Илаһи Инҹиләрин Нур Сил-Силәси

Имам Садиг (ә) атеистә Аллаһын варлығыны неҹә сүбут етди?

Имам Садиг (ә) атеистә Аллаһын варлығыны неҹә сүбут етди?

Имам (ә): “Чох тәәҹҹүблүдүр, сән ки, нә мәғрибә ҝетмисән вә нә дә мәшригә, нә јерин алтына ҝетмисән вә нә дә ҝөјә галхмысан вә нә дә сәманын гатларында ҝәзмисән ки, биләсән орада нә вар, бу гәдәр ҹәһаләт вә наҝаһлыгла јенә дә инкар едирсән? Мәҝәр о агил шәхс ки, бир шејдән аҝаһ олмаз, инкар едәрми?”.

Әһли Бејт (әлејһимус-сәлам) - АБНА – Хәбәр Аҝентлији: Мисир өлкәсиндә Әбдүлмәлик адлы бир киши јашајырды вә Абдуллаһ адлы бир оғлу вар иди. Әбдүлмәлик Аллаһы инкар едирди вә бу әгидәдә иди ки, дүнја өз-өзүндән јаранмышдыр. О, ешитмишди ки, тәк Аллаһа инанан Имам Садиг (ә) адлы бөјүк шәхсијјәт Мәдинәдә јашајыр. Гәрара алыр ки, Мәдинәјә ҝетсин вә Имамла (ә) ҝөрүшсүн.

О Мәдинәјә чатан заман Имамын (ә) јерини сорушур вә она дејирләр ки, Имам (ә) һәҹҹ үчүн Мәккәјә ҝетмишдир. О, бу сөзләри ешидиб Мәккәјә јолланды. Һиҹаза чатыб Кәбәнин јанына ҝедир. Имам Садиг (ә) тәвафла мәшғул иди. О, тәваф едәнләрин арасына гошулур вә инады үзүндән Имам Садигә (ә) тәнә вурмаға башлајыр. Имам (ә) тәваф етмәсинә давам едир вә сонра да она мәзәммәтлә нәзәр салыб дејир: “Адын нәдир?”. О, дејир: “Әбдүлмәлик”. Имам (ә) сорушур: “Күнјән нәдир?”. Дејир: “Әбу Абдуллаһ”. Имам (ә) бујурур: “О султан ки, сән онун бәндәсисән, јер һакимләриндәндир, јохса ҝөј? (Күнјәнә ҝөрә) оғлун Аллаһын бәндәсидир. Де ҝөрүм о, ҝөјдәки Аллаһын бәндәсидир, јохса јердәки?”. Әбдүлмәликин һеч бир ҹавабы олмур вә Имама (ә) бахыб сүкут едир.

Имам Садигин (ә) шаҝирди Һишам ибни Һәкәм орада иди вә Әбдүлмәликин сүкутуну позур вә она дејир: “Имамын (ә) ҹавабыны нијә вермирсән?”. Имам (ә) давам едир: “Сәбир ет, тәвафым сона чатсын. Тәвафдан сонра мәним јаныма ҝәл, сөһбәт едәк”.

Имамын (ә) тәвафы битәндән сонра Әбдүлмәлик Һәзрәтин (ә) јанына ҝедир вә гаршысында әјләшир. Имамын (ә) шаҝирдләри дә орада идиләр.

Имам (ә) бујурду: “Гәбул едирсәнми ки, бу јерин алты, үстү, батини вә заһири вардыр?”.

Әбдүлмәлик дејир: “Бәли”.

Имам (ә): “Јерин алтына ҝетмисән?”.

Әбдүлмәлик: “Јох”.

Имам (ә): “Бәс билирсәнми ки, јерин алтында нә хәбәр вар?”,

Әбдүлмәлик: “Јерин алтындан һеч нә билмирәм. Анҹаг ҝүман едирәм ки, јерин алтында һеч нә мөвҹуд дејилдир”.

Имам (ә): “Ҝүман вә шәкк, о јердәдир ки, бир шејә јәгинлик әлдә едә билмирсән. Һеч ҝөјә галхмысанмы?”.

Әбдүлмәлик: “Јох”.

Имам (ә): “Билирсәнми ҝөјдә нә хәбәрдир вә нәләр мөвҹуддур?”.

Әбдүлмәлик: “Јох, билмирәм”.

Имам (ә): “Чох тәәҹҹүблүдүр, сән ки, нә мәғрибә ҝетмисән вә нә дә мәшригә, нә јерин алтына ҝетмисән вә нә дә ҝөјә галхмысан вә нә дә сәманын гатларында ҝәзмисән ки, биләсән орада нә вар, бу гәдәр ҹәһаләт вә наҝаһлыгла јенә дә инкар едирсән? Мәҝәр о агил шәхс ки, бир шејдән аҝаһ олмаз, инкар едәрми?”.

Әбдүлмәлик: “Индијә гәдәр һеч кәс мәнимлә белә сөһбәт етмәмишдир”.

Имам (ә): “Чүнки сәнин бу саһәдә шәккин вардыр ки, ҝөјүн јухарысында вә ја јерин алтында ола билсин ки, бир шејләр вардыр, ја да јохдур?”.

Әбдүлмәлик: “Бәли, ола билсин ки, беләдир”.

Имам (ә): “О кәс ки, аҝаһ дејилдир, аҝаһ олан шәхсә бүрһан вә дәлил ҝәтирә билмәз. ЕјМәнсурун гардашы! Мәни ешит вә өјрән. Биз һеч бир заман Аллаһын варлығына ҝөрә шәкк етмирик. Мәҝәр сән Ҝүнәши, Ајы, ҝеҹә вә ҝүндүзү ҝөрмүрсәнми ки, үфүгдә ашкар олар, чарәсиз өз тәјин олунмуш јолунда ҝәзиб, сонра гајыдар? Онлар өз јолунда һәрәкәт етмәјә мәҹбурдурлар. Инди сәндән сорушурам: Әҝәр ҝүнәш вә ајын ҝетмәк үчүн ҝүҹләри вардырса (ихтијар саһибирдирләрсә), бәс нијә ҝери гајыдырлар? Әҝәр өз јолларына һәрәкәт етмәјә мәҹбур дејилдирләрсә, бәс нијә ҝеҹә ҝүндүз олмур вә әксинә ҝүндүз ҝеҹә олмур? ЕјМәнсурун гардашы! Аллаһа анд олсун ки, онлар өз һәрәкәтләриндә мәҹбурдурлар. О Кәс ки, онлары мәҹбур етмишдир, онлардан даһа сабит вә әмредәндир. Еј Мәнсурун гардашы! Де ҝөрүм о шејә ки, сиз инам бәсләјир вә ҝүман едирсән, рузиҝар варлыг аләмини фырладыр вә инсанлары апарыр. Бәс нијә һәмин рузиҝар онлары ҝери гајтармыр? Әҝәр гајтарырса, нијә апармыр? Еј Мәнсурун гардашы! Нијә ҝөј јухарыда вә јер ашағыдадыр? Нијә сәма јерә дүшмүр? Нијә јер ҝөјә бирләшмир вә јер үзүндә олан варлыглара она бирләшмир?”.

Бу заман Әбдүлмәлик иман ҝәтирди вә Имамын (ә) һүзурунда Аллаһын тәклијинә шәһадәт верди. Мәҹлисин аб-һавасы дәјишди вә Имамын (ә) шаҝирдләриндән бири олан Һәмран, Имама (ә) деди: “Гурбан олум, әҝәр Аллаһы инкар едәнләр сизин әлинизлә иман ҝәтириб мүсәлман олубларса, кафирләр дә атан Пејғәмбәрин (с) әлиндә иман ҝәтирмишдиләр”.

Әбдүлмәлик дејир: “Мәни шаҝирдиниз кими гәбул един”.

Имам (ә) үзүнү Һишам ибни Һәкәмә чевирир вә бујурур: “Әбдүлмәлики јанына апар вә Ислам әһкамыны она өјрәт”.

Һишам она әгаиди вә Ислам әһкамыны өјрәдир. Имам (ә) даонуниманыныгәбуледирвәбәјәнир.

 

 

Диггәт: Хәбәрдәнистифадәетдикдәмәнбәјәистинадлазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Quds cartoon 2018
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди