Америка Хәбәрләри

АБШ-ын Суријадакы сон сәфири: Биз хәта етдик. Ојун битди. АБШ Ирана мәғлуб олду!

АБШ-ын Суријадакы сон сәфири бу өлкәдә ҝедән һадисәләрин пәрдәархасы мәгамларындан сөз ачыб.

  • Хәбәрин коду : 840651
  • Мәнбә : Ислам Азери
Хүласә

Роберт Форд: “Иран Ислам Республикасы 1983-ҹү илдә Ливанын пајтахты Бејрут шәһәриндә олдуғу кими, америкалылары Шәрги Суријадан да ҝери чәкилмәјә мәҹбур едәҹәк.”

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, АБШ-ын Суријадакы сон сәфири олмуш (2011-2014-ҹү илләр) Роберт Форд "Ал-Сһарг Ал-Аwсат"а вердији мүсаһибәдә билдириб ки, Сурија һөкумәти вә онун мүттәфигләри, о ҹүмләдән Иран, сонда АБШ-ын Суријадакы “ағалығы” әлдә етмә сәјләринин гаршысыны ала биләҹәкләр.

“Иран Ислам Республикасы 1983-ҹү илдә Ливанын пајтахты Бејрут шәһәриндә олдуғу кими, америкалылары Шәрги Суријадан да ҝери чәкилмәјә мәҹбур едәҹәк.”, - дејә Форд гејд едиб.

“Иранын Суријада олан нүфузу вә мөвгеләри мөһкәмләнмәјә давам едәҹәк.”, - дејә о әлавә едиб.

Даһа сонра Форд Суријадакы һадисәләрин гаршыдакы илләр әрзиндә неҹә инкишаф едәҹәји барәдә өз версијасы барәдә данышыб:

“Бәшәр Әсәд өлкәнин гәрбиндәки дајаг нөгтәләрини јенидән өз нәзарәти алтына алаҹаг, Иран исә суријамејилли гүввәләрә дәстәк верәрәк онлары ҝүҹләндирәҹәк. Һәмин гүввәләр исә, 1980-ҹи илләрдә Иранын дәстәкләдији “Һизбуллаһ” һәрәкатынын етдији кими, АБШ-ы Шәрги Суријадан тамамилә ҝери чәкилмәјә вадар едәҹәк.”

Бундан әлавә, Роберт Форд һесаб едир ки, АБШ рәһбәрлији өз һазыркы мүттәфигләри олан күрдләри сонда јары јолда гојаҹаг.

“Әсәд нәјә ҝөрә 2017-ҹи илә гәдәр таб ҝәтирәрәк һакимијјәтдә гала билди?” суалынын ҹавабында исә Форд дејиб: “Биз дүшүнүрдүк ки, Сурија ордусу зәифләјәҹәк вә бундан сонра там тагәтдән дүшәнәдәк мүдафиә мөвгеји тутаҹаг. Ја да ки, суријалы әсҝәрләр ордудан фәрар едәҹәкләр... 2013-ҹү илин әввәлиндә мән ҝөзләјирдим ки, Әсәд өз һакимијјәтини әлдән верәҹәк, лакин бу заман “Әл-Кусәјр” дөјүшү баш верди вә “Һизбуллаһ” чох сајда әсҝәрини дөјүш мејданына ҝөндәрди. 2013-ҹү илин сонунда исә, “Азад Сурија Ордусу”нун (АСО) бүтүн елементләри мәғлубијјәтә уғрады вә онларын әвәзинә “Әһрар әш-Шам” вә “Нусра Ҹәбһәси” гурулду. АСО ҹәнубда да һеч бир уғур әлдә едә билмәди... Бундан сонда биз дүшүнүрдүк ки, Әсәд анҹаг вә анҹаг Дәмәшг, Лазкијјә, Һомс вә Һәманы әлдә сахлаја биләҹәк, Һәләб вә ја һәр һансыса диҝәр бир шәрг шәһәринә нәзарәт едә билмәјәҹәк. Фактики олараг, биз еһтимал едирдик ки, Сурија парчаланаҹаг. Лакин биз һеч дүшүнмәздик ки, Русија вә Иран 2014 вә 2015-ҹи илләрдә Әсәдин мүдафиәси үчүн бу гәдәр бөјүк ресурслар ајыраҹаг.” 

“Әсәд галиб ҝәлди, мәним нәзәрдә тутдуғум одур ки, о, галибдир; вә ја ән азындан онун өзү белә дүшүнүр... Ола билсин ки, Әсәд 10 илдән сонра бүтүн өлкәни өз нәзарәти алтына ҝери гајтара биләҹәк.”, - дејә о сонда билдириб.

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

پیام امام خامنه ای به مسلمانان جهان به مناسبت حج 2016