?>

Гурани-Кәрим намаздан сонра ән үстүн зикрдир

Гурани-Кәрим намаздан сонра ән үстүн зикрдир

Һөҹҹәтүл-ислам Мөмини Гурани-Кәримин намаздан сонра ән үстүн зикрин олдуғуну билдирәрәк дејиб: Намазла үнсијјәтдә олмаг вә давамлы Аллаһы зикр етмәк гәлби нурландырыр, Аллаһа тәрәф јөнәлдир вә руһу уҹалдыр.

Әһли Бејт (әлејһимус-сәлам) – Хәбәр Аҝентлији –АБНА / Мәдәнијјәт Бөлмәси: Һөҹҹәтүл-Ислам Сејјид Һүсејн Мөмини Һәзрәт Фатимәи Мәсумәнин (сәламуллаһи әлејһа) мүгәддәс һәрәминин тәгдимат мәрасиминдә чыхышы заманы Гурани-Кәримин ағыл немәти һаггында 50-дән чох ајә бәјан етдијини вурғулујараг билдириб: “Гурани-Кәримин 150-јә јахын ајәсиндә гәлб батини ағыл кими гејд олунур; Бу, гәлбә диггәт јетирмәјин вә шејтанын она нуфуз едә биләҹәк мәсамәләрини бағламағын ваҹиблијини ҝөстәрир, чүнки гулагдан вә ҝөздән дахил олан һәр бир шеј бирбаша зәкаја вә гәлбә тәсир едир.

Аллаһ Тәала әл-Әраф сурәси, 179-ҹу ајәдә бујурур: “Биз ҹинләрдән вә инсанлардан бир чохуну Ҹәһәннәм үчүн јаратдыг. Онларын гәлбләри вардыр, лакин онунла (Аллаһын бирлијини сүбут едән дәлилләри, өзләринин дини борҹ вә вәзифәләрини) анламазлар. Онларын ҝөзләри вардыр, лакин онунла (Аллаһын мөҹүзәләрини) ҝөрмәзләр. Онларын гулаглары вардыр, лакин онунла (өјүд-нәсиһәт) ешитмәзләр. Онлар һејван кимидирләр, бәлкә дә, (ондан) даһа чох зәлаләтдәдирләр. Гафил оланлар да мәһз онлардыр!”

Ҹәһәннәмә ҝедәнләрин чохунун гәлби вар, лакин ағыл саһиби дејилдир; Гәлб ағылла олмајанда ҝөзләр кор олар, гулағы олмасына бахмајараг һагг сөз гәлбинә тәсир етмәз, чүнки онларын гәлбләри мөһүрлү вә килидлидир.

Ики Илаһи немәт олан ҝөрмә вә ешитмә габилијјәтиндән дүзҝүн истифадә едә билмәмәјимизин әсас сәбәби гәлбимизи килидләјиб, мөһүрләдијимизә ҝөрәдир.

Аллаһ Сүбһанәһу Тәала Фәтәһ сурәсинин 4-ҹү ајәсиндә белә бујурур: “Мөминләрин иманы үстүнә иман артырмаг үчүн онларын үрәкләринә (Өз дәрҝаһындан) архајынлыг (раһатлыг вә мәнәви мөһкәмлик) ҝөндәрән Одур. Ҝөјләрдәки вә јердәки ордулар (мәләкләр, ҹинләр, инсанлар, һејванлар, илдырым, гасырға, фыртына, сел, зәлзәлә, ајын тутулмасы, ҝүнәшин батмасы вә и. а.) Аллаһын ихтијарындадыр (Аллаһ истәдијиндән онлар васитәсилә интигам алар) Аллаһ (һәр шеји) биләндир, һикмәт саһибидир!”

Аллаһ мөминләрә әмин-аманлыг вә иззәт бәхш етмишдир ки, онларын иманларыны гәлбләрә һаким олан раһатлыг васитәсилә артырсынлар. Әҝәр инсан ҝүнаһлардан чәкинмәклә гәлбинә фикир вермәсә, она гуллуг етмәсә, гәлбинә, ағлына вә өзүнә ҹидди зијан дәјәҹәкдир...

 

Диггәт: Хәбәрдән Истифадә Етдикдә Мәнбәјә Истинад Лазымдыр!


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*