимәтин давам едәҹәјини вурғулајыб.

Һәмчинин, Фәләстин Ислами Мүгавимәт Һәрәкаты ҺӘМАС Исраил режиминә Јәһја Әл-Синвара гаршы һәр һансы суи-гәсд ҹәһди илә бағлы хәбәрдарлыг едиб вә вурғулајыб: "Фәләстин Мүгавимәти лидерләринә гаршы истәнилән ҹәһд Исраил режиминин шәһәрләри вә стратежи мәркәзләринин мүгавимәт ракетләри илә ода чәкилмәси демәкдир".

342/


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*