Суал вә Ҹаваб

Ислам Пејғәмбәри (с) Имам Һүсејнә (ә) матәм сахлајараг, ағлајыбмы?

Имам Һүсејнин (ә) шәһид олмасы һагда һәлә Пејғәмбәрдән (с) 300 ил өнҹә хәбәр верилмишдир.

  • Хәбәрин коду : 866873
  • Мәнбә : АБНА – Хәбәр Аҝентлији
Хүласә

Әһли Сүннә гајнагларында Имам Һүсејнлә (әлејһи сәлам) бағлы һәдис вә хәбәрләр чохдур. Белә ки, О ҹәнаб һагда анадан олмамышдан өнҹә һәтта Ислам Пејғәмбәринин заманындан габагкы заманларда белә кечмиш пејғәмбәрләр тәрәфиндән верилән хәбәрләр мөвҹуддур.

Әһли Бејт (әлејһимус-сәлам) - АБНА – Хәбәр Аҝентлији:

Суал:

Әссәламу әлејкум. Һөрмәтли редаксија үзвләри белә бир суалла растлашмышыг ки, ҝөрәсән Бөјүк Ислам Пејғәмбәри һәзрәт Муһәммәд Мустәфа (сәлләллаһу әлејһи вә алиһ) Имам Һүсејнә (әлејһи сәлам) матәм сахлајыбмы? Вә онун шәһадәтә јетәҹәји үчүн ағлајараг ҝөзјашлары төкүбмү?

Хаһиш едирик суалымыза ҹаваб вердикдә Әһли Сүннә гардашларын мәнбәләринә истинад един ки, бәзи гејри-Шиәләри гане етдирә биләк.

Ҹаваб:

Бисмиллаһир Рәһманир Рәһим

Вә әлејкум сәлам вә рәһмәтуллаһи вә бәрәкатуһ. Әһли Сүннә гајнагларында Имам Һүсејнлә (әлејһи сәлам) бағлы һәдис вә хәбәрләр чохдур. Белә ки, О ҹәнаб һагда анадан олмамышдан өнҹә һәтта Ислам Пејғәмбәринин заманындан габагкы заманларда белә кечмиш пејғәмбәрләр тәрәфиндән верилән хәбәрләр мөвҹуддур.

Гејд етдијимиз һәдисләри гысаҹа олараг бурда зикр едирик:

Имам Һүсејнин (ә) шәһид олмасы һагда һәлә Пејғәмбәрдән (с) 300 ил өнҹә хәбәр верилмишдир.

Муһәммәд ибн Һәзрәми белә нәгл едир: Рома (Бизанс) иператорлуғу илә мүһарибә едирдик, онларын килсәләриндән биринә дахил олдуг, орада бир даш парчасы вар иди, үзәриндә белә јазылмышдыр: “Һүсејни гәтлә јетирән үммәт, гијамәт ҝүнү Онун Бабасынын шәфаәтиндән бәһрәләнмәјәми үмүд бәсләјир?”

(әл Моҹәм әл Кәбир әл Тәбрани, ҹилд. 3, сәһ. 124)

Гејд олунан һәдисә охшар һәдисләр ашағыдакы гајнагларда да ҝәлиб: Тәһзибул Кәмал ҹилд. 6, сәһ. 442. Бәғјәтул Тәләб фи тарихи Һәләб ҹилд. 6, сәһ. 2653. Субһул Ә`ши фи Сәнаәтил иншә ҹилд. 13, сәһ. 234. әл Хәсаисул Кубра Сујути ҹилд. 1, сәһ. 63 вә с.

Ислам Пејғәмбәринин (сәлләллаһу әлејһи вә алиһ) Имам Һүсејнин шәһадәтинә матәм сахлајараг ағламасы

Әнәс рәвајәт едир ки, Әрәбистанын Нәҹран мәнтәгәсиндән олан бир шәхс јери газаркән үзәриндә белә бир јазы јазылмыш “Һүсејни гәтлә јетирән үммәт, гијамәт ҝүнү Онун Бабасынын шәфаәтиндән бәһрәләнмәјәми үмүд бәсләјир?  Ибраһим Хәлилуллаһ” гызылдан бир лөвһә тапыр.

Бу лөвһәни һәзрәти рәсулуллаһын һүзуруна ҝәтирдиләр, Пејғәмбәр ону охуду вә ағлады. Сонра бујуруд: “Һәр кәс мәнә вә аиләмә әзијјәт едәрсә (гијамәт ҝүнү) шәфаәтим она јетмәјәҹәк.”

(Тәнзиһул Шәриә Әли ибн Муһәммәд ибн Әли ибн Ирагил Кәнани ҹилд 1. Сәһ. 409)

Инди исә, Әһли Сүннәт арасында гаты-сүннилији илә сечилән алим Зәһәбинин Тарихул Ислам Зәһәби китабынын 5-ҹи ҹилдинин 102-ҹи сәһифәсиндә бу һагда јаздығы һәдисин мүһүм һиссәләрини тәрҹүмә едирик:

- Әһмәд ибни Һәнбәл (Һәнбәли мәзһәбинин Имамыдыр) өзүнүн јаздығы Мүснәд китабында белә дејиб: … Әли илә бирҝә ҝедирди вә О һәзрәтин су габыны өзү илә дашыјырды. (Сиффејнә ҝедәркән Ирагын) Нејнәва мәнтәгәсинә чатдыгда сәсләнди: Еј Әба Әбдиллаһ (Имам Һүсејнин күнјәсидир)! Фурат чајынын голу кәнарында сәбр ет.

Суал етдим: Нә демәк истәјирсиниз? Ҹаваб Верди: Аллаһын Елчисинин һүзуруна ҝетмишдим, Ону ағлар вә ҝөз јашлары төкән ҝөрдүм. Мәнә белә бујурду: “Ҹәбраил кәнарымда дајанараг белә деди: Һүсејн Фурат чајынын голу кәнарында шәһадәтә јетәҹәк. Аја онун түрбәтинин гохусу дујмаг истәјирсәнми? Дедим: Бәли. О бир овуҹ онун торпағындан ҝөтүрүб мәнә верди, мән өзүмү сахлаја билмәјиб ҝөз јашларымы ахытмаға башладым…”


Диггәт: Хәбәрдән истифадә етдикдә мәнбәјә истинад лазымдыр


Әлагәдар Мөвзулар

Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Arba'een
Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди