Диггәт!!!

Намәһрәмлә реал вә виртуал үнсијјјәт заманы өзүнәнәзарәт

Намәһрәмлә реал вә виртуал үнсијјјәт заманы өзүнәнәзарәт

Намәһрәмә евләнмәк һәдәфи олмадан симпатија бәсләмәк инсаны шејтанын тәләсидир вә бу "симпатија" да бош јерә јаранмамышдыр. Онун сәбәбини тапмаға чалышын. Бәлкә бу, сәһләнкарлығын нәтиҹәсидир? Бәлкә иман зәифлијидир? Бәлкә хәјаллары нәзарәтдән бурахмаг вәрдишидир?..

Әһли Бејт (әлејһимус-сәлам) - АБНА – Хәбәр Аҝентлији: Севмәк, симпатија бәсләмәк – гәлблә бағлы олан бир мәсәләдир. Заһирән, ихтијарсыз ола билир. Амма мөмин буну ирадәсинә табе етдирмәлидир. Чүнки, бу симпатија инсаны һарама тәрәф чәкир. Инсан чалышар ки, онунла рабитә гурулсун вә сөһбәт едилсин. Она бахмагдан ләззәт алынсын. Бу да, ҝүнаһдыр.

Һәзрәт Пејғәмбәр (сәлләллаһу әлејһи вә алиһи вә сәлләм) бујурмушдур: "Ким ҝөзүнү һарамла долдурса, Аллаһ Гијамәт ҝүнү онун ҝөзүнү одла долдурар. Јалныз төвбә едән истиснадыр."

Бу барәдә бәзи төвсијәләрә диггәт едәк:

1. Әҝәр киминсә бир башгасыны севмәси евләнмәк нијјәтилә оларса, ҝәрәк дәрһал евлилијин зәминәләрини һазыр етсин. Мүнасиб јолла елчилијә ҝәлсин вә бу мәсәләни дини вә үрфи гајдада һәлл етмәјә чалышсын. Анҹаг әҝәр евләнмәк нијјәти јохдурса, бу севҝи ону Аллаһдан гафил едәҹәкдир, зеһни, фикири ҝирифтарлыглар јарадаҹагдыр. Ҝәрәк тәҹили өз һиссләрини нәзарәтә алсын. Гијамәтин дәһшәтини ҝөз өнүнә ҝәтириб, агибәтини мәһв олмагдан хилас етсин.

2. Кимисә нәтиҹәсиз севмәк – ҝет-ҝедә инсаны о кәсә бағлајар вә инсан ифрат шәклиндә һәмин кәсдән асылы едир. Бу һал да ҹидди руһи сарсынтыја, депрессијаја ҝәтириб чыхардыр ки, инсана мәнфи нәтиҹәләр ҝәтирир. Руһи хәстәликләр исә инсанын иззәт вә шәхсијјәтини мәһв едир.

3. Намәһрәмә евләнмәк һәдәфи олмадан симпатија бәсләмәк инсаны шејтанын тәләсинә салаҹаг вә ону шејтани хәјаллара апараҹаг. Инсан ирадәсиз вә сүст бир дурумда олараг, мәнлијини итирмәк тәһлүкәси илә үз-үзә галаҹаг.

4. Һәр бир шејин сәбәби вардыр вә бу симпатија да бош јерә јаранмамышдыр. Онун сәбәбини тапмаға чалышын. Бәлкә бу, сәһләнкарлығын нәтиҹәсидир? Бәлкә иман зәифлијидир? Бәлкә хәјаллары нәзарәтдән бурахмаг вәрдишидир? Бәлкә инсан јахынларына, әзизләринә лагејддир? Бәлкә инсан ҝөзләринин өнүндә олан пәрдәләри ҝөрмүр, онларын мәнфи тәсирләрини дәрк етмир.

Бу сәбәбләри тапыб онлары арадан галдырмаға чалышмаг лазымдыр. Севҝи, симпатија – чох үлви, инсаны зәнҝинләшдирән, ону јүксәкликләрә галдыран амилдир. Амма бу гијмәтли һисс, Аллаһ бәјәндији үнванда бәсләнмәлидир вә әкс тәгдирдә - инсаны һәлакәтә апарар.

Аллаһ Тәала ҹәми мөмин вә мөминәләри Өзүнүн бәјәндији һиссләрә саһиб олмағы нәсиб етсин!



Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди