Һизбуллаһ хәбәрләри...

Сејид Һәсән Нәсруллаһ: "БМТ, она етимад едә билмәјәҹәјимизи сүбут етди"

  • Хәбәрин коду : 818978
  • Мәнбә : deyerler.org
Хүласә

Ливанын Һизбуллаһ һәрәкатынын баш катиби Сејид Һәсән Нәсруллаһ БМТ-јә сионист Исраил режиминин фәләстинлиләрә гаршы "апартеид режими" кими рәфтар етдијини гејд етдији һесабаты ләғв етмәси сәбәбиндән сәрт реаксија вериб.

Әһлибејт (ә) Хәбәр Аҝентлији-БМТ-нин Гәрби Асија Игтисади вә Сосиал Комиссијасынын (ЕСҸWА) ичрачы катиби Рима Хәләф Исраил режиминин ишғалы алтындакы әразиләрдә јашајан фәләстинлиләрә гаршы ајры-сечкилик етдијини билдирән бир һесабат һазырламышдыр. Анҹаг, ҝәлән реаксијалардан сонра, БМТ-нин баш катиби Антонио Гутеррес һесабатын ләғв едилмәсини истәмишди. Хәләф бу тәләбдән сонра истефа етдијини ачыгламышды. 

Һизбуллаһ лидери Сејид Һәсән Нәсруллаһ мартын 19-да етдији чыхышында БМТ-нин һесабатына даир мөвгејини гијмәтләндириб: "Бу һадисә БМТ-нин реаллығыны, јәни зәиф олдуғуну вә АБШ илә Исраил режиминин тәләбләринә гаршы мөвге гоја билмәдијини бир даһа хатырлатды". БМТ-нин бир һадисә гаршысында мөвге гојмаг үчүн зәиф олдуғуну билдирән Насраллаһ белә данышыб: "Бу һесабатын фиаскосу, реҝионумуздакы инсан һүгугларынын мүдафиәси мәсәләсиндә БМТ-јә етимад едә билмәјәҹәјимизи сүбут етди".

Нәсруллаһ чыхышында Суријада једдинҹи илинә дахил олан гаршыдурмалара да тохунуб: "Суријадакы һадисәләрин әввәлләриндә "Суријанын достлары" ады алтында бирләшәнләр Суријаја гаршы тәхрибатлар төрәтдиләр. Ики ај әрзиндә бу өлкәјә һаким олаҹагларыны һесаб етдиләр. Һазырда гаршыларында бу аҹы һәгигәт вар. Үмидсизлик вә мәғлубијјәт. Бу өлкәләрин һамысы удузду".

Насраллаһ сөзләрини белә давам едиб: "Һазырда Суријадакы дүшмән ҹәбһәсиндә дөјүшән суријалылара мүраҹиәт едирәм: Бу лајиһә уғурсуз олду, мәғлуб олду. Нетанјаһу Москваја ҝетди вә Путинә сығынды".


Әлагәдар Мөвзулар

Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди