Илаһи Инҹиләрин Нүур Сил-Силәси

Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти

  • Хәбәрин коду : 851541
  • Мәнбә : Sahar TV
Хүласә

Ҝүнүмүздә бир тәрәфдән материализмин модерн васитәләрлә күтләләри алдадыб мәһвә сүрүкләдији, диҝәр тәрәфдән исә империализм ҹәбһәсинин мүсәлманлар арасында тәфригә салараг саваш јаратмаг үзрә сијасәтләри ислам өлкәләрини де-стабиллик вә ихтилафларла долу дәһшәтли бир мәкана чевирмәкдәдир.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Үмүдүнја Мүсәлманларынын Али Лидери, Ислам Ингилабынын Бөјүк Рәһбәри һәзрәт Ајәтуллаһүлүзма Сејјид Әли Хаменеи Һиҹри Гәмәри тарихи илә 1438-ҹи ил, Милади тарихи илә, 2017-ҹи илин Һәҹҹ мәрасими мүнасибәтилә Ислам Дүнјасына мүраҹиәт едиб.

Мүраҹиәтин там мәтнин сајтымызын һөрмәтли зијарәтчиләринә тәгдим едирик:

 

 

Бисмиллаһир-рәһманир-рәһим

Аллаһ-таалаја шүкүр олсун; Пејғәмбәрләрин сонунҹусу Һәзрәт Мәһәммәд (с.ә.с) вә пак мәсумлара Аллаһын саламы олсун.

Һәҹҹ мәрасиминә гатылмаг сәадәтини бу ил дә дүнјанын мүхтәлиф мәканларына аид бир чох мөминә нәсиб едән, онларын бу фејзли мәнбәдән фајдаланмаларыны, бу мүгәддәс ҝүн вә ҝеҹәләрдә һәр бир сааты гәнимәт һесаб олунан, мөҹүзәви шәкилдә көнүлләри дәјишдирән, руһлары зинәтләндирән, Аллаһын әзәмәтли еви әтрафында ағыллы вә сајыг шәкилдә ибадәт вә зикрлә мәшғул олмаларына шәраит јарадан Аллаһ-таалаја шүкүр олсун.

Һәҹҹ чохлу сирләрә саһиб бир ибадәтдир; Аллаһ Евиндә илаһи бәрәкәтләрлә долу вә Аллаһ-тааланын ајә вә дәлилләрини еһтива едән бир мәкандыр. Һәҹҹ мөмин, мәнтиг вә ағыла саһиб бир бәндәни мәнәви дәјәрләрә наил едән, ону бөјүк вә нурлу бир инсана, бәсирәт вә ҹәсарәт саһибинә, һәтта ҹиһад әһлинин бир нүмунәсинә чевирә биләҹәк ҝүҹә маликдир. Бу ваҹиб әмәлин сијаси, мәнәви аспекти иҹтимаи истигамәти илә чох ачыг, долғун вә бәнзәрсиз бир формаја саһибдир. Мүсәлман топлуларын бу ҝүн һәҹҹин һәр ики аспектинә еһтијаҹы вардыр.

Ҝүнүмүздә бир тәрәфдән материализмин модерн васитәләрлә күтләләри алдадыб мәһвә сүрүкләдији, диҝәр тәрәфдән исә империализм ҹәбһәсинин мүсәлманлар арасында тәфригә салараг саваш јаратмаг үзрә сијасәтләри ислам өлкәләрини де-стабиллик вә ихтилафларла долу дәһшәтли бир мәкана чевирмәкдәдир.

Һәҹҹ ислам үммәтинин башына ҝәлән һәр ики бөјүк бәлаја шәфа ола биләҹәк әлаҹы тәгдим едә биләр. Һәм үрәкләри бу писликләрдән тәмизләјәрәк тәгва нуру вә мәрифәтлә ишыгландыра, һәм дә ҝөзләрин ислам дүнјасынын аҹы ҝерчәкләрини ҝөрмәсинә, ирадәләри мүбаризә үчүн билмәсинә, аддымларын даһа ҝүҹлү атылмасына, әлләр вә дүшүнҹәләрин ҝәрәкли һәрәкәтләри јеринә јетирмәси үчүн әсас ола биләр.

Ҝүнүмүздә ислам дүнјасы там бир де-стабиллик ичәрисиндәдир. Әхлаги, мәнәви вә сијаси де-стабиллик. Бунун әсас фактору, гәфләт вә дүшмәнләрин рәһм етмәдән һүҹум етмәсидир. Бизләр дүшмәнин һүҹуму гаршысында дини вә мәнтиги вәзифәмизи јеринә јетирмәдик. Һәм “кафирләр гаршысында сәрт” һәм дә “өз арамызда мәрһәмәтли” давранмағымызы унутдуг. Бунун нәтиҹәсиндә сионист дүшмән ислам дүнјасы ҹоғрафијасынын үрәјиндә мәкрли планларыны јүрүтдү вә бизләр Фәләстинин хилас едилмәси кими әсас вәзифәмиздә гәфләтә дүшдүк. Сурија, Ираг, Јәмән, Ливија вә Бәһрејндә дахили мүһарибә, Әфганыстан, Пакистан вә диҝәр охшар бөлҝәләрдә терроризмлә мүбаризәјә јөнәлдилдик.

Ислам өлкәләринин дөвләт башчылары илә ислам дүнјасындакы сијаси, мәдәни вә дини тәмсилчиләрин чијинләриндә ағыр вәзифәләр вардыр. Бирлијә шәраит јаратмаг, күтләләри етнос вә дини чәкишмәләрдән узаг сахламаг, халглары империализм вә сионизмин хәјанәтләри вә дүшмәнчиликләри гаршысында мәлуматландырмаг, күтләләрин ағыр вә јумшаг мүһарибәнин мүхтәлиф ҹәһәтләриндә дүшмәнә гаршы чыха билмәси үчүн ҝәрәкли шәраити јаратмаг, ҝүнүмүздә дүнјанын мүхтәлиф јерләриндә гәм-кәдәрә вә етираза сәбәб олан Јәмән вә охшар өлкәләрдә аҹы өрнәкләри олан ислам өлкәләриндә давам едән фаҹиәләри дәрһал дајандырмаг, Мјанмада вә бир чох јердә мәзлум мүсәлман азлыглары ҹидди шәкилдә мүдафиә етмәк вә даһа өнәмлиси, Фәләстини мүдафиә етмәк вә 70 илә јахындыр ишғала мәруз галан өлкәләр үчүн мүбаризә апаран бир халгла һәмрәј олмагла гејд-шәртсиз бирлијә өнәм вермәк.

Бу ағыр вәзифәләр һамымызын чијниндәдир. Халглар, бу вәзифәләри өлкәләриндәки һөкумәтләрдән тәләб етмәли, мүхтәлиф күтләләрин тәмсилчиләри дә јорулмаз ирадә вә халис нијјәтлә бу амалын реаллашмасы үчүн чалышмалыдырлар. Бу аддымлар Аллаһ динин мүтләг гәләбәсини мүждәләјән аддымлардыр вә һеч шүбһәсиз, илаһи вәд Аллаһын гәләбәсинин гисмәт олмасына шәраит јарадаҹаг.

Гејд олунан бу аддымлар һәҹҹин тәгдим етдији дәрсләрин бәзисидир вә бу дәрсләрин дүзҝүн дәрк олунмасы вә јеринә јетирилмәси үмид едилир.

Аллаһ-тааладан һамынызын һәҹҹ әмәлләринизин гәбул олунмасыны диләјир, Мина вә Мәсҹидүл-Һарам шәһидләрини аныр, онлара јүксәк дәрәҹәләри арзулајырам.

Вәссәламу-әлејкүм вә рәһмәтуллаһи вә бәрәкатуһ

 

 

Сејјид Әли Хаменеи

31 август 2017 / 9 зилһәҹҹә 1438

 

Диггәт: Хәбәрдәнистифадәетдикдәмәнбәјәистинадлазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди

Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди