Мөвлудун Мүбарәк!

Имам Һүсејнин (ә) адыны Аллаһ Тәала Ҹәбрајил (ә) васитәсилә Пејғәмбәрә (с) вәһј етмишдир

Имам Һүсејнин (ә) адыны Аллаһ Тәала Ҹәбрајил (ә) васитәсилә Пејғәмбәрә (с) вәһј етмишдир

Имам Һүсејн (ә) 6 јашына гәдәр бабасы Пејғәмбәри (с) ҝөрә билмишди. Даима онун шәфгәт әлини башынын үзәриндә һисс етмишди. Һәјатын ән дәјәрли дәрсләрини вә әхлагыны бабасындан өјрәнмишди. Мәһз буна ҝөрә дә, Имам Һүсејн ејнизаманда Пејғәмбәр Әкрәмин ән бөјүк сәһабәләр сырасына дахил едилир.

Әһли Бејт (әлејһимус-сәлам) - АБНА – Хәбәр Аҝентлији: Имамәт сәмасынын үчүнҹү улдузу олан Имам Һүсејн (ә) 4-ҹү һиҹри илинин Шәбан ајынын 3-дә ҹүмә ахшамы ҝүнү Мәдинәдә дүнјаја ҝәлмишдир.

ӘсмабинтиӘмиснәгледир:

“Фатимәнин (с.ә) икинҹи өвлады дүнјаја ҝәләндән сонра Пејғәмбәр (с) Әлинин (ә) евинә ҝәлди вә мәнә бујурду: “Өвладымы јаныма ҝәтир”. Мән көрпәни Һәзрәтин (с) јанына апардым. Һәзрәт (с) сағ гулағына азан вә сол гулағына игамә охуду. Сонра она нәвазиш етмәјә башлады. Анидән ҝөзләриндә јаш јығылды. Бунун сәбәбини сорушан заман, Һәзрәт (с) бујурду: “Мәндән сонра бу көрпәнин башына ҝәләҹәк мүсибәти хатырладым. Ону бир дәстә залым Исламы мүдафиә етмәк ады илә шәһид едәҹәкләр”. (Һәвзәһ)

Имам Һүсејнин (ә) адыны Аллаһ Тәала Ҹәбрајил (ә) васитәсилә Пејғәмбәрә (с) вәһј етмишдир вә Ҹәбрајил (ә) Һәзрәтин јанына ҝәлиб демишди: “Аллаһ Тәала сәнә салам ҝөндәрир вә бујурур: “Әли (ә) сәнин үчүн неҹәдирсә, Һарун да Муса (ә) үчүн еләдир. Она ҝөрә дә јахшы оларды ки, бу көрпәнин адыны Һарунун кичик оғлунун ады илә адландырасыныз”. Бу адын әрәб дилиндәки һалы - Һүсејндир. Бу хәбәри алан кими Һәзрәт (с) гызынын евинә тәләсир вә сорушур: “Бу көрпә үчүн ад сечмисинизми?”. Имам Әли (ә) бујурур: “Биз бу ишдә һеч бир заман сизи габагламарыг”. Һәзрәт (с) бујурур: “Онун адыны Һүсејн гојун”.

Ашура гәһрәманы үчүн чох ләгәбләр гојулмушдур. О ҹүмләдән: Рәшид, Тәјјиб, Вәфи, Зәки, Сејјид. Һәзрәт Пејғәмбәр (с) ону бу ләгәблә чағырарды : “«سَیِّدُ شَبابِ اَهْلِ الجَنَّه» Јәни, беһишт ҹаванларыны сәрвәри. Имам Әли (ә) исә Сејјидүш-шүһәда ләгәби илә чағырарды. Үмуми олараг Һәзрәтә (ә) 313 ләгәб гојулмушдур. Имамын (ә) күнјәси исә Әба Абдуллаһдыр.

Имам Һүсејн (ә) гардашындан сонра Имамәт күрсүсүнә әјләшир вә үммәтә имамлыг етмәјә башлајыр. Һәзрәт Пејғәмбәр (с) һәјатда олан заман Имам Һүсејнин (ә) имамәтлијинә чох ишарә етмишдир. Белә ки, Һәзрәт (с) бујурурду: “Мәним бу оғлум Имам, Имам оғлу, Имам гардашы вә Әһли-бејт (ә) Имамларынын атасыдыр. Онларын доггузунҹусу Гаимдир ки, мәнимлә ејни адда вә ејни күнјәдәдир. Јер үзү зүлмлә долдугдан сонра, о, әдаләтә бүрүјәҹәкдир”.

Имам Һәсән (ә) шәһадәт јатағында бујурмушду: “Гардашым Һүсејн! Мән сәни өз вәсим гәрар вердим вә бу һәмин әһддир ки, атамыздан бизә чатмышдыр. О, буну Пејғәмбәрин (с) тәрәфиндән вә о, да Аллаһ тәрәфиндән бәјан етмишдир”.

Имам Һүсејн (ә) 6 јашына гәдәр бабасы Пејғәмбәри (с) ҝөрә билмишди. Даима онун шәфгәт әлини башынын үзәриндә һисс етмишди. Һәјатын ән дәјәрли дәрсләрини вә әхлагыны бабасындан өјрәнмишди. Мәһз буна ҝөрә дә, Имам Һүсејн ејнизаманда Пејғәмбәр Әкрәмин ән бөјүк сәһабәләр сырасына дахил едилир.

Имам Һәсән (ә) атасы Имам Әлинин (ә) шәһадәтиндән сонра он ил имамлыг етмишдир. Бу мүддәт әрзиндә Имам Һүсејн (ә) гардашынын ән садиг вә мүхлис јардымчысы олмушдур. Имам Садиг (ә) бу һагда бујурур: “Имам Һүсејн (ә) гардашы Имам Һәсәнә (ә) еһтирам үчүн һәтта јол ҝедән заман белә, о Һәзрәтдән габаға кечмәзди вә данышан заман ону габагламазды”.

Ашура ингилабы дини һөкмләри дири сахламаг вә Пејғәмбәр (с) сүннәтини дирчәлтмәк үчүн һәјата кечмишди. Әҝәр бу ингилаб олмасајды, Ислам дини өз һәгигәтини итирәр вә ҹаһилијјәт дөврүнүн адәт-әнәнәләринә тәслим оларды. Бу ингилабын тәсири әбәдидир вә һеч бир заман сөнмәздир.

 

 

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди