Јахын Шәрг Хәбәрләри

Сејид Һәсән Нәсруллаһ: “Дүшмәнләр мүгавимәтә гаршы тәхрибат етмәк мәгсәди ҝүдүрләр”

Сејид Һәсән Нәсруллаһ: “Дүшмәнләр мүгавимәтә гаршы тәхрибат етмәк мәгсәди ҝүдүрләр”

Һизбуллаһын лидери чыхышында АБШ дөвләт катибинин Ливан сәфәринә дә тохунуб: “АБШ-ын дөвләт катиби Бејрута ҝәлирсә, бу сәфәрин һәдәфи тәкҹә дәниз сәрһәдләри дејил, әксинә Һизбуллаһ илә дә мүбаризә етмәкдир”.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ливанын Һизбуллаһ һәрәкатынын баш катиби Сејид Һәсән Нәсруллаһ Америка вә мүттәфигләринин бөлҝәдәки планларынын мәғлубијјәтә дүчар олдуғуну билдириб.

Сејид Һәсән Нәсруллаһ февралын 24-ү Ливанын шәргиндә јерләшән Баалбәк шәһәриндә видео илә чыхыш едәрәк дејиб ки, Америка вә мүттәфигләринин бөлҝәдәки планларынын мәғлубијјәтә дүчар олмасы вә ИШИД террор тәшкилатынын мәғлубијјәтиндән сонра, дүшмәнләрин мүгавимәтә гаршы һијлә гурмаг вә тәхрибат етмәк мәгсәди ҝүдүрләр.

Һизбуллаһын лидери чыхышында АБШ дөвләт катибинин Ливан сәфәринә дә тохунуб: “АБШ-ын дөвләт катиби Бејрута ҝәлирсә, бу сәфәрин һәдәфи тәкҹә дәниз сәрһәдләри дејил, әксинә Һизбуллаһ илә дә мүбаризә етмәкдир”.

Сејид Һәсән Нәсруллаһ даһа сонра сөзләрини белә давам едиб: “Әҝәр Исраил режими бу ҝүн һеч бир шејдән горхмасајды, артыг 9-ҹу бөлҝәдә нефт бору хәттини салмышды вә Ливанын нефт һүгугларыны позараг, ону өз һүгуглары кими истифадә едәрди”.

Сејид Һәсән Нәсруллаһ Һизбуллаһ һәрәкатынын мүттәфигләринин дахили вә хариҹи тәхрибатлар гаршысында мүгавимәт етмәләрини дә истәјиб.

Һизбуллаһын баш катиби чыхышынын давамында, Ливанда кечирилмәси планлашдырылан сечкиләрә тохунуб: “Ливан парламенти вә һөкумәтиндә Һизбуллаһ нүмајәндәләринин мөвҹудлуғунда ән әсас һәдәф, мүгавимәти дәстәкләмәк вә бу мәсәләни ҝүҹлү шәкилдә давам етдирмәкдир. АБШ вә Сәудијјә режими Ливанда кечириләҹәк сечкиләрдә Һизбуллаһын сәсләрини нәзәрә алаҹаг вә сечкиләрдә мүхтәлиф фикирләрин иштиракында һеч бир проблем јохдур.

Сечкиләрдә Ливан халгынын үзәринә бөјүк бир вәзифә дүшүр. Чүнки сечкиләр өлкәнин талејини мүәјјән едәҹәк. Бу сечкиләрдә ким сечиләрсә, мәсулијјәтләрини јеринә јетирмәлидир. Сечилән шәхсләр бүтүн Ливан халгынын нүмајәндәләри олаҹаг. Сечилән шәхсләр Ливанда игтисадијјат вә тәһлүкәсизлијә ҝөрә ҹавабдеһдир. Сечкиләр һәддән артыг мүһүмдүр. Мәҝәр биз өлкәмизи АБШ-а вә нефтини Исраил режиминә верән, мүгавимәтә гаршы тәхрибатлар гуран вә игтисадијјата мәһәл гојмајаны сечә биләрикми? Бу суалын ҹавабы әлбәттә ки, мүһүмдүр”.



Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди