?>
Имамәт Сәмасынын Икинҹи Парлаг Улдузу

Һз. Имам Һәсәнин (ә) Милад Бајрамы мүбарәк! – О, һәзрәтин һәјатына гыса бахыш

Һз. Имам Һәсәнин (ә) Милад Бајрамы мүбарәк! – О, һәзрәтин һәјатына гыса бахыш

Имам Һәсән (әлејһи сәлам) бабсы һәзрәт Муһәммәд пејғәмбәрин (сәлләллаһу әлејһи валиһи вә сәлләм), атасы Имам Әлинин (әлејһи сәлам) вә анасы Фатими Зәһранын (сәламуллаһи әлејһа) тәрбијәси сајәсиндә бөјүдү. Бабасынын, еләҹә дә атасынын мәктәбиндән елми дәрсләр алды.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Имам Һәсән Мүҹтәба (әлејһи сәлам) Һиҹри Гәмәри тарихи илә, 3-ҹү илдә мүбарәк Рамазан ајынын 15-ҹи ҝеҹәсиндә Мәдинә шәһәриндә Илаһи Вәһјин әзиз Ислам Пејғәмбәринә назил олдуғу евдә анадан олмушдур.

Биз АБНА олараг башда Имам Заман һәзрәтләри олмагла һагг наиби Имам Хаменеи һәзрәтләрини, али тәглид мәрҹәләрини, үмүмдүнја мүсәлманларыны сәмими гәлбдән тәбрик едир вә ҹан сағлығы арзулајырыг!

Имам Һәсәнин һәјатына гыса бахыш

Имам Һәсән (әлејһи сәлам) дүнјаја ҝәлдикдән 7 ҝүн сонра анасы һәзрәти Фатимәи Зәһра (сәламуллаһи әлејһа) көрпә баласыны ипәк парчаја бүкәрәк Аллаһ Рәсулунун (сәлләллаһу әлејһи вә алиһи вә сәлләм) јанына апарыр. Бу ипәк парчаны вәһј мәләји Ҹәбраил (әлејһи сәлам) ҹәннәтдән Пејғәмбәримиз (сәлләллаһу әлејһи вә алиһи вә сәлләм) үчүн ҝәтирмишди. Һәзрәт Пејғәмбәр (сәлләллаһу әлејһи вә алиһи вә сәлләм) ушағын адыны Һәсән гојду вә онун үчүн әгигә олараг бир гојун кәсди.

Бундан әлавә Имам Һәсәнин (әлејһи сәлам) Сејјид, Сибт, Әмин, Һүҹҹәт, Нәги, Зәки, Заһид вә Мүҹтәба кими ләгәбләри вардыр.

Имам Һәсәнин (әлејһи сәлам) Тәрбијјәси

Имам Һәсән (әлејһи сәлам) бабсы һәзрәт Муһәммәд пејғәмбәрин (сәлләллаһу әлејһи валиһи вә сәлләм), атасы Имам Әлинин (әлејһи сәлам) вә анасы Фатими Зәһранын (сәламуллаһи әлејһа) тәрбијәси сајәсиндә бөјүдү. Бабасынын, еләҹә дә атасынын мәктәбиндән елми дәрсләр алды.

Ислам пејғәмбәринин (сәлләллаһу әлејһи вә алиһи вә сәлләм) Имам Һәсәнә (әлејһи сәлам) олан сајғысы

Ислам Пејғәмбәр (сәлләллаһу әлејһи вә алиһи вә сәлләм) нәзәриндә чох дәјәрли вә үстүн бир шәхсләрдән бири дә һәзрәт Имам Һәсән (әлејһи сәлам) иди. Белә ки, бир ҝүн һәзрәт Пејғәмбәр (сәлләллаһу әлејһи вә алиһи вә сәлләм) минбәрдә сөһбәт етдији вахт Имам Һәсәнин (әлејһи сәлам) ағламаг сәсини дујур, тез минбәрдән ашағы дүшүб, онун гәлбини әлә алдыгдан сонра јенидән минбәрә чыхыр. Ҹамаат бу һәрәкәти барәдә Пејғәмбәрә суал вердикдә, о һәзрәт (сәлләллаһу әлејһи вә алиһи вә сәлләм) белә бујурду: «Ону ағлајан ҝөрдүкдә, дөзә билмирәм». Пејғәмбәр (сәлләллаһу әлејһи вә алиһи вә сәлләм) намазыны ҹамаатла бирҝә гылыб гуртардыгдан сонра имам Һәсәни (әлејһи сәлам) гуҹағына алыб белә бујурду: «Һәр ким мәни севирсә, Һәсәни дә севсин».

Башга бир һәдисиндә исә белә бујуруб: «Һәсән вә Һүсејни севән мәни дә севир, бу ики нәфәрлә дүшмәнчилик едән исә мәнимлә дүшмәнчилик едир. Һәсән вә Һүсејн ҹәннәт ҹаванларынын ағасыдыр».

Мәзлум вә касыбларын пәнаһы

Икинҹи Имам елм, тәгва, заһидлик вә ибадәтлә јанашы ејни заманда өз дөврүнүн сәхавәтли шәхси, мәзлумларын көмәкчиси мискинләрә көмәк едән бир шәхс кими дә танынмышдыр. О Һәзрәтин вүҹуду дәрдли үрәкләрин, фағыр вә имкансызларын пәнаһы, еһтијаҹы оланларын үмид јери иди. Белә ки, бир касыб белә онун евиндән әлибош ҝери гајытмамышдыр. Гәлби сынмыш һәр һансы бир шәхс дәрдини она ачыб сөјләсәјди, Имам (әлејһи сәлам) онун дәрдинә мүтләг бир мәлһәм гојарды. Һәтта бә’зи вахтлар имкансыз шәхс өзү еһтијаҹыны демәздән вә хәҹаләт тәри төкмәздән габаг Имам (әлејһи сәлам) онун еһтијаҹыны өдәјәр вә она хәҹаләт тәри төкмәјә, утанмаға иҹазә вермәзди.

Сәхавәтдә Өндәр Олан

Имам Һәсәнин (әлејһи сәлам) диггәти ҹәлб едән јүксәк әхлагларындан бири дә, о һәзрәтин мисилсиз инфаг вә бәхшишләри иди.

Тарихчиләр јазмышлар: Имам Һәсән (әлејһи сәлам) ики дәфә бүтүн сәрвәтини Аллаһ јолунда хәрҹләди вә үч дәфә бүтүн сәрвәтини ики һиссәјә бөлүб, јарысыны өзүнә сахлады, диҝәр јарысыны исә Аллаһ јолунда инфаг етди.

Имам Һәсән (әлејһи сәлам) бәзи вахтлар еһтијаҹы олан шәхсләрә күлли мигдарда пул бағышлајарды. Белә ки, бу мигдар пулу бир јердә бағышламаг ҹамааты һејран гојарды. Имам әлејһиссәламын бу ҹүр күлли мигдарда пулу бир дәфәјә бағышламасынын бир инҹәлији о иди ки, Имам (әлејһи сәлам) еһтијаҹы олан шәхси бир дәфәлик еһтијаҹсыз едәрди. Имкансыз шәхс бу пулла бүтүн еһтијаҹларыны өдәјәр вә бундан сонра да еһтијаҹсыз јашаја биләрди. Һәмчинин, бу пулла әлинә сәрмајә дә ҝәтирә биләрди.

Шүҹаәт Тәҹәссүмү

Тарих шаһиддир ки, Имам Һәсән (әлејһи сәлам) чох шүҹаәтли вә дөзүмлү бир инсан олмушдур. Горху һеч вахт она јол тапа билмәмишдир. О, Исламын инкишафы јолунда әлиндән ҝәләни әсирҝәмирди вә даима Аллаһ јолунда ҹиһад етмәјә һазыр иди.

Имам Һәсән (әлејһи сәлам) Ҹәмәл дөјүшүндә атасы илә бәрабәр ҹәбһәнин өн хәттиндә вурушур вә Әли әлејһиссәламын шүҹаәтли вә дилавәр достларыны өтәрәк дүшмән ордусуна ҝүҹлү һүҹумлар едирди. Дөјүш башламаздан габаг исә атасынын әмри илә Әммар Јасир вә Әли әлејһиссәламын бир нечә нәфәрлә бирҝә Куфә шәһәринә ҝәлиб әһалини бу дөјүшдә иштирак етмәјә чағырмышды.

Имам Һәсән (әлејһи сәлам) Куфәјә ҝәләндә, һәлә Әбу Муса Әшәри Куфәнин Осман тәрәфиндән тәјин едилмиш һөкумәт башчыларындан бири кими галырды. Әбу Муса Әшәри бу вәзифәсиндән истифадә едәрәк Әли әлејһиссәламын әдаләт әсасында гурулмуш һөкумәти илә мүхалифәт едир вә шәһәр әһалисини Ҹәмәл дөјүшүндә иштирак етмәкдән вә о Һәзрәтә арха дурмагдан чәкиндирирди.

Анҹаг буна бахмајараг Имам Һәсән (әлејһи сәлам) Куфәдән доггуз мин нәфәрлик орду јығыб Ҹәмәл дөјүшүнә ҝетмишди.

Имам Һәсән әлејһиссәламын Сиффејн дөјүшүндә дә ордуну сәфәрбәр едиб Әли әлејһиссәламын башчылығы алтына ҝәтирмәкдә бөјүк ролу олмушдур. О Һәзрәт өз мәтин вә кәскин чыхышлары илә Куфә әһалисини Әли әлејһиссәламын ордусуна гошулараг хаинләр вә Ислам дүшмәнләринә гаршы дөјүшә дә’вәт едирди.

Мүсәлманларын Хәлифәси

Имам Һәсән (әлејһи сәлам) атасынын шәһадәтиндән сонра Аллаһын әмри вә атасынын вәсијјәти әсасында имамәт мәгамына наил олду. О заһирдә дә хилафәт мәгамында иди (бу мәгам 6 ај мүддәтиндә давам етди) вә о мүсәлманларын ишләрини идарә едирди. Бу мүддәтдә Әли (әлејһи сәлам) вә онун өвладлары илә гаты дүшмән олан, узун илләрдән бәри хилафәтә ҝөз дикән Мүавијә (әввәлҹә үчүнҹү хәлифәнин интигамыны алмаг бәһанәсилә, сонра исә ашкар хилафәт иддиасы илә) мүһарибәјә башлајыб имам Һәсән (әлејһи сәлам)-ын хилафәт мәркәзи олан Ирага гошун јеритди. Тәрәфләр арасында мүһарибә башланды.

Имам Һәсән (әлејһи сәлам)-ын орду башчылары Мүавијә тәрәфиндән ҝөндәрилән јүксәк мәбләғдә пулла сатын алынды вә орду дахилинә тәфригә дүшдү; нәһајәт о һәзрәт сүлһ мүгавиләси имзаламаға мәҹбур олду вә мүәјјән шәртләрлә хилафәти Мүавијәјә һәвалә етди. Һәмин шәртләрдән бири дә бу иди ки, Мүавијәнин вәфатындан сонра хилафәт јенидән имам Һәсәнә гајытмалы, аиләсинин вә шиәләрин тохунулмазлығы һәр бир ҹәһәтдән тәмин олунмалы иди. Мүавијә бу јолла ислам хилафәтини әлә кечирди. Сонра Ирага дахил олду, рәсми вә үмуми бир чыхышда сүлһ маддәләрини ләғв етди вә мүмкүн олан һәр бир васитәдән истифадә едәрәк Әһли-бејтә вә онун шиәләринә ән ағыр ишҝәнҹә тәзјигләри рәва ҝөрдү.


Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Гарабағ Ислам Торпағыдыр. Гарабағ Азәрбајҹанындыр.
پیام رهبر انقلاب به مسلمانان جهان به مناسبت حج 1441 / 2020
We are all zakzaki
conference-abu-talib
Әсрин Мүгавиләсинә Јох Дејирик!