Сурија Хәбәрләри

Түркијәнин ишғал етдији Африн бөлҝәси "Азад Орду" террорчулары тәрәфиндән гарәт едилир

Түркијәнин ишғал етдији Африн бөлҝәси

Азад Орду групунун үнсүрләри Афринин шимал-шәргиндә јерләшән Шәран гәсәбәси сакинләрини ЈПҜ илә әлагәли олмаг бәһанәси илә евләриндән говурлар. Бөлҝәнин ҝәнҹләри вә кишиләрини сахта иттиһамлар вә бәһанәләрлә һәбс, ишҝәнҹә едир, дөјүр вә пул гаршылығында азад едирләр.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, президент Әрдоғанын фәрманы илә Суријанын шимал бөлҝәсини ишғал едән Түркијә ордусунун дәстәкәдији "Азад Сурија Ордусу" адлы террор тәшкилаты нөвбәти вандализимә әл атыб.

Бу һагда террорчулара бағлы Сурија Инсан Һаглары Ҝөзәтчиси Мәркәзи өтән ҝеҹә билдириб:" Түркијә ордусу тәрәфиндән дәстәкләнән "Сурија Азад Ордусу"нун силаһлы үнсүрләри Африн бөлҝәси сакинләринин әмлакыны гарәт едирләр".

Бу мәркәзин сөзләринә ҝөрә, Азад Орду групунун үнсүрләри Афринин шимал-шәргиндә јерләшән Шәран гәсәбәси сакинләрини ЈПҜ илә әлагәли олмаг бәһанәси илә евләриндән говурлар. Бөлҝәнин ҝәнҹләри вә кишиләрини сахта иттиһамлар вә бәһанәләрлә һәбс, ишҝәнҹә едир, дөјүр вә пул гаршылығында азад едирләр.

Мәлумата ҝөрә, Африн шәһәри вә әтрафында мәнзилләрә басгын, тәфтиш һәлә дә давам едир.

Түркијә ордусунун Африн бөлҝәсиндә һәрби әмәлијјаты 2018-ҹи ил 20 јанвардан Зејтун Будағы ады алтында башланды, Африндә јүзләрлә сивил һәлак олду вә јараланды, јүзләрлә кәнд вә гәсәбә виран олду, минләрлә сивил кәндләр вә гәсәбәләрдән дидәрҝин дүшдү.

Сурија Хариҹи Ишләр Назирлији Түркијәнин Африндәки һәрби әмәлијјатыны Суријанын әрази бүтөвлүјү вә суверенлијинин позулмасы адландырыб вә ону писләјиб.

 

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Quds cartoon 2018
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди