Иран Ислам Республикасы

Һәсән Руһани: Мјанмар һөкумәти вә ордусуна тәзјигләр артырылмалыдыр

"Ислам дүнјасы Мјанмарда баш верән ҹинајәтләрин гаршысында сәссиз дура билмәз"

  • Хәбәрин коду : 853298
  • Мәнбә : ИИР Күтләви Информасија Хидмәтләри
Хүласә

Һәсән Руһани: "Бу ҝүн Мјанмада бөјүк инсани фаҹиә, дини вә ирги тәмизләмә һәјата кечирилир. Јүзләрлә мүсәлман өз евләриндән дидәрҝин дүшүб...”

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ислам Әмәкдашлыг Тәшкилатына үзв өлкәләрин рәһбәрләринин Газахыстанда кечириләҹәк топлантысында иштирак етмәк үчүн бу өлкәјә сәфәр едән Иран Ислам Республикасынын Президенти Һәсән Руһани ҹәнаблары сәфәрдән өнҹә журналистләрә ачыгламасында билдириб ки, Астанада кечириләҹәк иҹлас чәрчивәсиндә ИӘТ-ә үзв өлкәләрин рәһбәрләринин Мјанмардакы вәзијјәти мүзакирә етмәк үчүн ҝөрүшү баш тутаҹаг: "Бу ҝүн Мјанмада бөјүк инсани фаҹиә, дини вә ирги тәмизләмә һәјата кечирилир. Јүзләрлә мүсәлман өз евләриндән дидәрҝин дүшүб. Ислам дүнјасы бу ҹинајәтләрин гаршысында сәссиз дура билмәз".

Һ.Руһани Мјанмарда баш верән ҹинајәтләрә ҝөрә бејнәлхалг гурумларын сүкутуну тәнгид едиб: "Мјанмар һөкумәти вә ордусуна тәзјигләр артырылмалыдыр. Бејнәлхалг тәшкилатлар даһа актив олмалыдырлар. Бу өлкәнин гоншулары, о ҹүмләдән Чин вә Бангладеш гачгынлара јардым мәсәләсиндә әмәкдашлыг етмәлидир".

Һ.Руһани дејиб ки, Астанада кечириләҹәк иҹласда ИӘТ өлкәләри рәһбәрләри әсасән елм вә технолоҝијалар мөвзусунда мүзакирәләр апараҹаглар: "Јохсуллуг, ишсизлик, әрзаг чатышмазлығы, еколоҝија, су вә енерҝетика проблемләрини елм вә технолоҝијаларын сајәсиндә һәлл етмәк мүмкүндүр”.

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Arba'een
Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди