Азәрбајҹан хәбәрләри...

Шејх Сәрдар һәбсдә сахланылды – апелјасија мәһкәмәсинин гәрары - ФОТО

  • Хәбәрин коду : 856397
  • Мәнбә : maide.az
Бу ҝүн Ширван шәһәр апелјасија мәһкәмәсиндә, намаз мәһбусу, Азәрбајҹан Руһаниләр Мәҹлисинин (АРМ) үзвү, Маиде.Аз сајтынын баш редактору, руһани Шејх Сәрдар Һаҹыһәсәнлинин шикајәти әсасында саат 9:30-да мәһкәмә просесинин кечирилиб.

Әһлибејт (ә) Хәбәр Аҝентлијинин вердији мәлумата ҝөрә, мәһкәмә апелјасија шикајәтини тәмин етмәјиб вә Масаллы рајон мәһкәмәсинин һөкмүнү гүввәдә сахлајыб.
Вәкил Јалчын Иманов билдириб ки, чохлу сајда полис әмәкдашлары, ППХ автомобилләри әразидә иди. “Мәһкәмәјә һеч ким бурахылмырды. Јалныз биз вәкилләр вә једди нәфәр аилә үзвү мәһкәмәдә иштирак едә билди. Һәтта бизи дә әввәл мәһкәмә залына бурахмаг истәмирдиләр. Вәкилләр мәһкәмәдә чыхыш етмәкдән имтина етди. Јалныз Шејх Сәрдар өзү данышды вә ганунсуз һәбс едилдијини билдирди. Гыса мүшавирәдән сонра һакимләр Масаллы рајон мәһкәмәсинин гәрарыны гүввәдә сахлады”.
Јалчын  Иманов ону да билдириб ки, һөкмдән кассасија шикајәти вериләҹәк.
Вәкил Ҹавад Ҹавадов  ачыгламасында билдириб ки, мәһкәмәнин гәрары гүввәдә сахламасы бир даһа әдаләтсиз аддым атылдығын ҝөстәрди. Һәмчинин мәһкәмәјә јарадылан сүни манеәләр дә гәбуледилмәздир. Ҹ.Ҹавадов Шејх Сәрдарын она дәстәк верән һәр кәсә тәшәккүр етдијини дә әлавә едиб.
 Гејд едәк ки, бу ҝүн кечирилән мәһкәмә илә әлагәдар Ширван шәһәриндә Апелјасија Мәһкәмә бинасынын гаршысында чох сајда ЈПХ вә ППХ әмәкдашлары олуб. Мәһкәмәјә ҝедән јоллары бағлајан полис әмәкдашлары мәһкәмәдә иштирак етмәк истәјәнләри әразидән узаглашдырыб.
 Хатырладаг ки, Шејх Сәрдар Һаҹыһәсәнли Масаллы рајонунун мәсҹидиндә намаз гылдығына вә дини сөһбәтләр етдијинә ҝөрә рајонун иҹра башчысы онун барәсиндә полисә шикајәт едиб. Шикајәт әсасында руһанијә ҹинајәт иши ачылыб вә барәсиндә һәбс гәтимкан тәдбири сечилиб.
 Ијул ајынын 3-дә Масаллы Рајон Мәһкәмәсиндә Анар Алмурадлынын сәдрлији илә кечирилән просесдә Шејх Сәрдара һөкм охунуб. Мәһкәмәнин гәрары илә Шејх Сәрдар Һаҹыһәсәнли 3 ил мүддәтинә азадлыгдан мәһрум едилиб.

Диггәт!Хәбәрдән истифадә етдикдә мәнбәјә истинад лазымдыр


Әлагәдар Мөвзулар

Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди