?>

Иран вә Түркијәнин реҝиондакы мүһүм ролуна тәкид

Иран вә Түркијәнин реҝиондакы мүһүм ролуна тәкид

Иран президенти Иран илә Түркијәни реҝионун вә Ислам Дүнјасынын ики ҝүҹлү өлкәси адландырыб.

АБНА24 Хәбәр Верир, О, вурғулајыб ки, Теһран вә Анкара реҝионал проблемләрин һәллиндә мүһүм рол ојнајырлар вә өз һәмкарлыглары вә гаршылыглы тәфәккүрләрилә бу мәсәләјә көмәк едә биләрләр.

Һәсән Руһани Түркијә президенти Рәҹәб Тајјыб Әрдоған илә телефон сөһбәтиндә бу өлкәнин халгы вә дөвләтини сәадәтли гурбан бајрамы мүнасибәтилә тәбрик едиб.

О, билдириб ки, хошбәхтликдән, бу ҝүн бүтүн икитәрәфли әлагәләр саһәсиндә, о сырадан игтисади, сијаси, мәдәни вә бејнәлхалг саһәләрдә ики гоншу өлкә арасында интенсив вә јахшы әлагәләр бәргәрардыр.

Икитәрәфли әлагәләрин дәринләшдирилмәси вә инкишафы, һәмчинин ҝәләҹәкдә бу һәмкарлыгларын давам етдирилмәси зәрурәтинә тәкид едән Руһани билдириб ки, Иран вә Түркијә мүхтәлиф бејнәхалг вә реҝионал мәсәләләрдә, һәмчинин Ислам Дүнјасына аид олан мәсәләләрдә әмәкдашлыгҹасына вә мәсулијјәтли мүнасибәтә маликдирләр ки, бу вәзијјәт реҝион проблемләринин диалог вә мүзакирә јолу илә һәллинә көмәк едиб.

Түркијә президенти дә бу сөһбәтдә гаршылыглы олараг, Иранын халгы вә дөвләтини сәадәтли гурбан бајрамы мүнасибәтилә тәбрик едиб.

Ики өлкә әлагәләрини сәмими вә инкишафда олан әлагәләр адландыран вә бу әлагәләрин ҝәләҹәкдә давам етдирилмәси ваҹиблијини вурғулајан Рәҹәб Тајјыб Әрдоған дејиб ки, Түркијә вә Иран мүһүм бејнәлхалг вә реҝионал мәсәләләр барәдә ортаг мөвгеләр вә әмәкдашлыға маликдирләр.

Өтән сәккиз илдә ики өлкә һәмкарлыглары вә стратежи әлагәләринин инкишафы үчүн Иран президентинин ҝөстәрдији сәјләри вә атдығы аддымлары јүксәк дәјәрләндирән Әрдоған бу әмәкдашлыгларын вә инкишаф етмәкдә олан мүнасибәтләр просесинин ҝәләҹәкдә давам етдирилмәсини вурғулајыб.

Түркијә президенти һәмчинин реҝионун хас шәраитинә вә Иранын мүһүм реҝионал мәсәләләрин һәллинә јардым истигатмәтиндәки мүһүм ролуна тохунуб.

О, Әфганыстан, Ираг вә Сурија бөһранлары дахил олмагла бөһранларын һәлли үчүн бөлҝә өлкәләринин әмәкдашлыг етмәләринин зәрурәтинә дә тәкид едиб.

342/


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*