Ислам вә Ҹәмијјәт

Гуран вә өвлады ана бәтниндә горујан сүрәләрр – Һәр ајүчүн

  • Хәбәрин коду : 852516
  • Мәнбә : Дејерлер “Тебјан”-а истинадла
Хүласә

Һәзрәт Пејғәмбәр (с) бујурур: “Һәр ким “Заријат” сурәсини охујар, ана бәтниндә олан ушағы сигт олмагдан вә тәһлүкәдән горумаг үчүн тәсирли олар”.

Әһли Бејт (әлејһимус-сәлам) - АБНА – Хәбәр Аҝентлији: Ҹәмијјәти идарә едиб ирәли апаран гүввә ҹәмијјәтә һәр бир тәрәфдән әһатәси олан гүввәјә јәни Аллаһа (ҹәллә ҹәлалуһ) аиддир. Халигдир ки, инсанын тәрбијјәси үчүн она ганунлар вәз едиб бу ганунлары Пејғәмбәрләри васитәси илә она чатдырыр... Ҹәмијјәтдә әсас мәсәләләрдән бири дә, өвладын дүнјаја ҝәтирилмәси вә тәрбијјәси мәсәләсидир. Ислам бу ишә ана бәтниндән һәтта бу просесдән өнҹә белә диггәт јетирир. Белә ки, ана бәтниндә олан көрпәни һәр ајда тәһлүкәдән горумаг үчүн бир сыра әмәлләр вардыр ки, онлара нәзәр саладыгда дедикләримизин шаһиди олуруг. Һәзрәт Пејғәмбәр (с) бујурур: “Һәр ким “Заријат” сурәсини охујар, ана бәтниндә олан ушағы сигт олмагдан вә тәһлүкәдән горумаг үчүн тәсирли олар”.

Бунун үчүн һәр ај Гурани Кәримин мүәјјән сүрәләринин охунмасы тәкид олунур.

Биринҹи ај: Ҹүмә ахшамы вә ҹүмә ҝүнләри “Јасин” вә “Саффат” сурәсини охумаг. Ҹүмә ҝүнү сәһәр јемәјиндән әввәл аҹгарына нар јемәк. Ҝүнәш чыхмаздан әввәл һәр ҝүн ики әдәд хурмаја “Гәдр” сурәсини охујуб, ону јемәк.

Икинҹи ај: Ҹүмә ахшамы вә ҹүмә ҝүнләриндә “Мулк” сурәсини охумаг. Ҹүмә ахшамы ҝүнләриндә 140 дәфә вә ҹүмә ҝүнүндә 100 дәфә салаваты “әҹҹил-фәрәҹәһум”ла бирликдә демәк. Һәр ҝүн ики иннаба “Төвһид” сурәсини охујуб, аҹгарына јемәк.

Үчүнҹү ај: Ҹүмә ахшамы вә ҹүмә ҝүнләриндә “Али-Имран” сурәсини охумаг. Һәр ҝүн намазлардан сонра 140 дәфә салават демәк. Һәр ҝүн бир әдәд алмаја “Ајәтүл-күрсү” охујуб, аҹгарына јемәк.

Дөрдүнҹү ај: Ҹүмә ахшамы вә ҹүмә ҝүнләриндә “Дәһр” сурәсини охумаг. Намазларда “Гәдр сурәсини охумаг. Һәр ҝүн ики әнҹирә “Тин” сурәсини охумаг вә аҹгарына јемәк.

Бешинҹи ај: Ҹүмә ахшамы вә ҹүмә ҝүнләриндә “Фәтһ” сурәсини охумаг. Намазларда “Нәср” сурәсини демәк. Һәр ҝүн бир әдәд јумуртаја “Һәмд” сурәсини охујуб, јемәк.

Алтынҹы ај: Ҹүмә ахшамы вә ҹүмә ҝүнләриндә “Вагиә” сурәсини охумаг. Ахшам намазларынын бириндә “Тин” сурәсини охумаг. Һәр ҝүн бир нара “Фәтһ” сурәсини охујуб, аҹгарына јемәк.

Једдинҹи ај: Ҹүмә ахшамы вә ҹүмә ҝүнләриндә “Јасин” вә “Мулк” сурәсини охумаг. Һәр ҝүн 140 салават демәк. Һәр ҝүн бир һејваја “Јасин” сурәсини охујуб, ону аҹгарына јемәк.

Сәккизинҹи ај: Шәнбә ҝүнү сүбһ намазындан сонра “Гәдр” сурәсини он дәфә, базар ҝүнү сүбһ намазындан сонра “Тин” сурәсини ики дәфә, базар ертәси ҝүнү “Јасин” сурәсини, чәршәнбә ахшамы ҝүнү “Фурган”, чәршәнбә ҝүнү “Дәһр”, ҹүмә ахшамы ҝүнү “Муһәммәд (с)” вә ҹүмә ҝүнү “Саффат” сурәсини охумаг.

Доггузунҹу ајда: Имам Заман ағанын (ә.ф) саламатлығына ҝөрә гурбан кәсмәк вә ондан јемәк. Ҹүмә ахшамы ҝүләриндә “Һәҹҹ” вә ҹүмә ҝүнләриндә “Фатир” сурәсини охумаг. Һәр ҝүн бир мигдар сүд вә хурмаја “Дәһр” сурәсини охумаг вә ону аҹгарына јемәк.

Бундан әлавә ушағын ана бәтниндә тәһлүкәдән узагда галмасы үчүн “Һаггә” сурәсини јазыб, һамилә гадынын өзү илә ҝәздирмәси төвсијә олунур.

 

 

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Arba'een
Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди