Гәдир-Хум Илаһи Хилафәт вә Имамәт Бајрамы

Бөјүк Илаһи хилафәт бајрамы олан Гәдир-Хум ҝүнүнүн мүстәһәб әмәлләри

Рави бу ҝүнүн оруҹунун савабы һаггында сорушанда Имам бујурур: “Алтмыш ајын оруҹуна бәрабәрдир”.

  • Хәбәрин коду : 853122
  • Мәнбә : Ислам.аз
Хүласә

“Мәфатиһүл-ҹинан” китабында Гәдир ҝүнүнүн оруҹунун 60 иллик ҝүнаһлары силдији, бир өмрлүк оруҹа, 100 һәҹҹә вә 100 үмрәјә бәрабәр олдуғу јазылыб.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ил Гәдир-Хум бајрамы сентјабрын 9-на тәсадүф едир.

Мәшһур дуа китабларындан сајылан “Мисбаһүл-Кәфәми”дә јазылыб ки, Имам Ҹәфәр Садигдән (ә) сорушдулар: “Әмирәл-мөмининин инсанлара таныдылыб, уҹа мәгама (рәсми сүрәтдә Аллаһ Тәаланын аләмләрә хәлифә вә ҹанишини) тәјин едилдији ҝүндә һансы әмәлләри јеринә јетирмәјимиз мәсләһәтдир?”

Имам Садиг (ә) ҹаваб верди: “Оруҹ тутун, Мүһәммәдә вә нәслинә чохлу салават ҝөндәрин, онлара зүлм едәнләрин әлиндән Аллаһа бизарлыг (наразылыг) един. Һәр пејғәмбәр өз вәсисинә (ҹанишинләринә) тапшырырды ки, ҹанишин тәјин едилдији ҝүнү бајрам кими кечирсин”. Рави бу ҝүнүн оруҹунун савабы һаггында сорушанда Имам бујурур: “Алтмыш ајын оруҹуна бәрабәрдир”.

Башга бир һәдисдә Имам Садиг (ә) Гәдир ҝүнүнүн оруҹуну алтмыш мүбарәк ајын оруҹуна тај тутур. “Мәфатиһүл-ҹинан” китабында Гәдир ҝүнүнүн оруҹунун 60 иллик ҝүнаһлары силдији, бир өмрлүк оруҹа, 100 һәҹҹә вә 100 үмрәјә бәрабәр олдуғу јазылыб.

Гәдир ҝүнүндә гүсл алмаг, тәзә вә ҝөзәл либаслар ҝејинмәк, әтир вурмаг да чох бәјәнилән ишдир. Бир-бири илә ҝөрүшән заман бу дуаны охумағын бөјүк савабы вар: “Әлһәмдү лиллаһилләзи ҹәәләна минәл-мүтәмәссикинә би-вилајәти Әмирил-мөмининә вәл-әиммәти әлејһимүс-сәлам” (“Һәмд олсун Аллаһа ки, бизи Әмирүл-мөмининин вә имамларын вәлајәтинә бағлананлардан етди”).

Гәдир ҝүнүндә бу дуаны да 100 дәфә тәкрар етмәјин савабы вар: “Әлһәмдү лиллаһилләзи ҹәәлә кәмалә диниһи вә тәмамә нимәтиһи би-вилајәти Әмирил-мумининә Әлијјибни Әбиталибин әлејһис-сәлам”. (“Һәмд олсун Аллаһа ки, өз дининин камиллијини вә немәтләринин тамамыны Әмирәл-мөминин Әли ибн Әбуталиб әлејһиссаламын вәлајәтиндә гәрар верди”).

Бу ҝүн Имам Әлинин (ә) мәзарыны зијарәт етмәјин һәдсиз савабы вар. Имамлар өз сәһабәләринә төвсијә едирдиләр ки, имкан дахилиндә Гәдир ҝүнүндә өзләрини Нәҹәфә јетириб Һәзрәт Әлинин (ә) мәзарыны зијарәт етсинләр. Әлбәттә, буна имканы олмајанлар зијарәтнамәни узагдан да охуја биләрләр. Хүсусилә, дуа китабларында гејд едилән “Әминаллаһ” зијарәтини вәтәндә дә охумаг олар.

Гәдир-Хум ҝүнү ҝүнорта вахты, көлҝәләр мәғрибә доғру гысалмаға башламаздан јарым саат әввәл ики рүкәт намаз гылмағын хүсуси савабы вар. Әслиндә Имам Садигин (ә) бујурдуғуна ҝөрә бу намазы ҝүнүн истәнилән вахтында гылмаг олар, амма һиҹрәтин 10-ҹу илиндә һадисә мәһз ҝүнүн бу вахтында баш вердији үчүн, намазы да о заман гылмағын савабы бөјүкдүр. Намазын һәр ики рүкәтиндә бир дәфә Фатиһә сурәси, 10 дәфә Ихлас сурәси, 10 дәфә ајәтүл-күрси вә 10 дәфә Гәдр сурәси охунур. Ардынҹа Һәзрәт Фатимәнин (ә) тәсбиһи дејилир: 34 дәфә “Аллаһү әкбәр”, 33 дәфә “Әлһәмдү лиллаһ” вә 33 дәфә “Сүбһан Аллаһ”. Бу намазы гылан адамын арзуларыны Аллаһ јеринә јетирәр.

Сејјид ибн Тавус “әл-Игбал” китабында гејд едир ки, һәр ким Гәдир ҝүнү зијарәтнамәни охујуб мүстәһәб намазы гылдыгдан сонра сәҹдәјә ҝетсә, сәҹдәдә 100 дәфә “әлһәмдү лиллаһ” вә 100 дәфә “шүкрән лиллаһ” сөјләсә, санки Гәдир-Хум һадисәсиндә иштирак едиб, Пејғәмбәрлә вә Әли илә бејәт етмиш кими саваб газанар.

Имам Рза (ә) бујурурду ки, Аллаһ-тәала бу ҝүндә мөмин киши вә гадынларын 60 иллик ҝүнаһларыны бағышлајар. Аллаһ Гәдир ҝүнүндә үст-үстә Рамазан ајы, Гәдр ҝеҹәси вә Фитр ҝеҹәсинә нисбәтән ики дәфә артыг мөмини ҹәһәннәм әзабындан хилас едәр (әлбәттә, бунлар һәгиги мөминләрә вә Гәдир ҝүнүнү лајигли ибадәтлә кечирән инсанлара аиддир).

Гәдир ҝүнүндә силеји-рәһим етмәк, јәни гоһумларын ҝөрүшүнә ҝетмәк, мөминләрә һәдијјә вермәк, еһсан етмәк бөјүк саваба маликдир. Имам Рза (ә) бујурурду ки, бу ҝүндә едилән еһсанын һәр дирһәми саваб ҹәһәтдән башга ҝүндә едилән мин дирһәм еһсана бәрабәрдир.


 

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди

Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди