Әрбәин Хәбәрләри

“Әрбәин” ҝүнүнә мәхсус әмәлләри

  • Хәбәрин коду : 865544
  • Мәнбә : Еһлибејт-ака вә Маидә сајтларына истинадла
Хүласә

Имам Садигдән (ә) сорушдулар: "Имам Һүсејни (ә) зијарәт етмәк үчүн хүсуси вахт вардыр ки, башга вахтлардан даһа үстүн олсун?” О һәзрәт бујурду: "Һәр заман о һәзрәти зијарәт етмәјә тәләсин. Чүнки о һәзрәти зијарәт етмәк хејир ҝәтирәр вә һәр кәс ону даһа чох зијарәт етсә, даһа чох хејир әлдә едәр...”

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Имам Һүсејнинин (ә) 40-ы ҝүнү, Әрбәин Ислам тәгвиминдә әламәтдар ҝүнләрдән биридир. Бу ҝүн илк дәфә олараг Пејғәмбәрин (с) бөјүк сәһабәси Ҹабир ибн Абдуллаһ Әнсари (р) Кәрбәла шәһидләрини зијарәт едиб.

Мәһәррәм-Сәфәр матәминдә Ашура ҝүнүндән сонра ән бөјүк издиһамла гејд олунан ҝүн мәһз Әрбәин ҝүнүдүр. Бу ҝүнләрдә Кәрбәлаја милјонларла мүсәлман топлашыр.

Имам Һүсејнин (ә) әрбәининдә (Кәрбәла шәһидләринин гырхы ҝүнү) о һәзрәти јахындан зијарәт етмәк мүстәһәбдир вә о һәзрәти һәмин ҝүн зијарәт едән биринҹи шәхс Ҹабир ибн Абдуллаһ Әнсари олмушдур. Бир һәдисдә нәгл олунур ки, имам Садигдән (ә) сорушдулар: "Имам Һүсејни (ә) зијарәт етмәк үчүн хүсуси вахт вардыр ки, башга вахтлардан даһа үстүн олсун?” О һәзрәт бујурду: "Һәр заман о һәзрәти зијарәт етмәјә тәләсин. Чүнки о һәзрәти зијарәт етмәк хејир ҝәтирәр вә һәр кәс ону даһа чох зијарәт етсә, даһа чох хејир әлдә едәр... О һәзрәти мүбарәк вахт вә ҝүнләрдә зијарәт етмәјә чалышын, чүнки о заман салеһ әмәлләрин савабы артырылар вә мәләкләр о һәзрәти зијарәт етмәк үчүн сәмадан јерә енәрләр...”

Шејх Туси (рә) өзүнүн Тәһзиб вә Мисбаһ адлы китабларында рәвајәт едир ки, Имам Һәсән Әсҝәри (ә) бујурмушдур - "Мөминин беш әламәти вардыр:

1. һәр ҝүн әлли бир рүкәт (он једди рүкәт ваҹиб вә отуз дөрд рүкәт нафилә) намаз гылмаг;

2. сағ әлә үзүк тахмаг;

3. сәҹдәдә алыны торпаға гојуб, уҹадан "Бисиллаһир-Рәһманир-Рәһим” демәк;

4. "әрбәин” ҝүнү имам Һүсејни (ә) зијарәт етмәк;

5. "әрбәин” ҝүнүнә мәхсус зијарәтнамәни охумаг.

Имам Һүсејнин (ә) Әрбәини гијамәтә гәдәр давам едәҹәк бир мәрасимдир. Имам Һүсејнин (ә) мәгсәдләри пејғәмбәрин мәгсәдләриндән фәргләнмир. Һәзрәт Әли (ә) бујурур ки, Аллаһ пејғәмбәрин әли илә халгы ҹәһаләтдән вә азғынлыгдан гуртарды. Илаһи рәһбәрләр ҹәмијјәтә сағлам дүшүнҹә вә мәнәвијјат ҝәтирирләр. Мәсумлар бујурурлар ки, инсанларын ән чох бағышлајаны пејғәмбәр олуб. Пејғәмбәр мәнәви сүфрә ачыб, бәшәријјәти бу сүфрәјә чағырыб. Имам Һүсејн (ә) дә ејнән пејғәмбәр кими һәрәкәт едиб. Сејидүшшүһәда (ә) илаһи пејғәмбәрләр сајағы өндә ҝедиб вә халгы архасынҹа чағырыб.

Имам зил-һиҹҹәнин 8-ҹи ҝүнү Кәбә зәвварлары арасында бујурду: "Бу ҝүн бизим гурбанҝаһымыз Кәрбәла торпағы, еһрам либасымыз кәфәнимиздир. Исламын ниҹаты үчүн ҹанымызы вермәлијик. Јалныз Гурбанлыға һазыр оланлар мәнимлә ҝәлсин. Мәнимлә ҝедәнләрин вәтәни лигауллаһдыр. Заһири гәләбә сорағында оланлар мәнә гошулмасын". Бу сөзләрдән сонра Имама гошуланлары инсналарын үстүнү сајмамаг олмаз.

 

Әрбәин зијарәтнамәси Сәфәр ајынын ијирмисиндә охунур.

Шејх Туси "Тәһзиб” вә "Мисбаһ” китабларында нәгл едир ки, һәзрәт имам Һәсән Әскәри (ә) бујурду: "Мөмин шәхсин беш әламәти вардыр; һәр ҝүн әлли бир рүкәт намаз, јәни, он једди рүкәт ваҹиб вә отуз дөрд рүкәт нафилә намазларыны гылар, "Әрбәин” зијарәтнамәсини охујар, сағ әлинә үзүк тахар, сәҹдәдә алныны торпаг үзәринә гојар вә "Бисмилаһир рәһманир рәһим”и уҹадан дејәр.” Имам Һүсејнин (ә) Әрбәин ҝүнүндәки зијарәтнамәсини ики гајдада охумаг олар; онлардан биринҹисини шејх Туси "Тәһзиб” вә "Мисбаһ” китабларында Сәффан Ҹәммалдан белә нәгл едир: "Мөвлам һәзрәт Садиг (ә) Әрбәин зијарәтнамәси барәсиндә мәнә бујурду ки, бу зијарәтнамәни, Ҝүнәш үфүгдән бир гәдәр галхандан сонра бу гајдада оху:

Салам олсун Аллаһын нүмајәндәси вә онун һәбибинә! Салам олсун Аллаһын севдији вә сечилмиш бәндәсинә! Салам олсун Аллаһын сечилмиш бәндәси вә онун сечилмиш өвладына! Салам олсун мәзлум вә шәһид Һүсејнә (ә)! Салам олсун гәм-гүссәләрә дүчар олан вә ҝөз јашларынын шәһидинә! Илаһи, шәһадәт верирәм ки, о, Сәнин нүмајәндән вә нүмајәндәнин өвлады, сәнин сечдијин вә сечдијин шәхсин өвладыдыр! Сәнин лүтф вә мәрһәмәтинлә ниҹат тапанлардан олду. Сән ону шәһадәт фејзи илә әзиз тутараг ону хүсусу сәадәтә говушдурдун вә нәсил паклығы илә сечәрәк ону ағаларын ағасы, өнҹүлләрин өндәри, һаггы мүдафиә едәнләрин һамиси етдин. Она пејғәмбәрләрин мирасыны әта едәрәк онларын ҹанишини вә мәхлугата һөҹҹәт тәјин етдин. О, һөҹҹәти тамамлады вә үммәт үчүн бәһанә јери галмады. О, үммәти нәсиһәт етмәкдә меһрибанлыг едәрәк онларла јумшаг давранды вә азғын, надан, тәкәббүрлү, ахирәт мәнфәәтини һеч бир дәјәрә малик олмајан дүнја малына сатмыш, зүлмкар вә нәфсләринә итаәт етмәклә һәлакәтә дүчар олмуш, Сәни вә Пејғәмбәрини гәзәбләндирмиш бәндәләринә ниҹат вермәк үчүн пак ганы ахыдылды. Сәнинлә дүшмән, нифаг әһли, Сәнә аси вә бөјүк ҝүнаһларла јүкләнәрәк ҹәһәннәм одуна лајиг оланлара итаәт едән зүлмкар бәндәләринлә Сәнин јолунда ҹиһад едәрәк камил ихласла сәбир етди. Сәнә итаәт јолунда пак ганы ахыдыланадәк чохлу чәтинлик вә мәшәггәтләрә синә ҝәрди. Әһли-бејтинин һөрмәтинин арадан апарылмасыны хош гаршылады. Илаһи, Сән о залым вә ситәмкар гөвмә ләнәт ет, онлары ән шиддәтли әзабынла ҹәзаландыр! Салам олсун сәнә, еј Пејғәмбәрин өвлады! Салам олсун сәнә, еј өвлијаларын сәрвәринин өвлады! Шәһадәт верирәм ки, сән Аллаһын вәһјинә вә һагга әманәтдар оланын өвладысан. Өмрүнү сәадәтлә јашајараг Һаггын тәрифи илә баша вурдун вә дүнјадан көчәрәк һагг јолунда мәзлум вә шәһид олдун. Бир даһа шәһадәт верирәм ки, Аллаһ-Таала сәнә вердији вәдә вәфа етди, сәни тәнһалыгда гојараг хар етмәк истәјәнләри һәлак едәҹәк вә гатилләринә дә ағрылы әзабы дадыздыраҹаг. Јенә шәһадәт верирәм ки, сән Аллаһ јолунда өмрүнүн сонуна гәдәр ҹиһад етмисән. Аллаһ сәни өлдүрән, сәнә зүлм вә ситәм едәнләрә ләнәт етсин. Һәмчинин сәнин өлдүрүлдүјүнү ешитдикдә, севинәрәк шадлыг едән кәсә дә Аллаһ ләнәт етсин. Илаһи, Сәни шаһид тутурам ки, мән о һәзрәтә, ону севәнләрә мәһәббәт бәсләјән вә онун дүшмәнләринә дүшмән оланларданам. Ата-анам сәнә фәда олсун, еј Аллаһын Рәсулунун өвлады! Шәһадәт верирәм ки, сән мәгамы уҹа олан ата-бабаларынын сүлбү вә хисләти пак олан ананын бәтниндә бир нур идин. Наданлығын чиркинликләри сәнә сирајәт етмәмиш вә сыхынтысы да сәни бүрүмәмишдир. Шәһадәт верирәм ки, һәгигәтән, сән Аллаһ дининин тәмәли, мүсәлманлыг ајинләринин әсасы, иман әһлинин пәнаһ вә һамисисән. Шәһадәт верирәм ки, сән хејирхаһ, бәјәнилән тәгваја саһиб, пак вә пакхисләтли рәһбәр, мәхлугата һидајәтчи, һагла һидајәт олунансан. Шәһадәт верирәм ки, үммәтин доггуз имамы сәнин өвладларындандыр вә һагг руһу вә һагг јолунун бәләдчиси, мөһкәм иманынын әсасы вә бүтүн дүнја әһлинә һөҹҹәтдирләр. Шәһадәт верирәм ки, мәним сизин һагг олдуғунуза иман вә "рәҹәт”инизә (гајыдышыныза) јәгиним вар. Динимин башланғыҹы, ишләримин сону вә гәлбими сизин пак гәлбинизә тәслим едирәм вә бүтүн ишләримдә сизә табејәм. Аллаһын изнилә сизә јардым етмәјә һазырам. Сизин дүшмәнләринизлә дејил, сизинләјәм. Аллаһын саламы олсун сизә вә сизин пак руһ вә ҹисимләринизә! Аллаһын саламы олсун сизләрдән һазыр вә гејбдә оланлара. Еј аләмләрин Рәбби, мәним дуаларымы гәбул ет!

Сонра ики рүкәт намаз гыл вә намаздан сонра истәдијин дуаны етдикдән сонра үзүнү гибләдән дөндәрә биләрсән.

Икинҹисини исә Ҹабир нәгл етмишдир вә Әта, бу зијарәтнамәни белә шәрһ верир: "Сәфәр ајынын ијирминҹи ҝүнү Ҹабир ибни Абдуллаһ Әнсари илә бирликдә идим. Газиријјәјә јетишдикдә о, Фәрат чајында гүсүл вериб, өзү илә ҝәтирдији тәмиз палтарыны ҝејинди вә мәндән сорушду: "Еј Әта, сәндә әтир вар?” Мән: "Мәндә бир гәдәр "сүд”(битки нөвүдүр) вар”- дејә, ҹаваб вердим. О, сачларына вә бәдәнинә әтир сәпдикдән сонра, ајагјалын имам Һүсејнин (ә) зијарәтҝаһына тәрәф јола дүшдү. Имам Һүсејнин (ә) мүбарәк гәбринә јетишдикдә, гәбрин баш тәрәфиндә дајаныб, үч дәфә "Аллаһу әкбәр” дејиб, биһуш олараг јерә јыхылды. О, һуша ҝәлдикдә, "Әссәламу әләјкум ја Аләллаһ....” зијарәтнамәсини ахырадәк охуду. Бу зијарәтнамә, ејнилә, әввәлдә гејд етдијимиз Рәҹәб ајынын он бешиндә охунан зијарәтнамәдир вә о зијарәтнамә илә, демәк олар ки, һеч бир фәрги јохдур вә мөвҹуд олан ҹүзи фәргләр дә мәрһум шејх Тусинин ҝүман етдији кими, мүхтәлиф әлјазмалар арасында олан фәргләрдир. Хүласә, бу зијарәтнамәни дә охумаг истәјән шәхс, имам Һүсејнин (ә) Рәҹәб ајынын ортасында охунан зијарәтнамәсинә мүраҹиәт етсин.

Мүәлиф дејир: "Јухарыда садаладығымыз мүбарәк вә әзиз ҝеҹә вә ҝүндүзләрдән әлавә башга әзиз вахтларда да имам Һүсејни (ә) зијарәт етмәјин бөјүк савабы вардыр. Хүсусилә, о һәзрәтлә мүнасибәти олан, о ҹүмләдән, "Мүбаһилә ҝүнү”, "Һәл әта” сурәсинин назил олдуғу ҝүн, о һәзрәтин тәвәллүдү ҝүнү вә ҹүмә ҝеҹәләри кими башга мүбарәк вахтларда о һәзрәти зијарәт етмәк төвсијә олунур. Һәдисләрин бириндә нәгл олунур ки, Һагг-таала һәр ҹүмә ҝеҹәси о һәзрәтә хүсуси бир нәзәр салараг, бүтүн пејғәмбәрләри вә онларын вәсиләрини о һәзрәтин зијарәтинә ҝөндәрәр. Ибни Гуләвәјһ һәзрәт Садигдән (ә) нәгл едир ки, о һәзрәт бујурубдур: "Һәр ҹүмә ҝүнү имам Һүсејни (ә) зијарәт едән шәхс, шүбһәсиз бағышланар. О, дүнјадан һәсрәт чәкдији һалда ҝетмәз вә ҹәннәтдә имам Һүсејнлә (ә) бир јердә олар.” Башга мәшһур бир рәвајәтдә нәгл олунур ки, Ибни Гуләвәјһин гоншусу она дејир: "Јухуда ҝөрдүм ки, ҝөјдән, ҹүмә ҝеҹәсиндә имам Һүсејни (ә) зијарәт едән шәхсләр үчүн аманнамә јазылмыш кағыз парчалары төкүлүр.” Бир гәдәр сонра биз, "Казимәјн әмәлләри” бөлүмүндә Һаҹы Әли Бағдадинин әһвалатында бу һекајәти сизин үчүн нәгл едәҹәјик. Башга бир һәдисдә дә нәгл олунур ки, һәзрәт Садигдән (ә) сорушдулар: "Имам Һүсејни (ә) зијарәт етмәк үчүн елә бир хүсуси вахт вардыр ки, башга вахтлардан даһа үстүн олсун?” О һәзрәт бујурду: "Һәр заман о һәзрәти зијарәт етмәјә тәләсин. Чүнки, ону зијарәт етмәк хејир ҝәтирәр вә һәр кәс ону даһа чох зијарәт етсә, даһа чох хејир әлдә едәр. Һәр кәс о һәзрәти аз зијарәт етсә, аз да хејир әлдә едәр. О һәзрәти мүбарәк вахтларда зијарәт етмәјә чалышын, чүнки белә вахтларда салеһ әмәлләрин савабы артырылар вә мәләкләр, о һәзрәти зијарәт етмәк үчүн асимандан јерә енәрләр вә с.

Јухарыда садаладығымыз бәзи мүбарәк ҝүнләр үчүн һәдисләримиздә хүсуси зијарәтнамәләр нәгл олунмајыбдыр. Әлбәттә, Шәбан ајынын үчү, имам Һүсејнин (ә) тәвәллүдү ҝүнүндә охунан дуаны биз, Шәбан ајынын әмәлләри фәслиндә зикир етмишик. Билин ки, Кәрбаладан башга, узаг шәһәрләрдән дә о һәзрәти зијарәт етмәјин бөјүк савабы вардыр. Бу барәдә "Үсули-кафи”, "Тәһзиб” вә "Фәгиһ” китабларында нәгл олунан ики рәвајәти сизин нәзәринизә чатдырмагла кифајәтләнирик.

Биринҹи рәвајәт:

Ибни Әби Үмәјр, Һишамдан нәгл едир ки, һәзрәт Садиг (ә) бујурду: "Евләри илә бизим дәфн едилдијимиз мәкан арасында узаг мәсафәси олан, јәни, узагда јашајан шәхсләр, евләринин дамына чыхыб, ики рүкәт намаз гылсынлар. Сонра бизим гәбирләримизә тәрәф ишарә едәрәк салам ҝөндәрсинләр. Шүбһәсиз, бу салам бизә јетишәр.”

Икинҹи рәвајәт:

Һәннан ибни Сүдәјр атасындан нәгл едир ки, һәзрәт Садиг (ә) ондан сорушуб: "Еј Сүдәјр, имам Һүсејнин (ә) гәбрини һәр ҝүн зијарәт едирсәнми?” О, "Ҹаным сизә фәда олсун, хејир” -дејә ҹаваб верди. О һәзрәт бујуруб: "Сиз, (о һәзрәтә гаршы) ҹәфа едирсиниз. Һеч олмаса һәр ҹүмә ҝүнү ону зијарәт едирсинизми? "О, јенә дә: "Хејир” -дејә ҹаваб верир. О һәзрәт јенә дә сорушур: "Һәр ај неҹә, о һәзрәти зијарәт едирсинизми?” Деди: -”Хејир”. Јенә сорушду: -”Һәр ил неҹә, ону зијарәт едирсиниз?” Дедим: -”Бәли, бәзи илләрдә о һәзрәти зијарәт етмишик”. Имам јенә бујурду: -”Еј Сүдәјр, сиз, имам Һүсејнә (ә) гаршы чох бөјүк ҹәфа едирсиниз. Һеч билирсиниз ки, Аллаһ тааланын ики мин-мин (јәни ики милјон) мәләји, сачлары пәришан вә палчыға буланмыш һалда о һәзрәт үчүн ҝөз јашы төкүр вә ону зијарәт едирләр, белә ки, бу ишдән әсла јорулмурлар. Еј Сүдәјр, нә оларды ки, ҹүмә ҝүнләри беш дәфә вә башга ҝүнләрдә бир дәфә о һәзрәтин гәбрини зијарәт едәрдиниз? "Дедим: -”Ҹаным сизә фәда олсун, бизимлә о һәзрәтин гәбри арасында фәрсәхләрҹә мәсафә вардыр”. Һәзрәт бујурду: -”Евинин дамына чых, сағ-солуна нәзәр сал. Бу вахт башыны ҝөјә галдыр, сонра үзүнү о һәзрәтин гәбринә тәрәф тутараг де: - "Әссәламу әләјкә ја Әба Әбдиллаһ. Әссәламу әләјкә вә рәһмәтуллаһи вә бәрәкатуһ.” Сәнә һәҹҹ вә үмрә зијарәтләринин савабы јазылар.

Сүдәјр дејир ки, мән, һәр ај әрзиндә бу зијарәтнамәни тәгрибән ијирми дәфә охујурдум. Бу зијарәтнамә, "Имам Һүсејнин (ә) үмуми вахтларда охунан зијарәтнамәләри” башлығы алтында гејд олунан биринҹи зијарәтнамәнин илк ҹүмләләридир.

 

"Әрбәин” ҝүнүнә мәхсус зијарәтнамәни охунушу.

Әссәламу әла вәлијјиллаһи вә һәбибиһ, әссәламу әла хәлилиллаһи вә нәҹибиһ, әссәламу әла сәфиј-јиллаһи вәбни сәфијјиһ, әссәламу әләл Һусәјнил мәзлумиш шәһид, әссәламу әла әсирил курубати вә гәтилил әбәрат, әллаһуммә инни әшһәду әннәһу вәлијјукә вәбну вәлијјик, вә сәфијјукә вәбну сәфијјикәл фаизу би кәрамәтик, әкрәмтәһу биш шәһадәти вә һәбәвтәһу бис сәадәһ, вәҹтә-бәјтәһу битијбил виладәһ, вә ҹәәлтәһу сәјјидән минәс садәти вә гаидән минәл гадәти вә заи-дән минәз задәһ, вә ә`тәјтәһу мәварисәл әнбијаи вә ҹәәлтәһу һуҹҹәтән әла хәлгикә минәл әвсија, фә ә`зәрә фид дуаи вә мәнәһән нусһу вә бәзәлә муһҹәтәһу фик, лијәстәнгизә ибадәкә минәл ҹәһаләти вә һәјрәтиз зәлаләһ, вә гәд тәвазәрә әләјһи мән ғәррәтһуд дунја вә баә һәззәһу бил әрзәлил әдна, вә шәра ахирәтәһу бис сәмәнил әвкәс, вә тәғәтрәсә вә тәрәдда фи һәваһ, вә әсхә-тәкә вә әсхәтә нәбијјәк, вә әтаә мин ибадикә әһләш шигаги вән нифаг, вә һәмәләтәл әвзарил мустәвҹибинән нар (лин нар), фәҹаһәдәһум фикә сабирән муһ-тәсибән һәтта суфикә фи таәтикә дәмуһу вә устубиһә һәримуһ, Әллаһуммә фәл`әнһум лә`нән вәбила, вә әззибһум әзаән әлима, әссәламу әләјкә јәбнә рәсулиллаһ, әссәламу әләјкә јәбнә сәјјидил әвсија, әшһәду әннәкә әминуллаһи вәбну әминиһ, иштә сәидән вә мәзәјтә һәмидән вә муттә фәгидән мәзлумән шәһида, вә әшһәду әннәллаһә мунҹизун ма вәәдәкә вә муһликун мән хә-зәләкә вә муәззибун мән гәтә-ләк, вә әшһәду әннәкә вәфәјтә би әһдиллаһи вә ҹаһәдтә фи сәби-лиһи һәтта әтакәл јәгин, фә ләә-нәллаһу мән гәтәләк, вә ләәнәл-лаһу мән зәләмәкә вә ләәнәл-лаһу уммәтән сәмиәт би заликә фәрәзијәт биһ, Әллаһуммә инни ушһидукә әнни вәлијјун лимән валаһу вә әдуввун лимән адаһ, би әби әнтә вә умми јәбнә рәсу-лиллаһ, әшһәду әннәкә кунтә нурән фил әслабиш шамихәти вәл әрһамил мутәһһәрәһ (әрһамит таһирәһ), ләм тунәҹҹискәл ҹаһилијјәту би әнҹасиһа, вә ләм тулбискәл мудләһиммату мин сијабиһа, вә әшһәду әннәкәл имамул бәррут тәгијјур рәзиј-јуз зәкијјул һадил мәһдијј, вә әшһәду әннәл әиммәтә мин вулдикә кәлимәтут тәгва вә ә`ламул һуда вәл урвәтул вусга вәл һуҹҹәту әла әһлид дунја, вә әшһәду әнни бикум му`минун вә би ијабикум мугинун би шәрајии дини вә хәватими әмәли, вә гәлби ли гәлбикум силмун вә әмри ли әмрикум муттәби`, вә нусрәти ләкум муәддәтун һәтта јә`зәнәллаһу ләкум, фә мәәкум мәәкум ла мәә әдуввикум, сәләватуллаһи әләјкум вә әла әрваһикум вә әҹсадикум (вә әҹсамикум) вә шаһидикум вә ғаибикум, вә заһирикум вә батиникум аминә рәббәл аләмин.

 

“ӘРБӘИН” ЗИЈАРӘТНАМӘСИНИН ТӘРҸҮМӘСИ

Салам олсун Аллаһын нүмајәндәси вә онун һәбибинә! Салам олсун Аллаһын севдији вә сечилмиш бәндәсинә! Салам олсун Аллаһын сечилмиш бәндәси вә онун сечилмиш өвладына! Салам олсун мәзлум вә шәһид Һүсејнә (ә)! Салам олсун гәм-гүссәләрә дүчар олан вә ҝөз јашларынын шәһидинә! Илаһи, шәһадәт верирәм ки, о, Сәнин нүмајәндән вә нүмајәндәнин өвлады, сәнин сечдијин вә сечдијин шәхсин өвладыдыр! Сәнин лүтф вә мәрһәмәтинлә ниҹат тапанлардан олду. Сән ону шәһадәт фејзи илә әзиз тутараг хүсусу сәадәт мәгамына чатдырдын вә нәсил паклығы илә сечәрәк ону ағаларын ағасы, өндәрләрин өндәри, һаггы мүдафиә едәнләрин һамиси етдин. Она пејғәмбәрләрин мирасыны әта едәрәк онларын ҹанишини вә мәхлугата һөҹҹәт тәјин етдин. О, һөҹҹәти тамамлады вә үммәт үчүн бәһанә јери галмады. О, үммәти нәсиһәт етмәкдә меһрибанлыг едәрәк онларла јумшаг давранды вә азғын, надан, тәкәббүрлү, ахирәт мәнфәәтини һеч бир дәјәрә малик олмајан дүнја малына сатмыш, зүлмкар вә нәфсләринә итаәт етмәклә һәлакәтә дүчар олмуш, Сәни вә Пејғәмбәрини гәзәбләндирмиш бәндәләринә ниҹат вермәк үчүн пак ганы ахыдылды. Сәнинлә дүшмән, нифаг әһли, Сәнә аси вә бөјүк ҝүнаһларла јүкләнәрәк ҹәһәннәм одуна лајиг оланлара итаәт едән зүлмкар бәндәләринлә Сәнин јолунда ҹиһад едәрәк камил ихласла сәбир етди. Сәнә итаәт јолунда пак ганы ахыдыланадәк чохлу чәтинлик вә мәшәггәтләрә синә ҝәрди. Әһли-бејтинин һөрмәтинин арадан апарылмасыны хош гаршылады. Илаһи, Сән о залым вә ситәмкар гөвмә ләнәт ет, онлары ән шиддәтли әзабынла ҹәзаландыр! Салам олсун сәнә, еј Пејғәмбәрин өвлады! Салам олсун сәнә, еј өвлијаларын сәрвәринин өвлады! Шәһадәт верирәм ки, сән Аллаһын вәһјинә вә һагга әманәтдар оланын өвладысан. Өмрүнү сәадәтлә јашајараг Һаггын тәрифи илә баша вурдун вә дүнјадан көчәрәк һагг јолунда мәзлум вә шәһид олдун. Бир даһа шәһадәт верирәм ки, Аллаһ-Таала сәнә вердији вәдә вәфа етди, сәни тәнһалыгда гојараг хар етмәк истәјәнләри һәлак едәҹәк вә гатилләринә дә ағрылы әзабы дадыздыраҹаг. Јенә шәһадәт верирәм ки, сән Аллаһ јолунда өмрүнүн сонуна гәдәр ҹиһад етмисән. Аллаһ сәни өлдүрән, сәнә зүлм вә ситәм едәнләрә ләнәт етсин. Һәмчинин сәнин өлдүрүлдүјүнү ешитдикдә, севинәрәк шадлыг едән кәсә дә Аллаһ ләнәт етсин. Илаһи, Сәни шаһид тутурам ки, мән о һәзрәтә, ону севәнләрә мәһәббәт бәсләјән вә онун дүшмәнләринә дүшмән оланларданам. Ата-анам сәнә фәда олсун, еј Аллаһын Рәсулунун өвлады! Шәһадәт верирәм ки, сән мәгамы уҹа олан ата-бабаларынын сүлбү вә хисләти пак олан ананын бәтниндә бир нур идин. Наданлығын чиркинликләри сәнә сирајәт етмәмиш вә сыхынтысы да сәни бүрүмәмишдир. Шәһадәт верирәм ки, һәгигәтән, сән Аллаһ дининин тәмәли, мүсәлманлыг ајинләринин әсасы, иман әһлинин пәнаһ вә һамисисән. Шәһадәт верирәм ки, сән хејирхаһ, бәјәнилән тәгваја саһиб, пак вә пакхисләтли рәһбәр, мәхлугата һидајәтчи, һагла һидајәт олунансан. Шәһадәт верирәм ки, үммәтин доггуз имамы сәнин өвладларындандыр вә һагг руһу вә һагг јолунун бәләдчиси, мөһкәм иманынын әсасы вә бүтүн дүнја әһлинә һөҹҹәтдирләр. Шәһадәт верирәм ки, мәним сизин һагг олдуғунуза иман вә “рәҹәт”инизә (гајыдышыныза) јәгиним вар. Динимин башланғыҹы, ишләримин сону вә гәлбими сизин пак гәлбинизә тәслим едирәм вә бүтүн ишләримдә сизә табејәм. Аллаһын изнилә сизә јардым етмәјә һазырам. Сизин дүшмәнләринизлә дејил, сизинләјәм. Аллаһын саламы олсун сизә вә сизин пак руһ вә ҹисимләринизә! Аллаһын саламы олсун сизләрдән һазыр вә гејбдә оланлара. Еј аләмләрин Рәбби, мәним дуаларымы гәбул ет!

 

"Әрбәин” ҝүнүнә мәхсус зијарәтнамәни әрәбҹә охунушу

السَّلامُ عَلَى وَلِيِّ اللَّهِ وَ حَبِيبِهِ السَّلامُ عَلَى خَلِيلِ اللَّهِ وَ نَجِيبِهِ السَّلامُ عَلَى صَفِيِّ اللَّهِ وَ ابْنِ صَفِيِّهِ السَّلامُ عَلَى الْحُسَيْنِ الْمَظْلُومِ الشَّهِيدِ السَّلامُ عَلَى أَسِيرِ الْكُرُبَاتِ وَ قَتِيلِ الْعَبَرَاتِ اللَّهُمَّ إِنِّي أَشْهَدُ أَنَّهُ وَلِيُّكَ وَ ابْنُ وَلِيِّكَ وَ صَفِيُّكَ وَ ابْنُ صَفِيِّكَ الْفَائِزُ بِكَرَامَتِكَ أَكْرَمْتَهُ بِالشَّهَادَةِ وَ حَبَوْتَهُ بِالسَّعَادَةِ وَ اجْتَبَيْتَهُ بِطِيبِ الْوِلادَةِ وَ جَعَلْتَهُ سَيِّدا مِنَ السَّادَةِ وَ قَائِدا مِنَ الْقَادَةِ وَ ذَائِدا مِنَ الذَّادَةِ وَ أَعْطَيْتَهُ مَوَارِيثَ الْأَنْبِيَاءِ وَ جَعَلْتَهُ حُجَّةً عَلَى خَلْقِكَ مِنَ الْأَوْصِيَاءِ فَأَعْذَرَ فِي الدُّعَاءِ وَ مَنَحَ النُّصْحَ وَ بَذَلَ مُهْجَتَهُ فِيكَ لِيَسْتَنْقِذَ عِبَادَكَ مِنَ الْجَهَالَةِ وَ حَيْرَةِ الضَّلالَةِ وَ قَدْ تَوَازَرَ عَلَيْهِ مَنْ غَرَّتْهُ الدُّنْيَا وَ بَاعَ حَظَّهُ بِالْأَرْذَلِ الْأَدْنَى وَ شَرَى آخِرَتَهُ بِالثَّمَنِ الْأَوْكَسِ وَ تَغَطْرَسَ وَ تَرَدَّى فِي هَوَاهُ وَ أَسْخَطَكَ وَ أَسْخَطَ نَبِيَّكَ وَ أَطَاعَ مِنْ عِبَادِكَ أَهْلَ الشِّقَاقِ وَ النِّفَاقِ وَ حَمَلَةَ الْأَوْزَارِ الْمُسْتَوْجِبِينَ النَّارَ [لِلنَّارِ] فَجَاهَدَهُمْ فِيكَ صَابِرا مُحْتَسِبا حَتَّى سُفِكَ فِي طَاعَتِكَ دَمُهُ وَ اسْتُبِيحَ حَرِيمُهُ اللَّهُمَّ فَالْعَنْهُمْ لَعْنا وَبِيلا وَ عَذِّبْهُمْ عَذَابا أَلِيما السَّلامُ عَلَيْكَ يَا ابْنَ رَسُولِ اللَّهِ السَّلامُ عَلَيْكَ يَا ابْنَ سَيِّدِ الْأَوْصِيَاءِ أَشْهَدُ أَنَّكَ أَمِينُ اللَّهِ وَ ابْنُ أَمِينِهِ عِشْتَ سَعِيدا وَ مَضَيْتَ حَمِيدا وَ مُتَّ فَقِيدا مَظْلُوما شَهِيدا وَ أَشْهَدُ أَنَّ اللَّهَ مُنْجِزٌ مَا وَعَدَكَ وَ مُهْلِكٌ مَنْ خَذَلَكَ وَ مُعَذِّبٌ مَنْ قَتَلَكَ وَ أَشْهَدُ أَنَّكَ وَفَيْتَ بِعَهْدِ اللَّهِ وَ جَاهَدْتَ فِي سَبِيلِهِ حَتَّى أَتَاكَ الْيَقِينُ فَلَعَنَ اللَّهُ مَنْ قَتَلَكَ وَ لَعَنَ اللَّهُ مَنْ ظَلَمَكَ وَ لَعَنَ اللَّهُ أُمَّةً سَمِعَتْ بِذَلِكَ فَرَضِيَتْ بِهِ اللَّهُمَّ إِنِّي أُشْهِدُكَ أَنِّي وَلِيٌّ لِمَنْ وَالاهُ وَ عَدُوٌّ لِمَنْ عَادَاهُ بِأَبِي أَنْتَ وَ أُمِّي يَا ابْنَ رَسُولِ اللَّهِ أَشْهَدُ أَنَّكَ كُنْتَ نُورا فِي الْأَصْلابِ الشَّامِخَةِ وَ الْأَرْحَامِ الْمُطَهَّرَةِ [الطَّاهِرَةِ] لَمْ تُنَجِّسْكَ الْجَاهِلِيَّةُ بِأَنْجَاسِهَا وَ لَمْ تُلْبِسْكَ الْمُدْلَهِمَّاتُ مِنْ ثِيَابِهَا وَ أَشْهَدُ أَنَّكَ مِنْ دَعَائِمِ الدِّينِ وَ أَرْكَانِ الْمُسْلِمِينَ وَ مَعْقِلِ الْمُؤْمِنِينَ وَ أَشْهَدُ أَنَّكَ الْإِمَامُ الْبَرُّ التَّقِيُّ الرَّضِيُّ الزَّكِيُّ الْهَادِي الْمَهْدِيُّ وَ أَشْهَدُ أَنَّ الْأَئِمَّةَ مِنْ وُلْدِكَ كَلِمَةُ التَّقْوَى وَ أَعْلامُ الْهُدَى وَ الْعُرْوَةُ الْوُثْقَى وَ الْحُجَّةُ عَلَى أَهْلِ الدُّنْيَا وَ أَشْهَدُ أَنِّي بِكُمْ مُؤْمِنٌ وَ بِإِيَابِكُمْ مُوقِنٌ بِشَرَائِعِ دِينِي وَ خَوَاتِيمِ عَمَلِي وَ قَلْبِي لِقَلْبِكُمْ سِلْمٌ وَ أَمْرِي لِأَمْرِكُمْ مُتَّبِعٌ وَ نُصْرَتِي لَكُمْ مُعَدَّةٌ حَتَّى يَأْذَنَ اللَّهُ لَكُمْ فَمَعَكُمْ مَعَكُمْ لا مَعَ عَدُوِّكُمْ صَلَوَاتُ اللَّهِ عَلَيْكُمْ وَ عَلَى أَرْوَاحِكُمْ وَ أَجْسَادِكُمْ [أَجْسَامِكُمْ‏] وَ شَاهِدِكُمْ وَ غَائِبِكُمْ وَ ظَاهِرِكُمْ وَ بَاطِنِكُمْ آمِينَ رَبَّ الْعَالَمِينَ

 

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Arba'een
Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди