Африка Хәбәрләри

Зимбабведә һәрби чеврилиш, 93 јашлы президент Мугабе ҝиров ҝөтүрүлдү

Орду һәбсләрә башлады.

Зимбабведә һәрби чеврилиш, 93 јашлы президент Мугабе ҝиров ҝөтүрүлдү

Ордунун пајтахта јеридилмәсиндән индијә гәдәр һәләлик 37 илдир өлкәни идарә едән Президент Роберт Мугабенин талеји һаггында һеч бир мәлумат верилмәјиб.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Зимбабве ордусу пајтахт Һарарејә дахил олуб.

Мәлуматларда ордунун Зимбабве дөвләт телевизијасы олан ЗБҸ-нин Баш Гәрарҝаһыны әлә кечирдији јазылыб. Телевизијаја дахил олан һәрбчиләр журналистләрлә сәрт рәфтар едибләр. Буна рәғмән ЗБҸ, тезликлә сәрт рәфтарла бағлы јајымланан мәлуматын һәгигәти әкс етдирмәдијини вә һәрбчиләрин телевизијаја системин горунмасы үчүн ҝәлдијини вурғулајыб.

Мараглы мәгам одур ки, һәрбчиләрин ЗБҸ бинасына дахил олмасындан сонра пајтахтда үч партлајыш төрәдилиб. Партлајышын ким тәрәфиндән төрәдилдији мүәјјән едилмәјиб.

Зимбабве ордусу һәмчинин һәрби техникасыны пајтахт Һараре әтрафына топлајыб. Ордунун пајтахта јеридилмәсиндән индијә гәдәр һәләлик 37 илдир өлкәни идарә едән Президент Роберт Мугабенин талеји һаггында һеч бир мәлумат верилмәјиб.

Өлкәдә олан АБШ вә Британија сәфирликләрини өз фәалијјәтләрини мүвәггәти олараг дајандырыблар.

Артыг команданлыг мәлумат јајараг Һарарејә һәрби техниканын јеридилмәсинин дөвләт чеврилиши ҹәһди олмадығыны вурғулајыб. Команданлыг садәҹә ҹинајәткарларла мүбаризә үчүн ордунун пајтахта ҝирдијини вә һәр шеј гајдасына дүшдүкдән сонра әсҝәрләрин бурадан чыхарылаҹағыны билдириб.

Гејд едәк ки, өлкәдә гарышыглыға сәбәб Зимбабвенин һаким партијасы ЗАНУ-ПФ-нин Силаһлы Гүввәләрин рәһбәри Константин Чивенганы хәјанәтдә иттиһам етмәси олуб. Бундан сонра Чивенганын мүттәфиги сајылан витсе-президент Еммерсон Мнангагву дөвләт чеврилишиндә иттиһам едиләрәк Президент Роберт Мугабе тәрәфиндән истефаја ҝөндәрилиб. Чивенга бу истефаја сәрт реаксија верәрәк, өлкәдә јаранан сијаси бөһрана сон гојаҹағыны сөјләјиб.

Мугабе 1980-ҹи илдән Зимбабвени идарә едир. О, АБШ-агаршысәртиттиһамларыиләсечилир. Сосиализм идејаларына бағлы олан Мугабе өлкәдә базар игтисадијјатынын тәтбигини там гадаған едиб. О, һәмчинин, ағдәрили фермерләрин тәгиби, гара расизмдә иттиһам едилир.

 

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди