?>

Ингилаб Рәһбәри «Ково Иран Бәрәкәт» ваксининин биринҹи дозасыны вурдурублар

Һәзрәт Ајәтуллаһүл-үзма Хаменеи бу ҝүн сәһәр «Ково Иран Бәрәкәт» ваксининин биринҹи дозасыны вурдурублар.


АБНА24 Хәбәр Верир, иранлы ҝәнҹ тәдгигатчылар вә алимләрин сәјләринин мәһсулу олан бу ваксин сон заманлар јерли билијә сөјкәнмәклә истеһлак лисензијасыны алыб вә Иран дүнјада корона ваксини истеһсал едән алты өлкәдән биринә чеврилибдир.

Ислам Ингилабынын Бөјүк Рәһбәри пејвәндләнмәдән сонра өз елми вә практик сәји, тәҹрүбәси вә билији илә өлкәни бу милли ифтихара саһиб етдирән бүтүн мәсул шәхсләрә тәшәккүр едибләр.

О һәзрәт бир нечә ај бундан өнҹәдән она ваксин вурмаг үчүн мөвҹуд олан исрарлара ишарә илә белә гејд едибләр: Мән әввәла, гејри-Иран ваксининдән истифадә етмәк истәмирдим. Буна ҝөрә, дедим ки, Иран ваксинини ҝөзләјәҹәјәм, зира бу милли ифтихара һөрмәтлә јанашмалыјыг вә дахилдә профилактика вә әлаҹ имканынын мөвҹуд олдуғу бир һалда, нә үчүн ондан истифадә етмәјәк?

О һәзрәт сонра билдирибләр: Әлбәттә, еһтијаҹ олан заман Иран ваксининин кәнарында хариҹи ваксиндән истифадәнын ирады јохдур, амма Иран ваксининә һөрмәт етмәли вә бу ваксинин истеһсалы саһәсиндәки бүтүн фәал, чалышган вә ҝәнҹ аилмләрә вә өлкәдә пејвәнд истеһсалы илә мәшғул олан диҝәр мәркәзләрә тәшәккүр етмәлијик.

Ислам Ингилабынын Бөјүк Рәһбәри вурғулајыблар: Иран ваксининдән истифадәјә исрардан әлавә, тәкид едирәм ки, ваксинин вурдурулмасы өз тәбии нөвбәсиндә һәјата кечирилсин вә бун ҝүн әлһәмдулиллаһ, сәксән јашындан јухары вә мәнимлә јашыд олан шәхсләрин әксәр һиссәси ваксин вурдурубдур.

О һәзрәт һәмчинин ваксинлә бағлы мәгаләләрин јајылмасы вә елми сәнәдләрин гејдә алынмасы зәрурәтинә тәкид едәрәк, билдирибләр: Дүнјанын өз бөјүк ишиниздән мәлуматланмасы үчүн ваксинин вахтында, сүрәтлә вә ҝүҹлү истеһсалынын кәнарында онун елми мәгалә вә сәнәдләрини дә һазырлајыб, нәшр един.

342/


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*