Азәрбајҹан һөкүмәтинин репрессијалары...

Гијас Ибраһимовун атасына ҹинајәт иши ачылыб

  • Хәбәрин коду : 856821
  • Мәнбә : meydan tv
Хүласә

Һәсән Ибраһимов мәһкәмәјә һөрмәтсизлик етмәкдә ҝүнаһландырылыр

Әһлибејт (ә) Хәбәр Аҝентлијинин мејдантв-јә истинадән вердији хәбәрә ҝөрә- Сентјабрын 27-дә Әдлијјә Назирлијинин Истинтаг Идарәсиндә ҝәнҹ фәал Гијас Ибраһимовун атасы Һәсән Ибраһимова Ҹинајәт Мәҹәлләсинин 289.2 (Мәһкәмәјә һөрмәтсизлик етмә) маддәси илә ҹинајәт иши ачылыб. Бу маддә илә Һ.Ибраһимов үч јүз манатдан беш јүз манатадәк мигдарда ҹәримә өдәјә, ики иләдәк мүддәтә ислаһ ишләри вә ја алты ајадәк мүддәтә азадлыгдан мәһрум етмә илә ҹәзаландырыла биләр.

Елә һәмин ҝүн дә Һәсән Ибраһимов диндирилиб.

Һәсән Ибраһимов өзүнү тәгсирли билмәдијини вә һакимин ганунсуз һәрәкәтләринә етираз етдијини сөјләјиб.

Мәлуматы вәкил Елчин Садыгов "Фаҹебоок" сәһифәсиндә пајлашыб.

Вәкил 2 сајлы Ҹәзачәкмә Мүәссисәсиндә Гијас Ибраһимова гаршы һәмин маддәнин иттиһам кими елан олундуғуну әлавә едиб:

"Г.Ибраһимов да өзүнү тәгсирли билмәдијини деди. Нөвбәти һәфтә истинтаг битәҹәк, амма һәлә експертиза рәјләри илә таныш олмамышыг".

О, експертиза рәјләринин гәрәзли тәртиб олундуғуну иддиа едир:

"Һәтта һакимә "балаларынызын гаршысына чыхаҹаг" ифадәси мәһкәмәјә тәһгир кими гијмәтләндирилиб. Биз бунунла разы дејилик, ҝәлән һәфтә иш мәһкәмәјә ҝөндәриләҹәк".

Елчин Садыгов дејир ки, һаваларын сојумасына бахмајараг, Гијас Ибраһимова матрас верилмәјиб. Тәҹридхана рәсмиләри јахынларда бу мәсәләнин һәлл олунаҹағыны вәд едиб.    

Гијас Ибраһимов вә Бајрам Мәммәдов өтән илин мајын 10-да сахланыб.

Онлар Ҹинајәт Мәҹәлләсинин 234-ҹү (ганунсуз олараг наркотик васитәләри сахлама, дашыма, ҝөндәрмә вә ја сатма) маддәсилә иттиһам едилирләр.

Октјабрын 25-и Бакы Ағыр Ҹинајәтләр Мәһкәмәсиндә ҝәнҹ фәал Гијас Ибраһимова 10 ил һәбс ҹәзасы верилиб.

Һәр ики ҝәнҹ иттиһамла разылашмыр вә ишҝәнҹә алтында ифадә вермәјә мәҹбур едилдикләрини билдирир.

Дахили Ишләр Назирлији вә Омбудсман Апараты ҝәнҹләрә ишҝәнҹә верилмәсини тәкзиб едиб.


Әлагәдар Мөвзулар

Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди

Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди