?>

Азәрбајҹан тарихинә даир илк фундаментал атлас нәшр олунуб

Азәрбајҹан тарихинә даир илк фундаментал атлас нәшр олунуб

Атласда Азәрбајҹан тарихчиләринин “Азәрбајҹан ССР хәритәләри” атласы (1972), илк “Азәрбајҹан тарихи атласы” (2007), икиҹилдлик “Азәрбајҹан Халг Ҹүмһуријјәти Енсиклопедијасы” (2014) вә “Азәрбајҹан Республикасынын Милли Атласы”нда (2014) чап олунан хәритәләри дә верилиб.

Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Илһам Әлијевин тарих хәритәләринин дәрҹ олунмасы чағырышына ҹаваб олараг, бу ҝүнләрдә “Азәрбајҹан тарихи хәритәләрдә” атласы нәшр олунуб.

“Азәрбајҹан Тарихчиләри” Иҹтимаи Бирлијиндән Тренд-ә верилән мәлумата ҝөрә, Вәтән мүһарибәси шәһидләринин әзиз хатирәсинә һәср олунан атласын елми редактору, “Өн сөз”үнүн мүәллифи вә нашири АМЕА-нын һәгиги үзвү, Әмәкдар елм хадими, Дөвләт Мүкафаты лауреаты Јагуб Маһмудов, лајиһә рәһбәри исә Вүгар Ағајевдир.

“Азәрбајҹан тарихи хәритәләрдә” атласы Азәрбајҹан тарихинә даир илк мүкәммәл вә ҝениш һәҹмли атласдыр. Атласа ән гәдим заманлардан Вәтән мүһарибәсинә гәдәрки дөврдә дүнјанын мүхтәлиф өлкәләриндә дәрҹ олунан вә Азәрбајҹанын дөвләтчилик тарихини әкс етдирән ән мүһүм хәритәләр дахил едилиб. Атласда илк дәфә олараг Шимали Азәрбајҹанда чар Русијасы дөнәминдә мөвҹуд олан губернија вә гәзаларын хәритәләри тәгдим едилир. Чар Русијасы ишғаллары дөврүндә һәрби топографларын һазырладығы хәритәләрдәки топонимләрин мүтләг әксәријјәти Азәрбајҹан мәншәлидир вә бу, сүбут едир ки, ермәниләр Ҹәнуби Гафгазын абориҝен етносу - ән гәдим јерли әһалиси дејилләр.

Јени нәшрдә Азәрбајҹан дөвләтләринин, о ҹүмләдән Елдәнизләр, Гарагојунлу, Ағгојунлу, Сәфәви вә Әфшар империјаларынын хәритәләри өз әксини тапыб. Атласда Азәрбајҹан тарихчиләринин “Азәрбајҹан ССР хәритәләри” атласы (1972), илк “Азәрбајҹан тарихи атласы” (2007), икиҹилдлик “Азәрбајҹан Халг Ҹүмһуријјәти Енсиклопедијасы” (2014) вә “Азәрбајҹан Республикасынын Милли Атласы”нда (2014) чап олунан хәритәләри дә верилиб. Ән мараглы хәритәләрдән бири исә Азәрбајҹан дөвләти олан Ирәван ханлығынын (1747-1828) хәритәсидир. Чүнки мүасир Ермәнистан Республикасынын бүтүн әразиси бу ханлығын торпагларыдыр.

Үмумијјәтлә, атласа 198 хәритә, о ҹүмләдән бөјүк түрк алими Маһмуд Кашғаринин “Диванү лүғат-ит-түрк” әсәриндәки дүнја хәритәси (1076), италјан картограф Фра Мауронун “Маппа мунди” адлы дүнја хәритәси (1459), Гафгаз Һәрби Даирәсинин хәритәси (1903) вә Азәрбајҹан Халг Ҹүмһуријјәтинин хәритәси (1919) дахил едилиб. Бу хәритәләр сүбут едир ки, 1918-ҹи илә гәдәр Ҹәнуби Гафгазда һеч заман ермәни дөвләти олмајыб.

Гејд едәк ки, “Азәрбајҹан тарихи хәритәләрдә” атласы Вәтән мүһарибәсиндә газанылан тарихи гәләбәнин нәтиҹәләрини әкс етдирән хәритә (2021) илә тамамланыр.

 


Диггәт: Хәбәрдән Истифадә Етдикдә Мәнбәјә Истинад Лазымдыр!


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*