?>
Африка Хәбәрләри - Сахара

ИШИД командирләриндән бири Африкада өлдүрүлдү

ИШИД командирләриндән бири Африкада өлдүрүлдү

Франса, ИШИД террор груплашмасынын лидери Аднан Әбу Валид әс-Сәһраинин, Африканын Бөјүк Сәһра дејилән әразидә, Франсыз гүввәләри тәрәфиндән өлдүрүлдүјүнү билдириб.

Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Франса президент офиси ҹүмә ахшамы ҝүнү өз Тwиттер сәһифәсиндә ИШИД террор груплашмасынын лидери "Аднан Әбу Вәлид әл-Сәһраи" нин Африканын Бөјүк Сәһра бөлҝәсиндә, Сахарада, Франса гүввәләри тәрәфиндән өлдүрүлдүјүнү ачыглајыб.

Франса президенти Емануел Макрон, "Биз, Саһилдә террорла мүбаризәдә даһа бир бөјүк гәләбә газандыг" дејәрәк билдириб.

Аднан Әбу Вәлид әс-Сәһраи, Африкада Шимали Сахара илә Ҹәнуби Сахара арасында өзүнәмәхсус кечид олан мәһсулдар торпаглара малик тропик саванна бөлҝәсиндәки гондарма “ИШИД” адлы террор груплашмасынын лидери иди. О, Ниҝер, Мали вә Буркина Фасода өлүмҹүл һүҹумларда мәсул шәхс иди. Онун тәшкил етдији һүҹумлар, бөлҝәдәки мүлки шәхсләри вә тәһлүкәсизлик гүввәләрини һәдәфә алырды.

Террор групу 2017 -ҹи илдә Африкадакы ишғалчы АБШ әсҝәрләринә дә һүҹум етмишди. 9 Август 2020-ҹи илдә Аднан Әбу Валид әл-Сәһраи, Ниҝердәки бир һуманитар тәшкилатын алты франсыз ишчисинин, Ниҝерјалы бәләдчиси вә сүрүҹүсүнүн шәхсән өлдүрүлмәсинә әмр вермишди.

 

………………….

Хәбәрин сону / 218

 

Диггәт: Хәбәрдән Истифадә Етдикдә Мәнбәјә Истинад Лазымдыр!


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*