Илаһи Инҹиләрин Нур Сил-Силәси

Имам Әлидән (ә) ешитдији гејби хәбәрин тәсдиги дә ону һидајәт етмәди

Имам Әлидән (ә) ешитдији гејби хәбәрин тәсдиги дә ону һидајәт етмәди

Һәрсәмә ибни Сәлим: “О заман ки, Куфәдән Сиффејнә тәрәф һәрәкәт едирдик, Кәрбәла дијарына ҝәлиб чатдыг. Намаз вахты иди вә Имам Әлинин (ә) имамәтлији илә ҹамаат намазы гылдыг...”

Һәрсәмә ибни Сәлим Әмирәл-мөминин (ә) тәрәфдашларындан бири иди ки, Һәзрәтлә (ә) бирликдә Сиффејн дөјүшүндә вурушмушду.

О, нәгл едир: “О заман ки, Куфәдән Сиффејнә тәрәф һәрәкәт едирдик, Кәрбәла дијарына ҝәлиб чатдыг. Намаз вахты иди вә Имам Әлинин (ә) имамәтлији илә ҹамаат намазы гылдыг. Намаздан сонра Һәзрәт (ә) Кәрбәла торпағындан ҝөтүрдү вә ијләди. Сонра бујурду: “Хош олсун һалына, еј торпаг! Сәндән елә инсанлар галхаҹагдыр ки, һесаб вермәдән беһиштә дахил олаҹаглар”.

Ондан сонра Сиффејн дөјүшүнә ҝетдик. Сонра евә гајытдым вә ханымыма дедим: “Әбәл Һәсәндән (ә) сәнә бир әһвалат данышаҹағам”. Сонра оланлары она данышдым. Дедим ки, Әли (ә) гејб елми олдуғуну иддиа едир.

Һәјат јолдашым мәнә деди: “Еј киши, бу ирадлардан әл чәк. О шеји ки, Әмирәл-мөминин (ә) дејир, һагдыр””.

Һәрсәмә дејир: “Анҹаг мән шүбһә ичиндә идим, о замана гәдәр ки, 61-ҹи һиҹри илиндә Ашура һадисәси баш верди. Дүшмән ордусу Имам Һүсејни (ә) өлдүрмәк үчүн Кәрбәлаја топлашды.

Мән әввәл Өмәр Сәдин ордусунда идим. Сонра Имам Әлинин (ә) дедикләри јадыма дүшдү вә баша дүшдүм ки, һагдыр. Она ҝөрә дә Өмәрин ордусундан ајрылдым вә ҝизлинҹә ата миниб, Имам Һүсејнин (ә) јанына ҝетдим.

Онун јанына ҝедән заман атасындан ешитдијим бу һәдиси она данышдым.

Һәзрәт Һүсејн (ә) бујурду: “Инди ки, бу гејб хәбәринин һәјата кечдијини ҝөрүрсән, бизимлә бирликдә оланлардансан, јохса мүхалиф?”.

Дедим: “Һеч бири, өз аиләми дүшүнүрәм”.

Һәзрәт (ә) бујурду: “Она ҝөрә дә бу дијардан сүрәтлә ајрыл, чүнки һәр ким бурада олар вә бизим сәсимизи ешидәр, бизә јардым етмәз – јери ҹәһәннәм атәши олар””.

Һәрсәмә бу һәссас заманда гачмаға гәрар верди вә Зәманәнин Имамыны (ә) јардымсыз гојду.

 

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Quds cartoon 2018
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди