Әлагәләр

Әмир Һатәми: "Иран мүсәлман дөвләти олараг Азәрбајҹанын мүдафиә габилијјәтинин артырылмасында мараглыдыр "- Фото

Әмир Һатәми:

Ҝөрүшдә Азәрбајҹан вә Иран ордулары арасында һәрби, һәрби-техники, һәрби тибб, һәрби тәһсил үзрә әмәкдашлығын инкишаф перспективләри, експерт групларынын гаршылыглы сәфәрләринин тәшкили вә мараг доғуран диҝәр мәсәләләр барәдә әтрафлы фикир мүбадиләси апарылыб.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасынын мүдафиә вә силаһлы гүввәләрә дәстәк назири ҝенерал-мајор Әмир Һатәми илк хариҹи сәфәрини Азәрбајҹана едиб.

Илк өнҹә прездентлә ҝөрүш кечирилиб. Сонра исә Мүдафиә назири, ҝенерал-полковник Закир Һәсәнов бу ҝүн Иран Ислам Республикасынын мүдафиә вә силаһлы гүввәләрә дәстәк назири, ҝенерал-мајор Әмир Һатәминин рәһбәрлик етдији нүмајәндә һејәти илә ҝөрүшүб.

МН-дән АПА-ја верилән мәлумата ҝөрә, Иран нүмајәндә һејәти әввәлҹә Фәхри хијабанда Һејдәр Әлијев вә Зәрифә Әлијеванын мәзарларыны, ардынҹа Шәһидләр хијабаныны зијарәт едиб. Сонра Мүдафиә Назирлијиндә рәсми гаршыланма мәрәсими кечирилиб.

Гонаг фәхри гаровулун өнүндән кечдикдән сонра һәр ики өлкәнин дөвләт һимнләри сәсләндирилиб. Протокола ујғун олараг, Ә. Һатәми “Шәрәф китабы”ны имзалајыб.

Мүдафиә назирләри әввәлҹә тәкбәтәк, сонра исә ҝениш тәркибдә ҝөрүшүбләр.

З. Һәсәнов Ә. Һатәмини мүдафиә назири вәзифәсинә тәјин олунмасы мүнасибәтилә тәбрик едиб вә бу вәзифәдә илк хариҹи рәсми сәфәрини мәһз Азәрбајҹана етмәсини ики өлкә арасында достлуг әлагәләринин јүксәк ҝөстәриҹиси кими дәјәрләндириб. Назир Азәрбајҹан-Иран мүнасибәтләриндә гаршылыглы етимадын јарадылмасында вә инкишаф етдирилмәсиндә Һејдәр Әлијевин вә президент Илһам Әлијевин хидмәтләрини хүсуси вурғулајыб.

Реҝиондакы һәрби-сијаси вәзијјәтдән данышан З. Һәсәнов Дағлыг Гарабағ мүнагишәсинин бу ҝүнәдәк һәлл олунмамасынын реҝионал сабитлијә ҹидди тәһдид тәшкил етдијини иранлы һәмкарынын диггәтинә чатдырыб.

Назир Ермәнистан-Азәрбајҹан, Дағлыг Гарабағ мүнагишәсинин өлкәмизин әрази бүтөвлүјү, суверенлији чәрчивәсиндә һәлл олунмасы үчүн сәјләринә ҝөрә Иран тәрәфинә миннәтдарлығыны да билдириб.

Ики дөвләт арасында дини, тарихи, мәдәни әлагәләрин меһрибан достлуг әнәнәләринә әсасландығыны, өлкәләримиз арасында бир чох истигамәтләрдәки кими һәрби саһәдә дә әмәкдашлыг үчүн ҝениш потенсиалын олдуғуну вурғулајан ҝенерал-мајор Ә. Һатәми өлкәсинин Азәрбајҹанын әрази бүтөвлүјүнү вә мүнагишәнин һәлли илә бағлы әдаләтли мөвгејини дәстәкләдијини бәјан едиб.

О гејд едиб ки, Иран мүсәлман дөвләти олараг Азәрбајҹанын мүдафиә габилијјәтинин артырылмасында мараглыдыр вә бу саһәдә истәнилән јардымы ҝөстәрмәјә һазырдыр.

Ҝөрүшдә Азәрбајҹан вә Иран ордулары арасында һәрби, һәрби-техники, һәрби тибб, һәрби тәһсил үзрә әмәкдашлығын инкишаф перспективләри, експерт групларынын гаршылыглы сәфәрләринин тәшкили вә мараг доғуран диҝәр мәсәләләр барәдә әтрафлы фикир мүбадиләси апарылыб.

Диггәт: Хәбәрдән истифадә етдикдә мәнбәјә истинад лазымдыр


Әлагәдар Мөвзулар

Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Arba'een
Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди