Әјјами Фатимијјә - (Фатимијјә Ҝүнләри)

Һәзрәт Фатимәнин (сәламуллаһи әлејһа) Шиәләри әввәл-ахыр мүтләг беһиштдә олаҹаг

Һәзрәт Фатимәнин (сәламуллаһи әлејһа) Шиәләри әввәл-ахыр мүтләг беһиштдә олаҹаг

Һәзрәт Фатимә (сәламуллаһи әлејһа): “Бизим давамчыларымыз – беһишт әһлинин ән үстүн инсанларыдыр. Һәр ким бизи севәрсә, бизим достларымызы да севәрсә, дүшмәнләримизин дүшмәни оларса – гәлб вә дили илә иман ҝәтирмиш олар.”

Бир киши һәјат јолдашына дејир ки, Пејғәмбәрин (сәлләллаһу әлејһи вә алиһ) гызы Фатимәнин (сәламуллаһи әлјһа) јанына ҝет вә мәним һаггымда суал вер ки, мән онун давамчысыјам, јохса јох? Һәјат јолдашы да Ханымын (сәламуллаһи әлјһа) һүзуруна ҝәлир вә бу суалы верир.

Ханым (сәламуллаһи әлјһа) бујурур: “Она де ки, әҝәр она әмр етдијимизи јеринә јетирибдирсә вә гадаған етдијимиздән чәкинибдирсә - о, бизим давамчыларымыздандыр”.

Һәјат јолдашы ҝәлир вә Ханымын (сәламуллаһи әлјһа) сөзләрини әринә дејир. Әри дејир: “Вај олсун мәнә! Ким ҝүнаһ вә хатадан узагдыр ки? Она ҝөрә дә мән һәмишәлик ҹәһәннәмдәјәм. Чүнки һәр ким онларын давамчысы олмаз, һәмишә ҹәһәннәм атәшиндә олар”.

Кишинин ханымы јенә Һәзрәт Фатимәнин (сәламуллаһи әлјһа) јанына ҝәлир вә әринин сөзләрини бануја чатдырыр. Һәзрәт Фатимә (сәламуллаһи әлјһа) бујурур: “Она де ки, ҝүман етдији кими дејилдир. Бизим давамчыларымыз – беһишт әһлинин ән үстүн инсанларыдыр. Һәр ким бизи севәрсә, бизим достларымызы да севәрсә, дүшмәнләримизин дүшмәни оларса – гәлб вә дили илә иман ҝәтирмиш олар.

Әҝәр бизим әмр вә нәһјимизлә мүхалифлик едәрсә, бизим давамчымыз дејилдир, бахмајараг ки, беһиштә ҝетсә белә. Анҹаг бәла вә чәтинликләр васитәсилә ҝүнаһлардан пак оландан сонра. Вә ја Гијамәт ҝүнү мүхтәлиф чәтинликләрдән вә ја ҹәһәннәмин ән үстүн тәбәгәсиндә әзаб олдугдан сонра пак олар. О заман бизә гаршы олан мәһәббәтинә ҝөрә ҹәһәннәмдән она ниҹат верәрик вә өз јанымыза апарарыг”.


Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Quds cartoon 2018
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди