Америка Хәбәрләри

Америкалылар Ағ Евин гаршысында силаһдан истифадәјә етираз едибләр

Америкалылар Ағ Евин гаршысында силаһдан истифадәјә етираз едибләр

Аксија иштиракчылары Ағ Евин гаршысында үч дәгигә әрзиндә јердә узанараг һөкумәти силаһ сатышларына даир ганунлара дәјишиклик етмәјә чағырыблар.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Февралын 19-да бир нечә тәләбә вә шаҝирд Ағ Евин гаршысында етираз аксијасы кечирибләр.

Мәлумата ҝөрә, аксија иштиракчылары Ағ Евин гаршысында үч дәгигә әрзиндә јердә узанараг һөкумәти силаһ сатышларына даир ганунлара дәјишиклик етмәјә чағырыблар.

Бунунла да иштиракчылар өтән һәфтә Флорида штатында төрәдилмиш силаһлы инсидент заманы гыса мүддәтдә хејли сајда инсанын һәлак олмасы вә јараланмасыны ифадә етмәјә чалышыблар.

Хатырладаг ки, февралын 14-дә Флорида штатындакы Марҹори Стоунман Дуглас мәктәбиндә 19 јашлы Николас Круз тәрәфиндән үч дәгигә әрзиндә төрәдилмиш силаһлы инсидент нәтиҹәсиндә 17 нәфәр һәлак олуб, 14 нәфәр јараланыб. Н.Круз бу ганлы гырғыны “АР-15” автомат түфәнҝи илә төрәдиб. Бу ҝүн јајылмыш јени мәлумата әсасан, гәтлиамдан габаг Круз 10 әдәд “АР-15” автомат түфәнҝи алмаға наил олуб.

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди