Ҝәнҹә полиси мөминләрин күтләви һәбсинә башлајыб.

Ҝәнҹәдә Ашурадан дәрһал сонра күтләви һәбсләр башлајыб

  • Хәбәрин коду : 857988
  • Мәнбә : maide.az
Хүласә

30-дан артыг диндарын сахландығы, онларын Ҝәнҹәнин полис рәиси Фаиг Шабановун рәһбәрлији илә ишҝәнҹәләрә мәруз галдығы билдирилир

Әһлибејт (ә) Хәбәр Аҝентлијинин маиде.аз сајтына истинадән вердији мәлумата ҝөрә Ҝәнҹәдә 30-дан артыг диндар һәбс олунуб. Онларын бир гисми Ҝәнҹә Шәһәр Баш Полис Идарәсиндә, галаны исә Кәпәз Рајон Полис Идарәсиндәдир. Сахланылан шәхсләрин ишҝәнҹә алтында олдуғу, бу просесә шәхсән Ҝәнҹәнин полис рәиси Фаиг Шабановун рәһбәрлик етдији билдирилир. Бу һагда “Азадлиг.инфо”ја Ҝәнҹәдәки мәнбәләр мәлумат вериб.
 
Мәнбәнин сөзләринә ҝөрә, Ҝәнҹә Шәһәр Иҹра Һакимијјәтнин башчысы Елмар Вәлијевин ҝөстәриши илә сентјабрын 30-да Ҝәнҹәдәки мәсҹидләр бағланмышды. Она ҝөрә дә Ҝәнҹә вә әтраф рајонларын сакини Имамзадә зијарәтҝаһына ахын едирди. Адамларын чохлуғуну ҝөрән мәсул шәхсләр “Имамзадә”нин дә гапысыны бағлајыб вә ҝәләнләр комплексә бурахылмајыб. Бу сәбәбдән адамлар наразылыг едиб вә нәтиҹәдә гаршыдурма јараныб. Әразијә чохлу сајда полисләр ҝәтирилиб. Полисләр наразылыг едән вәтәндашлара гаршы ҝүҹ тәтбиг едиб.
 
Мәнбә дејир ки, сон нәтиҹәдә “Имамзадә”нин гапылары ачылыб вә октјабрын 1-дә орада Ашура мәрасиминин кечирилмәсинә имкан верилиб. Амма мәрасим баша чатан кими Ҝәнҹәдә күтләви һәбсләр башланыб. Сентјабрын 30-да баш вермиш һадисә илә әлагәдар камералара дүшән шәхсләр зоракылыгла евләриндән чыхарылараг полис идарәсинә апарылыб.
 
Һадисә илә бағлы Ҝәнҹә Шәһәр Прокурорлуғунда ҹинајәт иши башландығы билдирилир. Һәбс олунанларын сајынын артаҹағы истисна олунмур. /


Әлагәдар Мөвзулар

Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди

Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди