Иран Ислам Республикасы

ИИР-да Шәһид Вагиф Абдуллајев вә Гарабағ шәһидләринин хатирәси анылыб - Фото

Гум шәһәриндә кечирилән аным тәдбириндә Исламчы мәһбусларла һәмрәјлик бәјанаты сәсләндирилиб.

  • Хәбәрин коду : 842537
  • Мәнбә : Нур-Аз
Имамзадә Шаһ Сејид Әли мәгбәрә комплексинин иҹлас салонунда кечирилән тәдбирдә Ајәтуллаһ Рамазани чыхыш едиб. О, дүнјада вә Азәрбајҹандакы иҹтимаи-сијаси дурумдан данышыб, Һиҹаб Шәһиди Вагиф Абдуллајев вә Гарабағ шәһидләринә Аллаһдан рәһмәт диләјиб. Ејни заманда хариҹи гүввәләрин, Азәрбајҹан халгынын бәдхаһларынын тәзјиги илә Азәрбајҹан Республикасында дини ҹамеәјә гаршы басгылары да писләјиб.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, 15 ијул 2017-ҹи ил тарихиндә Мүгәддәс Гум шәһәриндә Нур Мәдәнијјәт Мәркәзинин тәшәббүсү илә азәрбајҹансевәрләр бир араја ҝәлиб. Азәрбајҹан Республикасынын Ислам вә һиҹаб јолунда, Гарабағ уғрунда шәһадәтә чатмыш гәһрәман инсанлары јада салыныб, Исламчы мәһбусларла һәмрәјлик бәјанты сәсләниб.

Тәдбир Имамзадә Шаһ Сејид Әли мәгбәрә комплексинин иҹлас салонунда кечирилиб. Мәрасимдә Ајәтуллаһ Рамазани чыхыш едиб. Танынмыш дин алими дүнјада вә Азәрбајҹандакы иҹтимаи-сијаси дурумдан данышыб, Һиҹаб Шәһиди кими танынан Вагиф Абдуллајеви јада салыб, Гарабағ шәһидләринә Аллаһдан рәһмәт диләјиб. Натиг хариҹи гүввәләрин, Азәрбајҹан халгынын бәдхаһларынын тәзјиги илә Азәрбајҹан Республикасында дини ҹамеәјә гаршы басгылары писләјиб, мүсәлман бир халгын хошбәхтлијинин дини дәјәрләрә бағлылыгла шәртләндијини вурғулајыб.

Тәдбирдә Әһли-бејт мәддаһы Шалбафан да иштирак едиб. Ҹәнаб Шалбафан өз чыхышы илә шәһид вә мәһбус аиләләри илә һәмдәрдлик фәзасы јарадыб.
Тәдбирә јүзләрлә азәрбајҹансевәр топланыб. Мәҹлисин гонаглары арасында Алманијадан һаҹы Сәфәр Улус да иштирак едиб. Гонаглар да Азәрбајҹан мүсәлманлары илә һәмдәрд олдугларыны ифадә едиб.

Мәрасим ҹәмијјәт намазы илә давам едиб, намаздан сонра еһсан сүфрәси ачылыб.

Гејд едәк ки, Ислам Партијасынын сахта иттиһамларла 11 ил азадлыгдан мәһрум едилмиш сәдр мүавини һаҹы Вагиф Абдуллајев 12 ијул 2012-ҹи илдә һәбсханада шәһадәтә чатыб.

Гарабағ мүһарибәсиндә 1991-1994-ҹү илләрдә дөјүш әмәлијјатларында 11557 Азәрбајҹан һәрбчиси шәһид олуб вә иткиләр бу ҝүн дә давам едир.
Азәрбајҹанда Сијаси мәһбусларын ваһид сијаһысында 147 мәһбусдан 97 нәфәри инанҹлыдыр. Бу сијаһы тәртиб едиләндән сонра да һәбс едилән диндарлар вар.

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

پیام امام خامنه ای به مسلمانان جهان به مناسبت حج 2016