Илаһи Инҹиләрин Нур Сил-Силәси

Имам Хаменеи ҹәнабларынын Аллаһ Евинин зәвварларына мүраҹиәти - Там мәтн

  • Хәбәрин коду : 776946
  • Мәнбә : АБНА- Хәбәр Аҝентлији
Хүласә

Минада баш вермиш дәһшәтли фаҹиәдән бир ил кечир. Орада бајрам ҝүнү, еһрам либасында минләрлә инсан гызмар ҝүнәшин алтында, сусуз додагла мәзлумҹасына Шәһид олдулар. Бир нечә ҝүн ондан габаг исә Мәсҹидүлһәрамда ибадәт, тәваф вә намаз һалында олан бир груп мөмин ганларына гәлтан едилди. Сәудијјә рәһбәрлији һәр ики һадисәјә ҝөрә ҝүнаһкардыр. Буну бүтүн һал шаһидләри, мүшаһидәчиләр вә техники тәһлилчиләр вурғулајырлар. Бәзи мүтәхәссисләрин нәзәриндә һадисәләрин гәсдән төрәдилдији дә, истисна едилмир. Сәудијјә режиминин Гурбан бајрамында Илаһи зикр вә Илаһи ајәләрин тәрәннүмү илә мәшғул оларкән һадисәјә мәруз галан јарыҹан јаралылары хилас етмәкдә сәһләнкарлыглары да, гәтидир. Дашүрәкли вә ҹинајәткар Сәудијјә һакимләри јарыҹан јаралылары мүалиҹә вә јардым, һәтта сусуз додаглара су чатдырмаг јеринә онлары һәлак оланларла бирликдә бағлы контејнерләрин ичиндә һәбс едиб, Шәһид етдиләр. Мүхтәлиф өлкәләрдән минләрлә аилә әзизләрини итирди вә онларын халглары матәмә гәрг олду.

Әһли Бејт - АБНА – Хәбәр Аҝентлијинин вердији хәбәрә әсасән, Ислам Ингилабынын Бөјүк Рәһбәри Һәзрәт Ајәтуллаһүлүзма Хаменеи Бөјүк Һәҹҹ Конгреси мүнасибәти илә дүнја мүслманларына мүраҹиәтдә бујурублар.

Мүраҹиәтин там мәтнини сајтымызын зијарәтчиләринә тәгдим едирик:



بسم اللّه الرّحمن الرّحیم

وَ الحَمدُ لِلّهِ رَبِّ العالَمین وَ صَلَّی اللّهُ عَلی سَیّدِنا مُحَمَّدٍ وَ آلِهِ الطَّیِّبینَ وَ صَحبِهِ المُنتَجَبین وَ مَنتَبِعَهُم بِاِحسانٍ اِلی یَومِ الدّین

Мүсәлман баҹы вә гардашлар!

Һәҹҹ мөвсүмү мүсәлманлар үчүн мәхлугларын ҝөзүндә фәхарәт вә әзәмәт мөвсүмү, көнүлләрин халиг гаршысында нуранилији, хушу вә ибтиһал (1) мөвсүмүдүр.

Һәҹҹ гүдси, дүнјәви, Илаһи вә иҹтимаи фәризәдир. Диҝәр тәрәфдән “аталарынызы јада салдығыныз кими , һәтта ондан даһа гүввәтли шәкилдә Аллаһы јад един” (2) әмри вә “ (вахты бәлли олан) сајылы ҝүнләрдә Аллаһы јад един!” (3) вә о бири тәрәфдән исә “ону бүтүн инсанлар үчүн истәр јерли олсун, истәрсә сәһрадан ҝәлсин бәрабәр етдик” (4) хитабы онун сонсуз вә фәргли ҹәһәтләрини ајдынлашдырыр.

Бу мисилсиз фәризәдә заман вә мәкан тәһлүкәсизлији ашкар нишанә вә парлаг улдуз кими инсанларын көнлүнә сакитлик бәхш едир вә Һәҹҹ әмәлләрини јетирән шәхсләри даим бәшәријјәти тәһдид едән истилачы залымларын һәдә-горхуларындан аманда сахлајараг, мүәјјән мүддәт әрзиндә тәһлүкәсизлијин ләззәтини онлара дадыздырыр. Исламын мүсәлманлара һәдијјә етдији Ибраһими Һәҹҹ иззәт, мәнәвијјат, вәһдәт вә әзәмәт рәмзидир. (Ибраһими Һәҹҹ) Ислам үммәтинин әзәмәтини вә онларын завала уғрамаз Илаһи гүдрәтә тәвәккүл етмәкләрини бәдхаһ дүшмәнләрә нүмајиш етдирир вә онун бејнәлхалг гулдурлар вә һеҝемон дөвләтләрин бәшәр топлумларыны мәруз гојдуғу фәсад, һәгарәт вә истизафдан узаг олдуғуну әјани ҝөстәрир. Ислама вә төвһидә әсасланан Һәҹҹ “кафирләрә гаршы чох аҹыглы, бир-бирләринә исә меһрибандырлар” (5) ајәсинин бариз нүмунәси, мүшрикләрдән чәкиниб, мөминләрлә исә үнсијјәт вә вәһдәт мәканыдыр.

Һәҹҹ зијарәтини сәјаһәт вә турист сәфәри сәвијјәсинә ендирәнләр вә Иранын мөмин вә ингилаби халгына бәсләдикләри дүшмәнчилик вә кинләрини “Һәҹҹи сијасиләшдирмәк” үнваны илә ҝизләдәнләрдир. Онлар алчаг вә кичик шејтанлардылар ки, бөјүк шејтан Американын марагларынын тәһлүкәјә дүшмәсиндән горхурлар. Сәудијјә һакимләри бу ил Мәсҹидүлһәрам вә Аллаһ јолу үзәриндә манеә јарадараг Һаҹҹы Иранын гејрәтли вә мөмин һаҹыларынын үзүнә бағламышлар. Онлар үзүгара азғын һөкмдарлардыр ки, зүлмкар гүдрәт тахтында отурмағы дүнја истикбарыны мүдафиә етмәкдә, сионизм вә Америка илә мүттәфигликдә вә онларын истәкләрини јеринә јетирмәкдә асылы билиб вә бу јолда һәр ҹүр хәјанәтә разы олурлар.

Һазырда Минада баш вермиш дәһшәтли фаҹиәдән бир ил кечир. Орада бајрам ҝүнү, еһрам либасында минләрлә инсан гызмар ҝүнәшин алтында, сусуз додагла мәзлумҹасына Шәһид олдулар. Бир нечә ҝүн ондан габаг исә Мәсҹидүлһәрамда ибадәт, тәваф вә намаз һалында олан бир груп мөмин ганларына гәлтан едилди. Сәудијјә рәһбәрлији һәр ики һадисәјә ҝөрә ҝүнаһкардыр. Буну бүтүн һал шаһидләри, мүшаһидәчиләр вә техники тәһлилчиләр вурғулајырлар. Бәзи мүтәхәссисләрин нәзәриндә һадисәләрин гәсдән төрәдилдији дә, истисна едилмир. Сәудијјә режиминин Гурбан бајрамында Илаһи зикр вә Илаһи ајәләрин тәрәннүмү илә мәшғул оларкән һадисәјә мәруз галан јарыҹан јаралылары хилас етмәкдә сәһләнкарлыглары да, гәтидир. Дашүрәкли вә ҹинајәткар Сәудијјә һакимләри јарыҹан јаралылары мүалиҹә вә јардым, һәтта сусуз додаглара су чатдырмаг јеринә онлары һәлак оланларла бирликдә бағлы контејнерләрин ичиндә һәбс едиб, Шәһид етдиләр. Мүхтәлиф өлкәләрдән минләрлә аилә әзизләрини итирди вә онларын халглары матәмә гәрг олду.

Мина фаҹиәси заманы һәлак оланлар арасында Иран Ислам Республикасындан 500-ә јахын шәһид вар иди. Шәһид аиләләринин үрәји һәлә дә јаралы вә көврәкдир, халг һәлә дә кәдәрли вә гәзәблидир. Амма Сәудијјә һөкмдарлары үзрхаһлыг вә пешиманлыг вә бу горхунҹ һадисәнин билаваситә сәбәбкарларыны мәсулијјәтә ҹәлб етмәк јеринә там һәјасызлыг вә гәбаһәтлә һәтта бејнәлхалг Ислами тәфтиш һејәтин тәшкилиндән бојун гачырдылар. Онлар мүттәһим күрсүсүндә отурмаг јеринә иддиачы гисминдә чыхыш едәрәк хәбислик вә башыбошлуг үзүндән Ислам Республикасы илә дәрин дүшмәнчиликләрини ашкар етдиләр, күфр вә империализмә гаршы далғаланан Ислам бајрағыны ендирмәк истәдиләр.

Сионистләрә вә Америкаја јалтагланан сијасәтчиләриндән тутмуш ачыг-ашкар Китаб вә Сүннәјә зидд фитвалар верән һарамхор вә тәгвасыз мүфтиләринәдәк, һаким режимин јаланларыны гондаран вә пешәкарлыг виҹданыны ајаг алтына атан сатгын медиалары кими тәблиғат рупорлары бош јерә чалышырлар ки, Ислам Республикасыны иранлы зәвварларын буилки Һәҹҹдән мәһрум олмаларында мүгәссир ҝөстәрсинләр. Бу фитнәкар һакимләр тәкфирчи вә шәр груплашмалары јарадыб тәҹһиз етмәклә Ислам Дүнјасыны вәтәндаш мүһарибәләринә, ҝүнаһсызларын гәтлинә вә јараланмасына мәруз гојмуш, Јәмән, Ираг, Сурија, Ливија вә бәзи диҝәр өлкәләрдә гырғынлара баис олмушлар. Һәмин бу Аллаһдан хәбәрсиз сијасәтбазлар ишғалчы сионист Исраил режиминә достлуг әлини узадараг фәләстинлиләрин ҹанјахан мүсибәтинә вә әзаб-әзијјәтләринә ҝөз јумуб, зүлм вә хәјанәтләрини Бәһрејнин шәһәр вә кәндләринә јајмышлар.

Бөјүк Мина фаҹиәсини төрәдән, Мәккә вә Мәдинә һәрәмләринин хадими ады алтында динҹ Илаһи һәрәмин һөрмәтини сахламајан вә Пәрвәрдиҝарын гонагларыны бајрам ҝүнү Минада, ондан габаг исә Мәсҹидүлһәрамда гурбанлыг едән динсиз вә виҹдансыз һөкмдарлар һазырда Һәҹҹин сијасиләшмәмәсиндән дәм вурур вә башгаларыны өзләринин төрәтдији вә баис олдуглары бөјүк ҝүнаһа хатир иттиһам едирләр. Онлар Гурани-Кәримин ҝөстәрдији шәхсләр зүмрәсиндәдирләр ки, бујурур: “ Үз чевирәндә исә јер үзүндә фитнә-фәсад төрәтмәјә чалышар, әкинләри вә нәсилләри мәһв едәр. Һалбуки, Аллаһ фитнә-фәсады дост тутмаз. Она Аллаһдан горх дејилән заман гүрур ону ҝүнаһа сөвг етдирир, беләсинә ҹәһәннәм кифајәтдир. Ора исә неҹә јаман пис бир јатагдыр” (6).

Бу ил дә бәзи мәлуматлара әсасән, иранлы вә бир сыра диҝәр милләтләрин Һәҹҹә ҝетмәкләринин гаршысыны алмагла јанашы диҝәр өлкәләрин зәвварларыны Америка вә сионист режимин ҹасуслуг органларынын көмәји илә гејри-ади нәзарәтдә сахлајараг әмн-аманлыг мәнбәји олан Аллаһ Евини һамыја тәһлүкәли етмишләр.

Бүтүн Мүсәлман дөвләт вә халглар дахил олмагла Ислам Дүнјасы сәудијјә һөкмдарларыны танымалы, онларын нәзакәтсиз, имансыз, асылы вә мадди маһијјәтләрини дүзҝүн дәрк етмәли, Ислам Дүнјасы сәвијјәсиндә төрәтдикләри ҹинајәтләринә хатир онларын јахасындан тутмалы вә Дујуфу Рәһман-Мәрһәмәтли Аллаһын гонаглары илә залымҹасына рәфтарларына хатир Мүгәддәс Һәрәмләрин идарәчилијинә вә Һәҹҹ мәсәләси һагда әсаслы фикирләшмәлидирләр. Бу вәзифәдә сәһләнкарлыг Ислам үммәтинин ҝәләҹәјини даһа бөјүк проблемләрлә үзләшдирә биләр.

Мүсәлман гардашлар вә баҹылар! Бу ил иранлы мүштаг вә ихласлы һаҹыларын Һәҹҹ мәрасиминдә јери бошдур, лакин онлар өз гәлбләри илә дүнјанын һәр јериндән ҝәлән һаҹыларын јанында олараг онларын вәзијјәтиндән ниҝарандырлар, дуа едирләр ки, мәлун тағутлар шәҹәрәси онлара зијан јетирмәсин. Дуаларынызда, ибадәтләрдә вә минаҹатларынызда иранлы гардашларынызы вә баҹыларынызы јад един, Ислам ҹамиәләринин проблемләрдән хилас олмасы, Ислам үммәтиндән мүтәкәббирләр вә сионистләрин, онларын әлалтыларынын шәринин дәф олмасы үчүн дуа един.

Мән Мина вә Мәсҹидүлһәрам шәһидләринин, 1987-ҹи илдә исә Мәккәдә шәһид оланларын (7) хатирәсини әзизләјирәм, Аллаһ Тааладан онлара мәғфирәт, рәһмәт вә үлви дәрәҹәләр диләјирәм вә Һәзрәти Бәгијјәтуллаһ Әзәми (руһи ләһул-фида) саламлајараг Ислам үммәтинин башыуҹалығы вә мүсәлманларын фитнә вә шәриндән хилас олмалары үчүн о Һәзрәтин мүстәҹаб дуасыны тәләб едирәм.




و باللّه التّوفیق و علیه التّکلان

Сејид Әли Хаменеи 30 зилгәдә 1437; 2 сентјабр 2016

---------------------------------------------------------------------

1- Халигә едилән хүсуси аһәнҝли раз-нијаз. 

2- Бәгәрә сүрәси, ајә 200. 

3- Бәгәрә сүрәси, ајә 203. 

4-Һәҹҹ сүрәси, ајә 25. 

5- Фәтһ сүрәси, ајә 29. 

6- Бәгәрә сүрәси, ајә 205 - 206. 

7- 1981-ҹи илдән бәри Иран зәвварлары Һәҹҹ мәрасиминдә Мәккә шәһәриндә “Бәраәтун әнил ширки вәл мушрикин” ады алтында Исраил вә АБШ-а гаршы иллик нүмајиш кечирмишләр. Лакин 31 ијул 1987-ҹи илдә, бир кордон Сәудијјә полис вә милли ҝөзәтчиләри, Исраил вә АБШ-ын ҝөстәришилә мүшрикләрә гаршы планлашдырылан нүмајиш маршрутунун бир һиссәсини мөһүрләмиш, Аллаһ Евинин зијарәтчиләринә гаршы зоракылыг тәтбиг едәрәк өлүмҹүл издиһама сәбәб олмушлар. Сәудијјә полисләринин зәвварлара автомат силаһлардан ачдыглары атәшләр нәтиҹәсиндә 400-дән чох иранлы зәввар вәфат етмиш вә минләрлә јараланмышдыр. Бу сәудијјә режиминин иранлылара гаршы һәјата кечиртдији илк сојгырым иди. 

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

پیام امام خامنه ای به مسلمانان جهان به مناسبت حج 2016