Гәза Баш Верди

Теһран-Јасуҹ сәрнишин тәјјарәси сүгут етди

Сәрнишинләр арасында сағ галан јохдур

Теһран-Јасуҹ сәрнишин тәјјарәси сүгут етди

Мүртәза Сәлими: "ИИР Гырмызы Апара Ҹәмијјәтинин хиласетмә тәшкилатынын һеликоптерләри дә там һазыр вәзијјәтә ҝәтирилибләр. Амма, тәәссүфләр олсун ки, һава шәраитинә ҝөрә, учуш имканы јохдур. Сәмиром мәнтәгәси гарла өртүлдүјү үчүн кечилмәз олуб."

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, "Асеман" һава јоллары ширкәтинә аид АТР типли бир сәрнишин тәјјарәси бу ҝүн сәһәр јерли вахтла саат 08:00 радәләриндә Теһран һава лиманындан Јасуҹ истигамәтиндә һаваја галхдыгдан 20 дәгигә сонра Сәмиром мәнтәгәсиндә, Дена дағлыг әразисиндә сүгут едиб.

ИИР Гырмызы Ајпара Ҹәмијјәтинин хиласетмә тәшкилатынын мүдири Мүртәза Сәлими дејиб: Коһкилуји вә Бујирәһмәд, Чаһармаһал вә Бәхтијары вә Исфаһан әјаләтләриндән 20 әмәлијјат групу һадисә јеринә ҝөндәрилиб.

Сәлиминин дедијинә ҝөрә, ИИР Гырмызы Апара Ҹәмијјәтинин хиласетмә тәшкилатынын һеликоптерләри дә там һазыр вәзијјәтә ҝәтирилибләр. Амма, тәәссүфләр олсун ки, һава шәраитинә ҝөрә, учуш имканы јохдур.

Сәмиром мәнтәгәси гарла өртүлдүјү үчүн кечилмәз олуб.

Өлкәнин Тәҹили Јардым Хидмәтинин рәһбәри Пирһүсејн Куливәнд дә дејиб: Тәјјарәдә олан 66 сәрнишинин һамысы һәлак олуб.

Иран Ислам Республикасы президенти Һәсән Руһани јол вә шәһәрсалма назири Аббас Ахундијә тәјјарә гәзасынын арашдырылмасы үчүн гәрарҝаһ тәшкил етмәси барәдә ҝөстәриш вериб.

Ән сон мәлуматлара ҝөрә, тәјјарәнин галыгларыны тапмаг үчүн һавадан вә гурудан һәјата кечирилән ахтарышлар индијә кими нәтиҹәсиз галыб вә һәр бири 5 алпнистдән ибарәт олан 2 ахтарыш групу тәјјарәнин галыгларыны тапмаг үчүн Дена дағына ҝөндәрилиб



Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Arba'een
Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди