Аллаһ Таала Фатимәнин (ә) Гәзәбилә Гәзәбләнир- Һз. Рәсулләлаһ (с)

Гуран вә һәдисләрдә Һз. Фатимәи Зәһранын (ә) мәгам вә мәнзиләти

  • Хәбәрин коду : 815092
  • Мәнбә : АБНА – Хәбәр Аҝентлији
Хүласә

Алла Ҹәллә Ҹәлалуһ Әһзаб сүрәсинин 33-ҹү ајәсиндә Әһли Бејтин (әлејһимус сәлам) мүтләг шәкилдә пак вә мәсум олдугларыны инсанлара чатдырыр. Вә бүтүн Шиә вә Сүнни алимләринин јекдилликлә гәбул етдикләри мәсәләдә будур ки, һәзрәти Сиддигәји Таһирә, Ханым Фатимәи Зәһра (әлејһа сәлам) Әһли Бејтдән (әлејһимус сәлам) биридир. (Ҹамиул Бәјан, ҹилд 12, ҹүз 22, сәһ. 9. әл Тәһрир вә әл Тәнвир тәфсири, ҹилд 11, ҹүз 22, сәһ. 15)

Әһли Бејт (әлејһимус-сәлам) - АБНА – Хәбәр Аҝентлијинин Мәдәнијјәт Сәһифәси: Гурани Кәримә әсасән һәзрәти Фатимәи Зәһра (әлејһа сәлам) бөјүк Ислам Пејғәмбәри һәзрәт Муһәммәди Мустәфанын (сәлләллаһу әлејһи вә алиһ) Әһли Бејтиндәндир (әлејһимус-сәлам). Бу сәбәбдән дә, О Ханым исмәт саһиби вә Аллаһ Тәала тәрәфиндән һәр бир пислик вә нөгсанлыгдан узагдыр. Јәни һәзрәти Фатимәи Зәһра (әлејһа сәлам) Камил Инсандыр. Гурани Кәрим, Пејғәмбәр вә Мәсум Имамлардан нәгл олунан һәдисләрдә һәзрәти Фатимәи Зәһранын (әлејһа сәлам) өзүнә хас бөјүк бир мәгамы вардыр. Елә бир мәгам ки, О Ханымы диҝәр Камил Инсанлардан фәргләндирир. Апардығымыз бу гыса арашдырмада вә јаздығымыз мәгаләдә биз һәзрәти Фатимәи Зәһранын (әлејһа сәлам) тәсәввүр едилмәз мәгам вә мәнзиләтинин садәҹә бир кичик һиссәсини охујуҹулара тәгдим едә билдик.

Һәзрәти Фатимәи Зәһра (әлејһа сәлам) Пејғәмбәрин (сәлләллаһу әлејһи вә алиһи вә сәлләм) гызы, Имам Әлинин (әлејһи сәлам) һәјат јолдашы, Аллаһ Рәсулунун (сәлләллаһуәлејһи вә алиһи вә сәлләм) јанында ән севимли инсан вә онун ҹиҝәрпарәси, ҝөзүнүн нуру вә һувијјәтинин бир парчасыдыр.

Фатимәи Зәһра (әлејһа сәлам) һәмин шәсдир ки, һәзрәти Пејғәмбәрин бујурдуғуна әсасән Аллаһ Тәаланын разылығы вә гәзәби һәзрәт Фатимәи Зәһранын разылығы вә гәзәбиндәдир. (Усдул Ғабә, ҹилд 7, сәһ. 216 – 219. Әл Исабә, ҹилд 8, сәһ. 262 - 266)

Тәфсир алимләри Гурани Кәримдә олан бир чох ајә вә сурәләри һәзрәт Фатимәи Зәһранын (әлејһа сәлам) мәгам вә мәнзиләти һагда назил олдуғуну вурғулајыблар. Онлардан бәзиләринә ишарә едирик:

1-Зил Гурба ајәси: Ханым Фатимәи Зәһра (әлејһа сәлам) Гурани Кәримдә “Зил Гурба” үнваны илә хитаб олунур. Бу сәбәбдән дә, һәзрәт Рәсулләллаһ (сәлләллаһу әлејһи вә алиһи вә сәлләм) Исра сүрәсинин 26-ҹы ајәси “Вә ати Зил Гурба һәггәһу...” јәни: “Јахын гоһмларынын һаггыны онлара гајтар” олан һөкмү назил олдугда гызы Ханым Фатимәни (әлејһа сәлам) чағырды вә Фәдәк Бағларыны һәзрәти Фатимәјә (әлејһа сәлам) һәдијјә олараг бағышлады (Мәҹмәул Бәјан, ҹилд 5 – 6, сәһ. 634. әл Дуррул Мәнсур, ҹилд 5, сәһ. 273). Һәзрәт Пејғәмбәр буи иши илә Аллаһ Тәаланын һөкм бујурдуғу тапшырығы башла- ҹанла јеринә јетирди. Зил Гурбанын- јахын гоһумларынын мадди вә мәнәви һүгугларыны онлара гајтарды. Әһли Сүнни вә Шиә мәктәбләриндән нәгл олунан рәвајәтләрә ҝөрә, һәзрт Һагг Тәбарәку Тәала Фәдәк бағларыны Мүсәлманларын јәһудиләрлә дөјүшдә һәзрәти Пејғәмбәрин ихтијарына кечиртди, Зил Гурба ајәси назил олдугда Аллаһын Елчиси бу ајәдәки (Јахын гоһумлар) –дан мәһз кимин гәсд едилдијини билмәди. Бу заман Аллаһ Тәала она вәһј етди ки, Фәдәк бағларыны Ханым Фатимәи Зәһраја (әлејһа сәлам) әта етсин. (Усул Кафи, ҹилд 1, сәһ. 543, һәдис 5. Нурус- Сиглејн, ҹилд 3, сәһ. 154, һәдис 158. әл Дуррул Мәнсур, ҹилд 5, сәһ. 273 – 274. Јәнабиул Мәввәддә, ҹилд 1, сәһ 138 вә 358 - 359). Һәр бир һалда Сүнни вә Шиә мәктәбләринин нәгл етдикләри һәдисләрә әсасән Гурани Кәримин Исра сүрәсинин 26-ҹы ајәсиндә кечән “Зил Гурба” кәлмәсиндән мәгсәд мәһз һәзрәти Сиддигәји Күбра, Фатимәи Зәһрадыр (әлејһа сәлам). Ејни заманда Рум сүрәсинин 38-ҹи ајәсиндә дә кечән “Зил Гурба” јәни Јахын гоһум кәлмәсиндән мәгсәд һәзрәт Имам Әли, Сиддигәји Күбра һәзрәти Фатмәи Зәһра, Имам Һәсән вә Имам Һүсејндир (әлејһимус сәлам). (әл Бурһан, ҹилд 4, сәһ 823, һәдис 23. Јәнабиул Мәввәдә ҹилд 1, сәһ. 315 вә ҹилд 2, сәһ. 120. Шәваһидул Тәнзил, ҹилд 2, сәһ. 189 – 197. Әл Мизан ҹилд 19, сәһ. 203)

2-Мәвәддәт Зил Гурба: Ислам Пејғәмбәри апардығы тәблиғатынын гаршылығы олараг инсанлардан һеч бир шеј истәмәмишдир. Лакин бунунла јанашы Пејғәмбәр (сәлләллаһу әлејһи вә алиһи вә сәлләм) Шура сүрәсинин 23-ҹү ајәсинә әсасән Аллаһ Тәала тәрәфиндән мәмур олур ки, инсанларын Камиллик дәрәҹәси олан Аллаһ Тәалаја бәндәликдә халис олмалары үчүн “Пејғәмбәрин Јахын Гоһумларына мәвәддәт вә мәһәббәт бәсләмәләрини” тәләб едир. Јухарыда гејд етдијимиз кими һәм Әһли Сүннә вә һәм дә Әһли Шиә алимләринин нәзәрләринә ҝөрә һәзрәт Пејғәмбәрин Јахын Гоһумларындан мәгсәд јалныз һәзрәти Фатимәи Зәһра, Имам Әли, Имам Һәсән вә Имам Һүсејндир (әлејһимус сәлам). Сәба сүрәсинин 47-ҹи ајәсиндә Аллаһ Тәбарәку Тәала инсанларын Әһли Бејтә (әлејһимус сәлам) мәһәббәт ҝөстәрмәли олмагларынын фајдасы јалныз вә јалныз онларын өзү үчүндүр. Чүнки бу мәвәддәт вә мәһәббәт даим Аллаһ Тәалаја едилән итаәт вә ибадәтләрин кәнарында олмалыдыр ки, инсанлар да Сирати Мустәгимдә- Аллаһын доғру јолунда гәрар тапараг бир баша Беһешти ә`лаја јетишә билсинләр, онларын шәфаәт олунмасы вә Мәсум инсанлара тәвәссүл едә билмәләри үчүн манеә јаранмасын.

3- Нисаун Нәбијј: Әрәб дилиндә “Ниса” кәлмәси гадын ҹинсини чатдырыр, “Нисаун Нәбијј” кәлмәси дә, илк бахышдан Пејғәмбәрин һәјат јолдашы вә гәзларына аид едилир. Амма бүтүн Әһли Сүннә Алимләри вә Әһли Шиә Үләмалары јекдилликлә вурғулајырлар ки, Али Имран сүрәсинин 61-ҹи ајәси олан “Мүбаһилә ајәси” назил олдугда Ислам Пејғәмбәри Нәҹран христианлары илә мүҹадиләјә јалныз гызы һәзрәти Фатимәи Зәһраны (әлејһа сәлам) өзү илә апармышдыр. Вә бу әмәли илә бүтүн бәшәријјәтә билдирмишдир ки, Нисаун Нәбијј дејилдикдә гадынлардан мәгсәд мәһз Ханым Фатимәи Зәһрадыр(әлејһа сәлам). Јалныз Ханым Фатимәдир (әлејһа сәлам) ки, белә бир шәнә лајигдир. (Мәҹмәул Бәјан, ҹилд 1- 2, сәһ. 762- 763. Руһул Мәани, ҹилд 3, ҹүз 3, сәһ. 301)

Даһа да тәҹүблүс бу ајәдә одур ки, һәзрәт Әмирәл Мөминин Әли (әлејһи сәлам) Пејғәмбәрин ејни өзү тимсалында мүәррифи олунур. Имам Һәсән вә Имам Һүсејн исә Ислам Пејғәмбәринин оғланлары танытдырылыр. Мүбаһилә һадисәсиндә јалныз “пәнҹ тән Али Әба” Пејғәмбәри мүшаијјәт едир вә Аллаһ Тәала Тәтһир, Исмәт ајәләрини дә бунлар һаггда назил етмишдир. (Нуру Сиглејн, ҹилд 1, сәһ 347- 349, һәдис 157- 158 вә 162- 163 вә 165- 166. Әл Дуррул Мәнсур, ҹилд 2, сәһ. 230- 233).

4- Исмәт: Алла Ҹәллә Ҹәлалуһ Әһзаб сүрәсинин 33-ҹү ајәсиндә Әһли Бејтин (әлејһимус сәлам) мүтләг шәкилдә пак вә мәсум олдугларыны инсанлара чатдырыр. Вә бүтүн Шиә вә Сүнни алимләринин јекдилликлә гәбул етдикләри мәсәләдә будур ки, һәзрәти Сиддигәји Таһирә, Ханым Фатимәи Зәһра (әлејһа сәлам) Әһли Бејтдән (әлејһимус сәлам) биридир. (Ҹамиул Бәјан, ҹилд 12, ҹүз 22, сәһ. 9. әл Тәһрир вә әл Тәнвир тәфсири, ҹилд 11, ҹүз 22, сәһ. 15)

5. Шәҹәрәи Тәјјибә: Аллаһ Ҹәллә Ҹәлалуһ Гуран Кәримин Ибраһим сүрәсинин 24-ҹү ајәсиндә Шәҹәрәи Тәјјибә” һагда сөз ачыр вә бујурур ки, бу ағаҹын көкү сабитдир шахәләри исә ҝөјә узаныб вә бу ағаҹ даим бәһрә вермәкдәдир. Бүтүн Сүнни вә Шиә үләмалары тәкидлә гејд едирләри ки, Ибраһим сүрәсинин 24-ҹү ајәси Ислам Пејғәмбәри вә Онун пак Әһли Бејтинә јәни һәзрәти Фатимәи Зәһра (әлејһа сәлам) вә Әмирил Мөминин Әлијә (әлејһи сәлам) вә өвладлары Имам Һәсәнә (әлејһи сәлам), Имам Һүсејнә (әлејһи сәлам) вә Имам Һүсејнин нәслиндән ҝәлән 9 Имамлара ки, Онларын сонунҹусу Имам Заман һәзрәтләридир (әлејһи сәлам) аид едилир. Гыраг һеч кимсә бу ајәјә шамил ола билмәз. Демәли һәзрәт Фатимәи Зәһра (әлејһа сәлам) бу Илһаи Тәјјиб Шәҹәрәнин бир үзвүдүр. (Мәҹмәул Бәјан, ҹилд 5 -6, сәһ. 480. Нури Сиглејн тәфсири, ҹилд 2, сәһ. 536, һәдис 58 вә 60)

Ејни заманда Имам Муһәммәд Багир (әлејһи сәлам) “Шәҹәрәтун тәјјибә” кәлмәсини Ислам Пејғәмбәри һәзрәт Муһәммәд Мустәфаја (сәлләллаһу әлејһи вә алиһи вә сәлләм) вә “Фәр`уһа” кәлмәсини һәзрәт Сиддигәји Күбра Ханым Фатимәи Зәһраја (әлејһа сәлам) тәфсир етмишдир. (Шәваһидул Тәнзил, Һаким Һәсәкани, ҹилд 1, сәһ. 406)

6- Мәрәҹәл Бәһрејн: Гурани Кәрими тәфсир едән алимләр әл Рәһман сүрәсинин 19-ҹу ајәси һагда нәзәрләри ејнидир. Алимләр һәдисләрә әсасән бу ајәни һәзрәт Фатимәи Зәһраја (әлејһа сәлам) аид олдуғуну гејд едирләр. Белә ки, ајәдә ҝәлән “бәһрејн” јәни ики дәниздән мәгсәд бири пејғәмбәрлик дәнизи јәни һәзрәт Пејғәмбәр диҝәри исә вилајәт дәнизи јәни Имам Әлидир. Вә бунларын икисини бирләшдирән исә, һәзрәти Фатимәи Зәһрадыр. (әл Дуррул Мәнсур, ҹилд 7, сәһ. 697. Нуру Сиглејн тәфсири, ҹилд 5, сәһ. 191- 192, һәдис 17 вә 21)

7- Һәл Әта: Чохлу мүтәватир (јәни һеч бир шәкк вә шүбһә олунмајан һәдис вә сәнәд бахымындан Гурани Кәримлә ејни олан рәвајәт) һәдисләрә ҝөрә, тәфсир алимләри Инсан сүрәсинин 5-ҹи ајәсиндән 22-ҹи ајәсинә гәдәр назил олан ајәләри Әһли Бејт (әлејһимус сәлам) һагда олдуғуну хүсусилә дә, һәзрәт Зәһра (әлејһа сәлам) барәдә ҝәлдијини вурғулајырлар. (Мәҹмәул Бәјан, ҹилд 9- 10, сәһ 611. әл Кәшшаф, ҹилд 4, сәһ 670. Нури Сиглејн тәфсири, ҹилд 5, сәһ 469- 477, һәдис 18 - 24)

Аллаһ Таала Инсан сүрәсиндә ҝөстәрмәк истәдији әсас мәсәлә “Әбрар” јәни јахшы инсанлары нүмунә олараг танытдырмаг, онларын һәјат тәрзләрини ҝөстәрмәк, Аллаһа неҹә итаәт етдикләрини вә Аллаһ Тәаланын да онлара бу ишләринин гаршылығында һансы мүкафатлар вердијини диҝәрләринә чатдырмагдыр. Бу сүрәдә әсасән Ханым Зәһра, Имам Әли, Имам Һәсән вә Имам Һүсејнин (әлејһимус сәлам) оруҹ тутдуглары бир һалда 3 ҝүн ардыҹыл олараг ифтар вахты хөрәкә еһтијаҹлары олдуғу бир һалда өз тәамларыны фәгирә, мискинә вә әсирә вердикләриндән сөһбәт ачылыр. Шиә вә Сүнни тәфсир алимләри һәдисләрә әсасланараг билдирирләр ки, Имам Һәсән вә Имам Һүсејн (әлејһимә сәлам) бәрк хәстәләнирләр. Имам Әли (әлејһи сәлам) илә Ханым Зәһра (әлејһа сәлам) ушагларынын сағалмасы үчүн оруҹ тутмағы нәзир едирләр. Вә ифтар заманы биринҹи ҝүн фәгир, икинҹи ҝүн мискин, үчүнҹү ҝүн исә әсир ҝәләрәк онлардан бир шеј јемәк истәјир. Ханым Зәһра (әлејһа сәлам), Имам Әли (әлејһи сәлам), вә ушаглары өзләри үч ҝүн јаван су ичәрәк гапыј аҝәлән шәхсләрә өз хөрәкләрини једиздирирләр. (Нури Сиглејн тәфсири, ҹилд 5, сәһ 469 – 474, һәдис 18- 24. әл Кәшшаф, ҹилд 4, сәһ 670. Мәҹмәул Бәјан ҹилд 9- 10, сәһ 611. әл Дуррул Мәнсур, ҹилд 8, сәһ 371)

Бу ајәләрдә әсас о гејд олунур ки, Ханым Фатимәи Зәһра (әлејһа сәлам) еһтијаҹы олан шәхсләрә јахшылыг едәркән онлардан һеч бир чохсағл вә тәшәккүр етмәләрини белә унмајыр.

8- Тәвәссүл етмәк үчүн Илаһи кәлмәләр: Алла Ҹәллә Ҹәлалуһ Гурани Кәримин Логман сүрәсинин 7 вә 27-ҹи ајәләриндә јаратдыгларыны “Кәлимат” кәлмәләр үнванында јад едир. Ејни заманда Али Имран сүрәсинин 45-ҹи ајәсиндә һәзрәт Мәрјәмин оғлу Иса (әлејһимә сәлам) Пејғәмбәри “Кәлимәтуллаһ” јәни Аллаһын Кәлмәси үнваны илә јад едир. Әһли Бејт (әлејһимә сәлам) һагда да ејнилә Аллаһ Тәала Гуранда онлары “Кәлимат” јәни кәлмәләр үнванында бизләрә танытдырыр. Амма Әһли Бејтин (әлејһимә сәлам) Илаһи Кәлмәләр олмасы диҝәрләринин дә Кәлимат олмасындан даһа да фәргли вә үстүндүр. Белә ки, мәһз һәзрәт Адәм Пејғәмбәр Аллаһ Тәала тәрәфиндән Илаһи Кәлмәләри мәнимсәдиркдән сонра Аллаһ Тәаланы о кәлмәләрә анд верәрәк төвбәси гәбул олунду. (Нури Сиглејн тәфсири, ҹилд 1, сәһ 67, һәдис 143 – 148. әл Дуррул Мәнсур, ҹилд 1, сәһ 147)

9- Инсанларын әмлакында һаггы олан кәс: Гурани Кәримин Әнфал сүрәсинин 41-ҹи ајәси, Рум сүрәсинин 38ҹи ајәси вә Исра сүрәсинин 26-ҹы ајәсинә әсасән Ханым Фатимәи Зәһра (әлејһа сәлам) Зил Гурба үнваны илә таытдырылыр. Буна ҝөрә дә, Зил Гурба олан һәзрәти Фатимәи Зәһранын (әлејһа сәлам) ҹамаатын әмлакларында хүсуси пајы вә һаггы вардыр. Елә бу сәбәбдән дә, һәзрәт Пејғәмбәр бу ајә назил олдугдан сонра әлә кечиртдији Фәдәк бағларыны һәзрәт Фатимәјә гајтарыр. (Усул Кафи, ҹилд 1, сәһ. 543, һәдис 5. Нурус- Сиглејн, ҹилд 3, сәһ. 154, һәдис 158. әл Дуррул Мәнсур, ҹилд 5, сәһ. 273 – 274. Јәнабиул Мәввәддә, ҹилд 1, сәһ 138 вә 358 - 359).

10- Аллаһын һүндүр еви: Аллаһ Ҹәллә Ҹәлалуһ Рум сүрәсинин 36-ҹы ајәсиндә бәзи евләр һагда сөһбәт ачыр ки, о евләр Аллаһын Тәаланын изнилә галдырылмышдыр. Вә һәмин евләрдә ҝеҹә-ҝүндүз Аллаһ тәсбиһ олунур вә тәсбиһ сәдалары ҝөјләрә уҹалыр. Бүтүн Сүнни вә Шиә алимләринин билдирдикләринә әсасән һәмин бу Ев Имам Әли (әлејһи сәлам) илә һәзрәт Фатимәи Зәһранын (әлејһа сәлам) евидир. (Нурус- Сиглејн, ҹилд 3, сәһ. 607, һәдис 181. әл Дуррул Мәнсур, ҹилд 6, сәһ. 203. Мәәҹмәул Бәјан, ҹилд 7- 8, сәһ 227).

11- Ихлас: Аллаһ Тәала Гурани кәримдә Ханым Фатимәи Зәһранын (әлејһа сәлам) ихласы һагда сөһбәт ачыр. Белә ки, Инсан сүрәсинин 8 вә 9-ҹу ајәсиндә Ханымын ихласлы олмасыны өјәрәк Онун һансы һәддә әзиз олдуғуну бизләрә чатдырыр. Бүтүн Ислам алимләри истәр Сүнни вә истәрсә дә, Шиә алимләринин нәзәри будур ки, гејд олунан сүрәнин ајәләриндән мәгсәд һәзрәт Әмирәл Мөминин вә Фатимәи Зәһрадыр (әлејһа сәлам). Чүнки онлар ихласла оруҹ тутуб ихласла да өз ифтарларыны фәгирә, мискинә вә әсирә һәдијјә етдиләр. (Нури Сиглејн тәфсири, ҹилд 5, сәһ 469 – 474, һәдис 18- 24. әл Кәшшаф, ҹилд 4, сәһ 670. МәҹмәулБәјанҹилд 9- 10, сәһ 611. әлДуррулМәнсур, ҹилд 8, сәһ 371)

12- Зикр Әһли вә инсанларын елми мәсәләләрдә мүраҹиәт етдикләри јер: Аллаһ Әззә вә Ҹәлл бүтүн инсанлары мәмур едиб ки, билмәдикләрини ҝедиб “Зикр” јәни Елм әһлиндән өјрәнсинләр. Онлара Зикр әһли демәси дә, мәһз онларын даим Аллаһ Тәбараку Тәаланы јад едиб Онун зикрилә мәшғул олмаларыдыр. Бу сәбәбдән дә Аллаһ Тәала инсанлары бүтүн дини вә дүнјәви ишләриндә гејд олунан Зикр әһлинә ҝедиб мүраҹиәт етмәләрини тапшырыг верир. Бәс ҝөрәсән бу Зикр әһли кимләрдир? Сүнни вә Шиә мәнбәләриндә гејд олунан чохлу һәдисләрә әсасән Зикр әһли мәһз Ислам Пејғәмбәринин пак вә мәсум Әһли Бејти (әлејһимус сәлам) хүсусилә дә, Ханым Фатимәи Зәһрадыр (әлејһа сәлам) Елә буна ҝөрә дә, Ханым Зәһра (әлејһа сәлам) инсанлар арасында елм дәрјасы кими танынар вә мүхтәлиф елми мәсәләләрдә онун һүзуруна ҝәләр вә онун елминдән бәһрәләнәрдиләр. (Шәваһидул Тәнзил, Һаким Һәсәкани, ҹилд 1, сәһ. 423 вә 437. Нури Сиглејн тәфсири, ҹилд 3, сәһ 55 – 59, һәдис 87- 103)

13- Хејрул Бәријјә: Аллаһ Ҹәллә Ҹәлалуһ Гурани Кәримин Бәјјинә сүрәсинин 7-ҹи ајәсиндә Ханым Фатимәи Зәһраны (әлејһа сәлам) өз јаратдыглары сырасында ән үстүн вә ән јахшы мәхлуг кими танытдырыр. Бу мәсәлә бүтүн Шиә Сүнни мәнбәләриндә дә, өзүнү доғрулдуб. Белә ки, алимләр ајәдә кечән “Хејрул Бәријјә” титулуну јалныз Имам Әли (әлејһи сәлам) вә онун Шиәләринә аид олдуғуну вурғулајырлар. Һеч кимә дә ҝизли дејил ки, һәзрәт Зәһра (әлејһа сәлам) Имам Әлинин(әлејһи сәлам) илк вә ән үстүн Шиәси олмуш ејни заманда да Имамәт мәгамынын гәсб едилмәмәси уғрунда мүбаризә апарараг бу јолда Шәһид олан илк шәхсдир. (Ҹамиул Бәјан ҹилд 15, ҹүз 30, сәһ 335. әл Дуррул Мәнсур, ҹилд 8, сәһ 589. Шәваһидул Тәнзил, Һаким Һәсәкани, ҹилд 2, сәһ. 465)

 

 

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди

Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди