?>

Ислам Ингилабынын бөјүк рәһбәринин бәјанаты

Ислам Ингилабынын бөјүк рәһбәринин бәјанаты

Ислам Ингилабынын бөјүк рәһбәри Һәзрәт Ајәтуллаһүл-үзма Хаменеи үмумдүнја Гүдс ҝүнү мүнасибәти илә ислам үммәтинә мүраҹиәт едиб.

Һәзрәт Ајәтуллаһүл-үзма Хаменеинин мүраҹиәтинин там мәтни:

بسم اللّه الرّحمن الرّحیم

الحمد للّه ربّ العالمین و الصّلاة‌ و السّلام علی سیّدنا محمّد خاتم النّبیّین و اشرف الخلق اجمعین و علی آله الطّیّبین الطّاهرین و صحبه المنتجبین و من تبعهم باحسان الی یوم الدّین.

Рәһман вә Рәһим Аллаһын ады илә

Фәләстин Ислам үммәтинин ән мүһүм вә ән актуал мәсәләсидир

Фәләстин һадисәси һәлә дә Ислам үммәтинин ән мүһүм вә ән актуал мүштәрәк проблемидир. Залым вә ганичән капитализм гурулушунун сијасәтләри бир милләти өз евиндән, өз вәтәниндән, өз ата-баба јурдундан мәһрум едиб, орада террорчу режими, биҝанә бир халгы отурдуб.

Сионист режимин тәсис олунмасы мәнтиги

Сионист режимин пуч мәнтигиндән әсассыз олан нәдир?! Авропалылар өз иддиаларына ҝөрә, Икинҹи Дүнја Мүһарибәси илләриндә јәһудиләрә зүлм едибләр. Демәк, бир милләти Гәрби Асијада дидәрҝин салмагла вә о өлкәдә фаҹиәли гәтлләрлә јәһудиләрин интигамы алынмалыдыр!! Гәрб дөвләтләри сионист режими һеч нәдән чәкинмәдән вә дәлиҹәсинә дәстәкләмәклә бу мәнтигә истинад едибләр. Бунунла да инсан һаглары вә демократија барәдә өз јалан иддиаларыны ифша едибләр. Бу ҝүлүнҹ, ејни заманда ағламалы һадисә 70 илдән чохдур давам едир. Арабир она јени сәһифәләр әлавә олунур.

Сионист режимлә мүбаризә һамынын вәзифәсидир

Сионистләр гәсб олунмуш Фәләстини илк ҝүндән террор базасына чевирибләр. Исраил бир өлкә јох, Фәләстин халгы вә диҝәр мүсәлман милләтләрә гаршы террор мәркәзидир. Бу ганичән режимлә мүбаризә зүлм вә террорла мүбаризәдир. Бу һамынын вәзифәсидир.

Ислам үммәти арасында зәифлик вә тәфригә Фәләстинин ишғалына зәминә јарадыр

Диггәт олунасы бир нөгтә вар. Ишғалчы дөвләт 1948-ҹи илдә тәсис олунса да онун һәссас Ислам мәнтәгәсиндә јарадылмасынын мүгәддимәси илләрҹә өнҹә башламышдыр. Һәмин илләр Гәрбин Ислам мәмләкәтләриндә секулјаризми һаким етмәк үчүн фәал мүдахиләләри илә ејни вахта дүшүр. Гәрб ифратчы вә кор милләтчилији, мүстәбид, Гәрбә вурғун вә ја Гәрбин әлалтысы олан дөвләтләри һаким етмәјә чалышыб. Иран, Түркијә вә Гәрби Асијада, Шимали Африкада әрәб өлкәләриндә баш верән һадисәләрин мүталиәси бу аҹы һәгигәти ашкарлајыр ки, Ислам үммәти арасындакы зәифлик вә тәфригәләр Фәләстинин ишғалы фаҹиәсинә зәминә јарадыб. Империализм дүнјасы тәрәфиндән Ислам үммәтинә белә бир зәрбә вурулуб.

Фәләстинин ишғалы мәсәләсиндә сионист капиталистләрлә Гәрб вә Шәрг дүшәрҝәләринин һәмкарлығы

Ибрәтамиздир ки, һәмин дөврдә капитализм вә комунизм һәр икиси сионист Гарунларла һәмкарлыг етдиләр. Әсл фитнәкарлығы Инҝилтәрә лајиһәләндириб изләмәјә башлады. Сионист сәрмајәдарлар бу лајиһәнин иҹрасыны пул вә силаһла өз өһдәләринә ҝөтүрдүләр. Советләр Иттифагы бу гејри-гануни дөвләтин јарадылмасыны рәсми таныјан илк дөвләт олду вә бөјүк јәһуди күтләләрини һәмин мәнтәгәјә көчүрдү.

Бир тәрәфдән Ислам дүнјасында мөвҹуд вәзијјәтин мәһсулу олан ишғалчы режим, диҝәр тәрәфдән авропалыларын фитнәкарлыглары вә тәҹавүзләри!

Мүасир дүнјада гүввәләр нисбәтинин Ислам дүнјасынын хејринә дәјишмәси

Бу ҝүн дүнјанын вәзијјәти о заманки вәзијјәт дејил. Бу һәгигәти даим нәзәрдә сахламалыјыг. Бу ҝүн гүввәләр нисбәти Ислам дүнјасынын хејринә дәјишиб. Авропа вә Америкада мүхтәлиф иҹтимаи-сијаси һадисәләр Гәрбин сијаси гурулуш, идарәетмә вә әхлагда зәифликләри вә нөгсанларыны дүнја гаршысында ачыг нүмајиш етдирди. Америкада сечки ҝедишиндә баш вермиш һадисәләр иддиалы вә тәкәббүрлү лидерләрин бөјүк рүсвајчылығы, ејни заманда Америка вә Авропада коронавирус пандемијасы илә уғурсуз мүбаризә, бунун һашијәсиндәки рүсвајчылыглар, Авропанын мүһүм өлкәләриндә иҹтимаи-сијаси уғурсузлуглар һәр бири Гәрб дүшәрҝәсинин тәнәззүл нишанәсидир.

Диҝәр тәрәфдән Ислам реҝионунун әһәмијјәтли нөгтәләриндә Мүгавимәт гүввәләринин инкишафы, бу гүввәләрин мүдафиә вә һүҹум имканларынын ҝенишләнмәси, мүсәлман халгларда аҝаһлығын вә үмидин артмасы, Ислам вә Гуран шүарларына мејлин ҝүҹләнмәси, елми инкишаф, милләтләрдә мүстәгиллик вә өзүнәҝүвәнмә мејлинин гүввәтләнмәси мүбарәк нишанәләрдир. Бу нишанәләр ҝөзәл ҝәләҹәк барәдә мүждә верир.

Мүсәлман өлкәләрин Фәләстин вә Гүдс меһвәриндә һәмкарлыг зәрурәти

О мүбарәк ҝәләҹәкдә мүсәлман өлкәләрин бирлији вә һәмкарлығы илк вә әсас һәдәф олмалыдыр. Һәмин ҝүн әлчатмаз ҝөрүнмүр. Мүсәлман өлкәләр арасында һәмкарлығын меһвәри Фәләстинин бүтөвлүјү вә Гүдси-Шәрифин талејидир. Бу, имам Хомејнинин (р) нурани гәлбини рамазан ајынын сон ҹүмәсиндә Бејнәлхалг Гүдс Ҝүнүнүн еланына һидајәт едән һәгигәтдир.

Мүсәлманларын Гүдси-Шәриф меһвәриндә бирләшмәси сионистләрин, онларын америкалы вә авропалы һамиләринин кабусудур. Накам Әсрин Мүгавиләси лајиһәси вә ардынҹа зәиф әрәб өлкәләри илә ишғалчы режим арасында рабитәләрин нормаллашдырылмасына тәлаш һәмин кабусдан гачмаг үчүн фајдасыз тәлашдыр.

Мән гәтијјәтлә дејирәм: Бу тәлашлар нәтиҹә вермәјәҹәк. Дүшмән сионист режимин мәһвә доғру тәнәззүл һәрәкәти башлајыб вә бу ара вермәјәҹәк.

Ҝәләҹәјин талејүклү амилләри: Ишғал олунмуш әразиләрдә мүгавимәтин давам етдирилмәси вә Фәләстин мүҹаһидләринин Мүсәлман дүнјасы тәрәфиндән һимајәси

Ики амил ҝәләҹәк үчүн тәјинедиҹидир: Биринҹи вә даһа мүһүм амил Фәләстин торпагларында мүгавимәтин давам етдирилмәси, ҹиһад вә шәһадәт хәттинин ҝүҹләндирилмәсидир. Икинҹи амил бүтүн дүнјада мүсәлман дөвләтләр вә халгларын Фәләстин мүҹаһидләрини дәстәкләмәси.

Дөвләт хадимләри, зијалылар, дин алимләри, партијалар вә груплар, гејрәтли ҝәнҹләр вә диҝәр зүмрәләр, бир сөзлә һамымыз бу үмуми һәрәкатда өз јеримизи тапмалы вә рол ојнамалыјыг. Дүшмәнин һијләсини пуча чыхараҹаг мәсәлә будур. Бу барәдә илаһи вәд вар:

أَمْ یُرِیدُونَ کَیْدًا فَالَّذِینَ کَفَرُوا هُمُ الْمَکِیدُونَ

“Јохса сәнә тәлә гурмаг истәјирләр? Кафирләр өзләри мәкрә дүчардыр!” (“Тур” сурәси, ајә 42)

Бу, ахируззаманын бир нүмунәсини вүҹуда ҝәтирир.

...وَاللَّهُ غَالِبٌ عَلَى أَمْرِهِ وَلَکِنَّ أَکْثَرَ النَّاسِ لَا یَعْلَمُونَ

“…Аллаһ Өз ишиндә галибдир, лакин инсанларын әксәри билмәз!” (”Јусуф” сурәси, ајә 21)

Әрәб ҝәнҹләрә онларын өз дилиндә бир нечә сөз демәк истәјирәм.

Бисмиллаһир-Рәһманир-Рәһим

Салам олсун бүтүн әрәб азадлыгсевәрләрә, хүсуси илә ҝәнҹләрә. Салам олсун мүгавимәтли Фәләстин, Гүдс вә Мәсҹидүл-Әгса халгына.

Салам олсун Мүгавимәт шәһидләринә, бу јолда һәјатларыны тәгдим етмиш бөјүк мүҹаһидләрә, хүсуси илә шәһид Шејх Әһмәд Јасинә, шәһид Сејјид Аббас Мусәвијә, шәһид Фәтһи Шәгагијә, шәһид Имад Муғнијәјә, шәһид Әбдүл-Әзиз Рәнтисијә, шәһид Әбу Меһди әл-Мүһәндисә, нәһајәт Мүгавимәт шәһидләринин парлаг симасы шәһид Гасим Сүлејманијә. Онларын һәр бири бәрәкәтли һәјатындан сонра өз шәһадәтләри илә дә Мүгавимәт фәзасына мүһүм тәсир ҝөстәрдиләр.

Фәләстинлиләрин ҹиһады вә Мүгавимәт шәһидләринин пак ганы бу мүбарәк бајрағы даим јүксәкдә сахлаја билди вә Фәләстин ҹиһадынын потенсиалыны јүз гат артырды. Фәләстинли ҝәнҹ бир заман даш атмагла өзүнү мүдафиә едирди. Бу ҝүн дәгиг ракетләрлә дүшмәнә ҹаваб верир.

Фәләстин вә Гүдс Гурани-Мәҹиддә “Әл-әрзул-мугәддәс” адландырылыб. Он илләрдир ки, бу торпаг бәшәријјәтин ән чиркин вә хәбис бир гисминин ишғалы алтындадыр. Бу шејтанлар шәриф инсанларын ганыны ахыдыр вә сонрадан һәјасызҹасына буну дилә ҝәтирир.

О иргчиләр ки, 70 илдән чох торпаг саһибләринә гәтл-гарәт, һәбс вә илә әзаб верибләр. Амма һәмд олсун Аллаһа, фәләстинлиләрин ирадәсини ишҝәнҹә гыра билмәјибләр. Фәләстин ајаг үстәдир, ҹиһады давам етдирир. Аллаһын көмәклији илә сонда хәбис дүшмәнә галиб олаҹаг. Гүдси-Шәриф вә бүтүн Фәләстин бу халга мәхсусдур вә онлара гајыдаҹаг, иншааллаһ.

وَمَا ذَلِکَ عَلَى اللَّهِ بِعَزِیزٍ

“Bu Allah üçün çətin deyildir!” (“İbrahim” surəsi, ayə 20)

Fələstin məsələsində bütün müsəlman xalqlar və dövlətlərin vəzifəsi var, məsuliyyət daşıyırlar. Amma bu cihadın mehvəri fələstinlilər özləridir. Onlar ölkə daxilində və xaricdə 14 milyon nəfər civarındadır. Bu toplumun vəhdəti, əzm və iradəsi böyük işə imza atacaq.

Bu gün fələstinlilərin ən böyük silahı vəhdətdir.

Sionist rejim, Amerika və başqa siyasi güclər fələstinlilərin vəhdətinin düşmənidir. Amma Fələstin cəmiyyəti daxildən parçalanmasa düşmənlər xaricdən bir iş görə bilməyəcək.

Bu vəhdətin mehvəri daxildə cihad və düşmənə etimadsızlıq olmalıdır. Fələstinlilər öz siyasətlərində əsas düşmənləri olan Amerika, İngiltərə və sionistlərə etimad göstərməməlidirlər.

Fələstinlilər, Qəzzədə, Qüdsdə, Qərb Sahilində, 1948-ci ildəki ərazilərdə, hətta düşərgələrdə bir yumruq kimi birləşməlidir. Fələstinlilər vəhdət strategiyasını izləməlidirlər. Hər bir dəstə o biri dəstəni müdafiə etməlidir. Onlara təzyiq göstərildikdə ixtiyarlarında olan vasitələrdən istifadə etməlidirlər.

Bu gün qələbəyə ümid həmişəkindən güclüdür. Qüvvələr nisbəti fələstinlilərin xeyrinə çox dəyişib. Düşmən sionistlər hər il daha da zəifləyir. Özünü “heç zaman məğlub olmayan ordu” adlandıran sionist ordu Livanda 33 günlük, Qəzzədə 22 və 8 günlük müharibələrdən sonra “qələbə üzü görməyən orduya” çevrilib. İşğalçı rejimin siyasi durumunu 2 ildə keçirilən 4 seçki aydın göstərir. Sionist rejimin təhlükəsizliyi daim tənəzzüldədir. İşğalçı sionist rejimin ərazisindən mühacirət etmək meylinin güclənməsi bu iddialı rejimin tənəzzülünü göstərir. Amerikanın köməyi ilə zəif ərəb ölkələri ilə münasibət qurmağa yönəldilmiş ardıcıl təlaşlar da zəiflik göstəricisidir. Bunun da işğalçı rejimə faydası olmayacaq. On illərlə bundan qabaq Misirlə rabitə quruldu. Həmin gündən bu vaxta qədər sionist rejim çox zərbə alıb və zəifləyib. Belə bir vəziyyətdə bir neçə zəif ölkə ilə rabitə qurmaq ona kömək edəcəkmi?! Təbii ki, o ölkələr də bu rabitədən faydalanmayacaq. Düşmən sionist rejim həmin ölkələrin torpağına, sərvətinə əl uzadacaq, həmin ölkələrdə fəsad və təhlükəni artıracaq.

Əlbəttə ki, bu həqiqət başqalarının bu hərəkat qarşısında ağır vəzifəsini unutdurmamalıdır. Müsəlman və məsihi alimlər işğalçı rejimlə rabitələrin normallaşdırılmasını şərən haram elan etməli, ziyalılar və azadlıqsevər insanlar fələstinlilərə arxadan xəncər zərbəsi olan bu xəyanəti hamıya izah etməlidir.

Sionist rejimin tənəzzülü kənarında Müqavimət Cəbhəsinin imkanlarının artması parlaq gələcəkdən müjdədir. Müdafiə və hərbi gücün artması, güclü silahların ölkədə istehsal olunması, mücahidlərin özünə etimadı, gənclərin hər gün artan agahlığı, Müqavimət çevrəsinin bütün Fələstin və Fələstinin kənarlarını əhatə etməsi, gənclərin Məscidül-Əqsanın müdafiəsində son hərəkatı cihad və Fələstin xalqının məzlumiyyətinin yanaşı inikası dünyanın bir çox regionlarında ictimai fikirə təsir edir.

Fələstinlilərin mübarizə məntiqi İslam Respublikası tərəfindən BMT-nin sənədlərində qeydə alınıb. Bu mütərəqqi və cazibəli məntiqdir. Fələstinli mübarizlər bütün Fələstin sakinləri arasında referendum keçirə bilər. Həmin referendum əsasında ölkənin siyasi quruluşu təyin edilər, bu referendumda hər millət və dindən olan, o cümlədən qaçqın fələstinlilər iştirak edəcək. Bu siyasi quruluş köçkünləri geri qaytarar, biganələrin taleyi həll olunar.

Bu tələb dünyada qəbul olunmuş demokratiyaya əsaslanır. Onun mütərəqqi olmasını kimsə şübhə altına ala bilməz.

Fələstinli mücahidlər işğalçı rejimlə öz qanuni və əxlaqi mübarizəsini o qədər davam etdirməlidir ki, bu tələbləri qəbul etməyə məcbur olsunlar.

Allahın adı ilə irəli hərəkət edin və bilin ki:

...وَلَیَنْصُرَنَّ اللَّهُ مَنْ یَنْصُرُهُ

“Аллаһ Она јардым едәнләрә әлбәттә ки, јардым едәр.” (“Һәҹҹ” сурәси, ајә 40)

Вәссәламу әләјкум вә рәһмәтуллаһ

342/


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*