“Инна лиллаһ вә инна иләјһи раҹиун”

Дүнјасыны дәјишмиш Ајәтуллаһ Әһмәд Сабири Һәмәданинин һәјатына бир бахыш

  • Хәбәрин коду : 830083
  • Мәнбә : @Фатимијјеһејати
Хүласә

Мәрһум Ајәтуллаһ Әһмәд Сабири Һәмәдани тәһсил алдығы илләриндә дәрс дә демиш, Һәмәдан вә Гум елми һөзәсиндә “Мүгәддимат” - “Сәтһ” дәрсләрини тәдрис етмиш чох сајда шаҝирдләр јетишдирмишдир. Мәрһум 31 үнван китабын мүәллифидир. Јаздығы китабларын әксәријјәти бир чох дилләрә о ҹүмләдән рус вә Азәрбајҹан дилләринә тәрҹүмә едилмишдир. Мүхтәлиф дилләрдә олдугҹа чох мәгаләләри гәзет вә журналларда чап олмушдир. Һәмчинин әрәб вә фарс дилләриндә шерләр јазмышдыр.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, 13 мај 2017-ҹи ил Ислам Дүнјасы үчүн јадларда һүзүнлә долу ҝүн кими галды. Ајәтуллаһ Әһмәд Сабири Һәмәдани дүнјасыны дәјишди (1923 - 13 мај 2017)...

Биз АБНА олараг Ислам Дүнјасына, хүсусилә дә, Азәрбајҹан Республикасына әвәзсиз јардым вә көмәклији олмуш Ајәтуллаһ Әһмәд Сабири Һәмәдани ҹәнабларынын фани дүнјаја ҝөз јумараг Пәрвәрдиҝарына тәрәф дөнүшүнү Имам Заман һәзрәтләринә, Али Рәһбәр Ајәтуллаһ Хаменеијә, Али Тәглид Мәрҹәләринә вә ислам Дүнјасына баш сағлығы әрз едирик!

 

Мәрһум алимин һәјат вә фәалијјәтинә гыса бир нәзәр

1923-ҹү ил Һәмәдан шәһәринин Бөјүкабад кәнди, Пејғәмбәр (с) вә Әһли-бејтини (ә)  севәр диндар аиләдә дүнјаја ҝөз ачмышдыр.

•Ибтидаи тәһсилини мәктәбханада башламыш вә 1940-ҹы илдә тәһсилини давам етмәк үчүн Һәмәдан дини елми һөвзәсинә јола дүшүб тәһсилинә давам етмишдир. Мүгәддимә вә бир сира “сәтһ” дәрсләрини орада баша вурандан сонра тәһсилинин давамы үчүн Мәшһәд елми һөвзәсинә сонра да Гум елми һөвзәсинә мүраҹиәт едир.

  • 1946-ҹы илдә Гум елми һөвзәсинә дахил олур. фигһ, үсул, тәфсир, фәлсәфә, үрфан дәрсләрини баша вурур.

 

Мүәллим вә достлары

Тәһсил илләриндә бир чох устадлардан бәһрәләнмишдир. Мәшһәддә бир мүддәт мәрһум Һаҹ Сејид Һашим Гәзвини (рәһ.) сонра Гум шәһәриндә мүхтәлиф илләрдә Ајәтуллаһ Султани Тәбәтәбаи (рәһ.) Ајәтуллаһул-үзма Бруҹерди (рәһ.), Ајәтуллаһул-үзма Имам Хомејни (рәһ.), Ајәтуллаһул-үзма Ҝүлпајагани (рәһ.) вә Ајәтуллаһул-үзма Мүһәггиг Дамад (рәһ.) дәрс алмышдыр. О диггәт едиләҹәк һәддә Ајәтуллаһул-үзма Һаҹ Сејид Әһмәд Хонсаридән (рәһ.) бәһрәләнмишдир. Әгли елимләр зәминәсиндә Әлламә Тәбәтәбаидән дәрс алмышдыр.Һәмчинин өз елмини әмәл үзрә инкишаф еләтдирмәк үчүн тәһсил илләриндә Имам Хомејни (рәһ.), Һаҹ Аға Һүсејн Гумми, Һаҹ Аға Рза Бәһауддини (рәһ.), Әлламә Тәбәтәбаи  вә Ајәтуллаһул-үзма Ҝүлпајаҝанинин (рәһ.) әхлаг дәрсләриндә һазыр олмушдур. Шәһид Ајәтуллаһ Мәдәни (рәһ.) илә достлуғу онун шәхсијјәтинин формалашмасында одугҹа тәсирли олмушдур.

 

Елми мәдәни фәалијјәт

Тәһсил алдығы илләриндә дәрс дә демиш, Һәмәдан вә Гум елми һөзәсиндә “Мүгәддимат” - “Сәтһ” дәрсләрини тәдрис етмиш чох сајда шаҝирдләр јетишдирмишдир. Мәрһум 31 үнван китабын мүәллифидир. Јаздығы китабларын әксәријјәти бир чох дилләрә о ҹүмләдән рус вә Азәрбајҹан дилләринә тәрҹүмә едилмишдир. Мүхтәлиф дилләрдә олдугҹа чох мәгаләләри гәзет вә журналларда чап олмушдир. Һәмчинин әрәб вә фарс дилләриндә шерләр јазмышдыр.

Диҝәр фәалијјәтләриндән мәрһумун Гум шәһәриндә “Ҹәфәријјә” дини мәдрәсәни тәсис етмәсини гејд етмәк олар.

Сијаси-иҹтимаи фәалијјәтләри

Иран Ислам ингилабындан өнҹә вә сонра даим Имам Хомејни (рәһ.) хәттини мүдафиә етмишдир. Ингилабдан сонра да лајигли хидмәтләр етмишдир. Онлардан бәзиләри ашағыда гејд едилмишдир:

 

▪️Гејри-Иранлы тәләбәләрәрин вәзијјәти илә мәшғул олмаг үчүн мәсулијјәти;

▪️Гум елми һөвзәсинин “Мүдиријјәт шурасында”да үзв олмасы;

▪️Илк дәфә олараг Гум елми һөвзәсиндә гејри-Иранлы тәләбәләр үчүн мүдиријјәт  дәфтәрханасыны (һазыркы Ҹамиәтул әл-Мустәфа универиситетини) тәсис етмәси.

▪️Икинҹи вә үчүнҹү дөврләрдә “Хүбрәҝан Мәҹлиси”нин, Һәмәдан үзрә нүмајәндәси;

▪️Гум елми һөвзәси “Ҹамиеје мүдәррисин”дә үзв олмасы;

▪️Истанбулда Имам Хомејнинин (рәһ.) нүмајәндәси;

▪️Бакыда Али дини лидер Ајәтуллаһул-үзма Сејид Хамнеинин нүмајәндәси (1992-1998-ҹи илләр);

Аллаһ руһуну шад етсин!

 

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Arba'een
Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди