Гур`ани Кәрим

Гурани Кәримдә адлары кечән инсаны Аллаһдан гафил едән 7 сәбәб

“Шејтан онлара һаким олуб, Аллаһы јад етмәји онлара унутдурмушдур. Онлар шејтанын фиргәсидирләр”. (“Мүҹадилә” 19).

Әһли Бејт (әлејһимус-сәлам) - АБНА – Хәбәр Аҝентлији: "Гәфләт елә бир шејтани вирусдур ки, Аллаһ бәндәләрини, һәтта бөјүк дин алимләрини һәтта бир анлыг да олса, Аллаһдан гафил едә билир. Бөјүк мәрҹәји-тәглидләрдән олан Ајәтуллаһ Һаҹы Шејх Әбдүлкәрим Һаири, Шејх Муртәза Теһранинин јухусуна ҝирир вә Мүртәза аға ондан сорушур ки, сиз о аләмдә әзаб олунурсунузму? Алим ҹаваб верир: “Бир әзабым вардыр вә о да будур ки, нијә даһа чох Аллаһы јада салмамышам. Үрәјим һәмин анлар үчүн јаныр ки, Аллаһы јада салмамышам. Бу, мәним үчүн ән бөјүк әзабдыр”.

Гурани Кәримдә адлары садаланан Инсаны гафил едә билән амилләр:

1. Рифаһ истәмәк вә дүнјаја һәддән артыг чох диггәт етмәк.

“Еј иман ҝәтирәнләр, мал-дөвләтиниз вә өвладларыныз сизи Аллаһ зикриндән јајындырмасын! Вә ким белә етсә (Аллаһы унутса), беләләри (әсил) зијанкарлардыр”. (“Мунафигун” 9).

2. Ахирәтдән гәфләт етмәк.

“Онлар дүнја һәјатынын заһирини билирләр (һисс етдикләри вә бәһрәләндикләри шеј онлар үчүн мәгсәддир вә әсасдыр) вә ахирәтдән (дүнја һәјатынын һәгиги нәтиҹәси олан ахирәт һәјатындан) исә олдугҹа хәбәрсиздирләр”. (“Рум” 7).

3. Јолуну аздыран достлар.

«Вај олсун мәнә! Каш (мәним азмағыма сәбәб олан) филанкәси (өзүмә) дост тутмајајдым». «Һәгигәтән о, Аллаһын зикр едиләрәк хатырланмасы (вә ја Пејғәмбәр (с) вә Гуранын һәгигәти) мәнә чатдыгдан сонра о, (һәмин дост) мәни ондан (зикрдән, Пејғәмбәрдән (с) вә Гурандан) јајындырды». Шејтан инсаны һәмишә хар едиб вә (инди дә) едир”. (“Фурган” 28-29).

4. Шејтанын (Аллаһ она ләнәт етсин) инсана һаким олмасы.

“Шејтан онлара һаким олуб, Аллаһы јад етмәји онлара унутдурмушдур. Онлар шејтанын фиргәсидирләр”. (“Мүҹадилә” 19).

5. Узун арзулара малик олмаг.

“Гој јесинләр, (дүнјанын ләззәтләриндән) бәһрәләнсинләр вә арзулар онларын башларыны гатсын. Тезликлә баша дүшәҹәкләр”. (“Һиҹр” 3).

6. Нәфсинә пәрәстиш етмәк.

“Мәбада дүнја һәјатынын зинәт вә бәр-бәзәјини истәмәк үчүн ҝөзләрини онлардан (башга бир шәхсә вә шејә тәрәф) чевирәсән. (Кечмишдәки азғынлыг вә итаәтсизликләринә ҝөрә) гәлбини Өз зикримиздән гафил етдијимиз, нәфси истәкләринә табе олан вә иши исраф вә (Аллаһын мүәјјәнләшдирдији һәдди) ашмаг олан кәсә итаәт етмә!”. (“Кәһф” 28).

7. Намаза јүнҝүл јанашмаг.

“Онларын Кәбә евинин јанындакы намаз вә дуалары фит вә әл чалмагдан башга бир шеј дејилди. Буна ҝөрә дә етдијиниз күфрүн ҹәзасы олараг дадын (дүнја вә ахирәт) әзабы(ны)!”. (“Әнфал” 35).

Аллаһ Тәала бизләри гәфләтә дүшмәкдән Өзү сахласын!



Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди