Арашдырма

Дираззурун муһасирәдән чыхарылмасы АБШ-ын Јахын Шәрг планыны неҹә алт-үст етди? (Тәһлил)

  • Хәбәрин коду : 852668
  • Мәнбә : Исламын Сеси
Хүласә

Рәсми Вашингтон даима бөлҝәдәки мүттәфигләрини Иран хофу вә “Шиә Һилалы” тәһлүкәси илә горхутмаға вә бунун васитәсилә онлара күлли мигдарда силаһ сатмаға чалышыб. Бу тенденсија “Әрәб Баһары”ндан доған мүнагишәләр заманы максимум һәддә чатды. Амма бу кифајәт етмирди. Исраил әтрафында олан өлкәләрин һамысы бир јолла зәифләмәли мүстәгил сијасәтиндән әл чәкмәли идиләр.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Дејраззур шәһәринин ИШИД-ин 3 иллик муһасирәсиндән чыхарылмасы АБШ-ын вә сионизмин Јахын Шәрглә бағлы планларыны алт-үст етди.

Өтән ҝүн (5 сентјабр) Сурија мүнагишәсинин тарихиндә әламәтдар бир ҝүн кими тарихә дүшдү. Бу ҝүн дә Һәләбин азад едилмәси (22 декабр 2016) ҝүнү кими Сурија мүнагишәсинин мәҹрасында мүһүм дөнүш нөгтәси јаратды. Әҝәр Һәләбин азад едилмәси Јахын Шәргдәки мүгавимәт меһвәринин мүдафиәдән һүҹум мәрһәләсинә кечмәсини тәмин едирдисә, Дејраззурун азад едилмәси һәмин мүгавимәт меһвәринин Суријада гәләбәси демәк иди. Әлбәттә бу там гәләбә дејил, лакин АБШ вә империализмин вә онларын бөлҝәдәки әлалтысы Сионист режимин Јахын Шәрглә бағлы планынын үзәриндән хәтт чәкмиш олду.

Јахын Шәргдә вә Шимали Африкада “Әрәб Баһары” далғасы АБШ-ын бөлҝәдә јени планлара әл атмасына сәбәб олду. “Әрәб Баһары”ндан өнҹә Јахын Шәргдә хариҹи сијаси курс бахымындан әсасән ики ҹәбһәләшмә мөвҹуд иди. Мүгавимәт меһвәри вә буна мане олан “Мүманиәт” меһвәри. Мүгавимәт ҹәбһәсиндә олан өлкәләр АБШ-дан мүстәгил сијасәт јүрүтмәјә хүсусиләдә Фәләстин мәсәләсиндә барышмаз мөвге тутмагда исрарлыдырлар. Лакин гаршы ҹәбһәјә дахил олан мүсәлман өлкәләри мүстәгил хариҹи сијасәтә малик олмадығындан АБШ-ын тәзјиги илә биринҹи ҹәбһәјә мане олмаға чалышырдылар. 2011-ҹи илдән сонра Сурија, Ираг, Јәмән, Бәһрејн, Мисир, Ливија вә саир өлкәләрдә сабиг ҹәбһәләшмә јерини мәзһәбләрарасы гаршыдурмаја вә радикал групларын гаршыдурмасына вермиш олду. Бу, амил АБШ үчүн бөлҝәдә јени ҝеосијаси вәзијјәт јаратмаг, сөзүҝедән мүгавимәт ҹәбһәсини зәифләтмәк, сарсытмаг вә ја ону арадан ҝөтүрмәк фүрсәти верирди.

Рәсми Вашингтон даима бөлҝәдәки мүттәфигләрини Иран хофу вә “Шиә Һилалы” тәһлүкәси илә горхутмаға вә бунун васитәсилә онлара күлли мигдарда силаһ сатмаға чалышыб. Бу тенденсија “Әрәб Баһары”ндан доған мүнагишәләр заманы максимум һәддә чатды. Амма бу кифајәт етмирди. Исраил әтрафында олан өлкәләрин һамысы бир јолла зәифләмәли мүстәгил сијасәтиндән әл чәкмәли идиләр.

Сурија мунагишәси Мүгавимәт ҹәбһәсини чәтин вәзијјәтлә үзбә-үз гојду. Белә ки Сурија дөвләтинин арадан ҝетмәси илә Ираг ордусунун ҝериләмәси илә Иранла Ливан вә Фәләстин арасында ҹоғрафи бағлар гырылмалы, бөлҝәдә јени вә узунмүддәтли мүнагишә оҹаглары јаранмалы вә нәтиҹә етибарилә Исраил Сионист режимин узунмүддәтли тәһлүкәсизлији тәмин едилмәли иди.

Буна ҝөрә Сурија-Ираг сәрһәдиндә јерләшән Дираззур әјаләтинин инзибати мәркәзи Дираззур шәһәринин ИШИД-ин муһасирәдән чыхарылмасы вә азад едилмәси мүнагишәнин дөнүш нөгтәси сајылыр. Бундан өнҹә Сурија-Ливан сәрһәдинин Һизбуллаһын вә ики өлкә ордусунун васитәсилә “ән-Нусра Ҹәбһәси” вә ИШИД-дән тәмизләнмәси дә Дираззур гәдәр әһәмијјәт дашыјыр. Ики ај өнҹә Сурија Ордусу вә мүттәфигләри сәһрадан вә АБШ-ын интенсив һава зәрбәләриндән кечәрәк Ираг сәрһәдләринә чата билдиләр вә беләҹә 4 илдән сонра илк дәфә олараг, Сурија Ордусу илә Ираг Ордусу сәрһәддә бир-биринә чатдылар. Амма инди Дираззурун азад едилмәси исә Мугавимәт ҹәбһәсдинин ҹоғрафи бахымдан бирләшмәсини тәсбит едә билди.

Вахтилә ИШИД-дә (2014 ијун) бу сәрһәдләрә чатанда торпаг манеәләрини јарараг Сајс-Пико анлашнасыны мәһв етдијини вә јени “дөвләт” јаратдығыны билдирди. Бу, “дөвләт” һәмин мәшум план иди. Һәмин план вә һәмин “дөвләт” ки, АБШ вә Сионизмин бөлҝәдәки рәгиби олан Мүгавимәт ҹәбһәсини һәдәфә алмышды.

Дираззурун азад едилмәси Сурија дөвләтинин әлинин өлкәнин узаг шәргинә чатмасыны да тәмин етди. Бу ирәлиләјишлә ИШИД Суријадакы ән бөјүк вә ән сон әјаләт мәркәзини әлдән вермиш олаҹаг. Һәмчинин АБШ-ын дәстәкләдији вә күрдләрин башчылыг етдији “Сурија Демократик Гүввәләри”нин вә ЈПҜ-ин Сурија әразисиндә ҹәнуба доғру ирәлиләмәсинин гаршысыны алаҹаг. Дираззурда һава лиманынын тәһлүкәсизлијинин тәмин едилмәси Сурија-Ираг сәрһәдләриндә апарылан әмәлијјатларын сүрәтини артыраҹаг. Дираззурун азад едилмәси һазырда ордунун ирәлиләдији Иорданија сәрһәдләриндәки әмәлијјатлары да сүрәтләндирәҹәк.

 

Самид Паша

 

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Arba'een
Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди