Әҝәр Фатимә Олмасајды Еј Муһәммәд Сәни вә Каинаты Јаратмаздым! – Аллаһ Таала

АБНА Фатимәи Зәһранын(ә) мөвлүд мүнасибәти илә тәбрик едир! Һз. Зәһранын(ә) ән чох севдији үч әмәл һансыдыр?

  • Хәбәрин коду : 818597
  • Мәнбә : Маиде
Хүласә

Һәзрәт Фатимәи Зәһра (сәламуллаһи әлејһа): Сизин дүнјаныздан үч әмәл мәним үчүн севимлидир: 1. Аллаһын китабы Гурани-Кәрими тилавәт етмәк; 2. Аллаһ Рәсулунун үзүнә тамаша етмәк; 3. Аллаһ јолунда инфаг етмәк (хәрҹ чәкмәк).” (“Нәһҹүл-һәјат”, сәһ.164.)

Әһли Бејт (әлејһимус-сәлам) - АБНА – Хәбәр Аҝентлији: Әҝәр инсан сәадәт вә хошбәхтлик јолунда аддымламаг истәјирсә, нүмунәви инсанларын һәјат тәрзи, рәфтарлары вә кәламларыны өзүнә өрнәк билмәли вә һәјатында ҝерчәкләшдирмәлидир. Һәмин нүмунәви инсанлардан бири дә Пејғәмбәри-Әкрәмин (сәлләллаһу әлејһи вә алиһ) севимли гызы, ханымлар ханымы вә аналар анасы һәзрәт Фатимеји-Зәһрадыр (сәламуллаһи әлејһа). Бир ханым ки, бәшәријјәтә һәртәрәфли өрнәк вә нүмунәдр.

О ханымын (сәламуллаһи әлејһа) доғум ҝүнү Ҹәмадиус-сани ајынын 20-и, јәни Мартын 19-на тәсадүф едир. Елә бу мүнасибәтлә Әһли-бејт (әлејһимус сәлам) тәрәфдарларыны тәбрик едирик вә бу фүрсәтдән истифадә едәрәк, ханым Фатимеји-Зәһранын (сәламуллаһи әлејһа) дәјәрли кәламларындан бирини диггәтинизә чатдырырыг. Үмид едирик ки, Әһли-бејтин (әлејһимус сәлам) кәлам вә ҝөстәришләринә әмәл етмәклә һәјатымызын уғур вә мүвәффәгијјәтини ҝүнбәҝүн даһа да артыраҹағыг!

Ханым Фатимеји-Зәһра (сәламуллаһи әлејһа) бир һәдисдә бујурур:

حُبِّبَ إلَىَّ من دُنیاكُم ثَلاثٌ: تِلاوَةُ كِتابِ اللّه ِ و النَّظَرُ فی وَجهِ رَسولِ اللّه ِ و الإنفاقُ فی سَبیلِ اللّه

“Сизин дүнјаныздан үч әмәл мәним үчүн севимлидир: 1. Аллаһын китабы Гурани-Кәрими тилавәт етмәк; 2. Аллаһ Рәсулунун үзүнә тамаша етмәк; 3. Аллаһ јолунда инфаг етмәк (хәрҹ чәкмәк).” (“Нәһҹүл-һәјат”, сәһ.164.)

Нә јахшы олар ки, биз дә ханым Фатимеји-Зәһранын (с.ә.) ән чох севдији бу үч әмәлә рәғбәт бәсләјәк вә она әмәл етмәклә һәјатымызы илаһи рәнҝә бојајаг!

1. ГУРАНИ-КӘРИМИ ТИЛАВӘТ ЕТМӘК:

Тәәссүфләр олсун ки, мүсәлман ҹамиәси Гурани-Кәримә диггәтсиз, етинасыз јанашыр. Заһирдә Гурани-Кәрими бәрли-бәзәкли чап етсәләр дә, тилавәт вә әмәлдә сүстлүк ҝөстәрир, онун руһу вә һәгигәтиндән узагдырлар. Бир һалда ки, Аллаһ-Таала “Јунис” сурәсинин 57-58-ҹи ајәләриндә Гуран һагда белә бујурур:

یَا أَیُّهَا النَّاسُ قَدْ جَاءَتْکُمْ مَوْعِظَةٌ مِنْ رَبِّکُمْ وَشِفَاءٌ لِمَا فِی الصُّدُورِ وَهُدًى وَرَحْمَةٌ لِلْمُؤْمِنِینَ. قُلْ بِفَضْلِ اللَّهِ وَبِرَحْمَتِهِ فَبِذَلِکَ فَلْیَفْرَحُوا هُوَ خَیْرٌ مِمَّا یَجْمَعُونَ

“(Еј инсанлар!) Сизә Рәббиниздән бир өјүд-нәсиһәт, синәләрдә олана (ҹәһаләт, азғынлыг, күфр, шәкк-шүбһә вә нифага) бир шәфа, мөминләрә һидајәт вә мәрһәмәт (Гуран) ҝәлмишдир! (Ја Рәсулум!) Де: “Аллаһын фәзли вә мәрһәмәти илә – анҹаг онунла севинсинләр. Бу онларын јығдыгларындан даһа хејирлидир!”

Сөзсүз ки, бәндә илә Халиги арасында ән јахшы мунис Гурани-Кәрими тилавәт етмәк вә охумагдыр. Гурани-Кәримин бизә әрмәған ҝәтирдији башга бир имтијаз нур вә бәрәкәтдир. Рәвајәтдә бујурулур ки, евләринизи Гуран тилавәти илә ишыгландырын; Гуранын тилавәт олундуғу евин хејир-бәрәкәти артар...! (“Үсули-кафи”, 2-ҹи ҹилд, сәһ.610.)

Бунларла јанашы, дини мәтнләримиздә Гурани-Кәрими тилавәт етмәјин диҝәр дүнја вә ахирәт тәсирләри вә фајдалары һагда чох данышылмышдыр. О ҹүмләдән: иманын артмасы, гәлбин сафлығы, ҝүнаһларын бағышланмасы, руһи-психоложи хәстәликләрин дәрманы, гәм-гүссәнин арадан галхмасы, ҝөзүн ишыгланмасы, тәнһалыг заманы мунис, бәрәкәтли өмүр, дуаларын гәбул олунмасы, беһиштин јүксәк мәртәбәсиндә гәрар тутмаг, ата-ананын гәбир әзабынын арадан галдырылмасы вә с.

2. АЛЛАҺЫН РӘСУЛУНУН ҮЗҮНӘ БАХМАГ:

Ханим Фатимеји-Зәһранын (с.ә.) бизим дүнјамыздан бәјәниб сечдији икинҹи әмәл Аллаһ Рәсулунун (с) үзүнә бахмагдыр вә бунун бир нечә сәбәби вар: Биринҹи сәбәб одур ки, Аллаһ Рәсулу (с) онун атасыдыр вә атанын үзүнә мәһәббәт ҝөзү илә бахмаг ибадәтдир. Икинҹиси, Аллаһ Рәсулу (с) бөјүк алимдир вә алимин үзүнә бахмаг ибадәтдир. Үчүнҹүсү исә, о һәзрәт Аллаһын рәсулу вә пејғәмбәридир.

Биз јашадығымыз заманда Аллаһ Рәсулунун (с) һүзурундан мәһрум олдуғумуздан, аталарымыза мәһәббәт ҝөзү илә бахмаг вә она јахшылыг етмәк фүрсәтини әлдән вермәјәк!

3. АЛЛАҺ ЈОЛУНДА ИНФАГ:

“Инфаг”, јәни инсанын өз ихтијарында олдуғундан башгаларына әта етмәк вә бағышламаг. Бу исә һәм елм ола биләр, һәм дә мал-дөвләт вә һәтта башгаларына севҝи вә онларын дәрдинә шәрик олмаг. Аллаһ-Таала Гурани-Кәримдә инфагын әһәмијјәт вә дәјәрини бәјан етмәк үчүн ону намазла јанашы гејд едир. “Елә бир әмәл вар ки, онун васитәсилә бир чох јахшылыглар әлдә олунсун?” – суалы һагда дүшүнән инсан онун ҹавабыны “Али-Имран” сурәсинин 92-ҹи ајәсиндә тапа биләр. Һәмин ајәдә бујурулур: 

لَن تَنَالُواْ الْبِرَّ حَتَّى تُنفِقُواْ مِمَّا تُحِبُّونَ وَمَا تُنفِقُواْ مِن شَيْءٍ فَإِنَّ اللّهَ بِهِ عَلِيمٌ

“Севдијиниз шејләрдән (һагг јолунда) сәрф етмәјинҹә саваба чатмарсыныз. Шүбһәсиз ки, Аллаһ (Онун јолунда) хәрҹләдијиниз һәр бир шеји биләндир!”

Мөһтәрәм охуҹулар! Артыг Новруз бајрамы әрәфәсиндәјик. Новруз ҝүнләриндә тәбиәт дәјишилиб чичәкләндији кими, биз дә өзүмүздә дәјишиклик јарадаг, руһумузу вә мәнәвијјатымызы дәјишәк, чичәкләндирәк. Нәфси истәкләримиз уғрунда дејил, Аллаһа хатир иш ҝөрәк! Бу ҝүнләрдә Аллаһдан белә истәјәк:

Ја мугәллибәл-гулуби вәл-әбсар,

Ја мудәббирәл-ләјли вән-нәһар,

Ја муһәввиләл-һәвли вәл-әһвал,

Һәввил һаләна ила әһсәнил-һал!

“Еј гәлбләри вә ҝөзләри дәјишән! Еј ҝеҹә вә ҝүндүзү идарә едән! Еј или вә һаллары дәјишән! Бизим һалымызы ән ҝөзәл һалла дәјиш!” Амин!

Рза Шүкүрлү

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди

Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди